Məkkəmiz Şuşa, Mədinəmiz Xankəndi olacaq

Şəhidlərin ruhuna qələbə müjdəsi

İyulun 12 – də Ermənistan Silahlı Qüvvələri Azərbaycan Ordusunun Tovuz rayonunda yerləşən mövqelərini iriçaplı silahlardan və artilleriya qurğularından atəşə tutdu. Artilleriya atəşləri nəticəsində dinc sakinlərdən ölən və yaralananlar oldu. Azərbaycan Silahlı Qüvvələrinin cavab atəşi və əks-həmlə tədbirləri nəticəsində düşmənin hücum cəhdinin qarşısı alındı. İyulun 13-nə keçən gecə ərzində gərginlik davam etdi. Artilleriya, minaatan və tankların tətbiqi ilə gedən gecə döyüşlərində Azərbaycan Ordusunun dəqiq atəşi ilə qarşı tərəfin dayaq məntəqəsi, artilleriya qurğuları, hərbi hissəsi ərazisində avtomobil texnikası və canlı qüvvəsi məhv edildi. Azğın düşmən igid əsgərlərimizin həmləsinə tab gətirməyib geri çəkildi. Təbii ki. Vətən uğrunda yenə şəhidlər verdik.

Amma dörd il öncə Aprel döyüşlərinin Azərbaycan cəmiyyətində doğurduğu ab-havanın da şahidi olduq. Doğrudan da, bığ yeri yenicə tərləyən yeniyetmə oğlanın da, nişanlı gəncin də, keçmiş döyüşçünün də daxilində qeyrət ocağı yenidən alovlanıb şölələndi. Hər kəs Azərbaycan bayrağına sarılıb Vətən deyərək ayağa qalxdı. Paytaxt Bakı bir gecədə kəndləri, şəhərləri, bütün bölgələri ilə bütövləşib vətənləşdi. Sinəsində orden və medalları bərq vuran yaşlı müharibə veteranları, xanım-xatın qadınlar belə döyüşə getməyə hazır olduqlarını bəyan etdilər. Ruhumuzda böyük canlama, qəlbimizdə sabahkı qələbəmizə ümid yaradan həyəcanlar yaşadıq. Tarix uşaqdan-böyüyəcən Azərbaycan xalqının Vətən sevgisini bu dəfə dövlət sərhədimizin Tovuz istiqamətində alovlanan yeni müharibə alovuyla sınağa çəkdi.

Kiçikdən böyüyəcən hamımız dörd gözlə cəbhə bölgəsinə boylandıq. Ölkəmiz – evimiz, iş yerimiz əsl müharibə ab-havasıyla nəfəs aldı. Düşmən tapdağında qalan Qarabağın baş şəhəri Şuşa, eləcə də Allahın bizə bəxş elədiyi, fəqət illərdir ki, ziyarətinə həsrət qaldığımız yurd yerləri bir-bir gözlərimizin önündə canlandı. Sanki bizi bir araya gələməyə, həmrəy olmağa səslədilər. Bizi bir araya səsləyən həm də şəhid zabitlərimizin, əsgərlərlərimiz ruhları idi.

O müqəddəs ruhaların arasında adları Vətənimizin müdafiəsi uğrunda qəhrəmanlıq salnaməsinə yeni yazılan general - mayor Polad Həşimovun, polkovnik İlqar Mirzəyevin, mayor Namiq Əhmədovun, mayor Anar Novruzovun, baş leytenant Rəşad Mahmudovun, gizir İlqar Zeynallının, gizir Yaşar Babayevin, çavuş Vüqar Sadıqovun, baş əsgər Elşad Məmmədovun, əsgər Elçin Mustafazadənin, Xəyyam Daşdəmirovun və Nazim İsmayılov kimi Vətənin qeyrətli oğullarının səsləri vardı. Vətənin tariхi qəhrəmanları, qəhrəman şəhidlərimiz də Vətənin varlığını şərəflə yaşadır. Qoy bu, son şəhidlərimiz olsun!

Düzü, Aprel döyüşlərində olduğu kimi, iyul ayının 12-dən başlayaraq qısa zaman kəsiyində baş verənlər hər şeyi unutdurdu; adamların şəxsi dərdi-sərini də, bir anlıq əsrin faciəvi fəlakəti olan koronavirusu da... Xocalı soyqırımından üzü bəri gözlərdə qurumayan yaşlar bir anlığa sanki ara verib dayandı, daşlaşmış ürəklər yumşaldı.

Mən belə hissləri 1988-ci ildə Lənkəran, Masallı, Cəlilabad camaatının pay-piyada Bakıya - Azadlıq meydanına yürüşü zamanı yaşamışdım. İndi də fəxrlə o zaman “İlin xalqı” adı almağımızı dilə gətiririk.. İslam peyğəmbəri özü də buyurub ki, Vətəni sevmək imandandır!..

Ordumuza dəstək yürüşlərində izdihamı görəndə adamın ürəyi dağa döndü. Qürür keçirdik ki, qeyrət ocağımız sönməzdir. Bu,bizim - ilk növbədə Azərbaycanda yaşayanların vətəndaşlıq borcu idi... Fəsad gələn yerdən nicat da gələr, deyiblər. İçimiz illər uzunudu ki, Qarabağın azadlığı eşqi ilə qaynayıb-daşdanır. Üç - dörd gün ərzində öz doğma ocağımıza tökülən igidlərimizin al qanı bu eşqi daha da alovlandırdı. Paytaxta, bölgələrdə şəxsi maşınlarda, evlərin eyvanlarında milli bayrağımımız dalğalandı, efirlərdə Vətən, torpaq, milli qürur və ləyaqət uğrunda mübarizəyə səsləyən hərbi türkülər səsləndirildi:

Hay ver, mənə, cənab leytenant!

Hay ver mənə, leytenant!

Xoş müjdəli bir savaşdan,

Pay ver mənə, leytenant!

Belə sınaq günlərində bizim hamımız, Azərbaycandan kənarda yaşayan soydaşlarımız da eynu arzuyla yaşayırdıq. Çox yaxşı bilirik ki, Azərbaycanın xalqının Vətən uğrunda savaşı xeyirin şərlə, işıq tanrısı Hörmüzün qaranlıq tanrısı Əhrimənlə (yer üzünün Əhriməni –ermənidir, erməni fikri şeyx Sədi Şiraziyə məxsusdur –N.M), həqiqət aşıqlərinin yalan carçıları ilə döyüşüdür! Yaxşılıq da, hörmət də, bağışlamaq da, xeyirxahlıq da, Vətənini vətandaş kimi sevmək də insan ağlının, şüurunun bəhrəsidir! Bu qanlı-qadalı iyul günləri bir daha dərk etdim ki, dünyada ən böyük qələbə hər bir vətəndaşın özündən başlayır – düşmənin təxribatının və zorakılığının qarşısında etiraz səsini ucaltmasından, bir bayraq alıtnda birləşməsindən başlayır...

Əsl vətənpərvərlik mənəvi şücaətdən, cəsarətdən Vətən eşqindən, yurd sevgisindən doğulur. Əsl Vətən sevgisinin reklama, tele-şouya ehtiyacı olmur. Belə sevgi də həqiqət kimi əsrlər-qərinələr boyu sadə xalqın içində yaşyır. Vətən eşqinin dəbdəbəli saraylardan, villalardan, xarici banklarda tıx vuran milyonlardan və milyardlardan çox-çox uzaq olduğunun bir daha şahidi olduq. Dünya da Azərbaycan Ordusunun gücünü , xalqımızın iradəsini və yekdil mübarizə əzmini gördü. Və təkcə görmədi, görüb, duyub, dərk etdi.

Milli Ordumuzla qürur duyan xalqımızın səfərbər olmaq çağırışı yarandığı gündən turist təşkilatına bənzəyən ATƏT-in Minsk qrupuna, qərar və qətnamələri ermənilər tərəfindən vecə alınmayan BMT-yə, neftinə görə Azərbaycana saxta sevgilər bəsləyən ikili standartlı dünyaya etirazı idi. Qürur duyub, fəxr etdik ki, bizim Azərbaycanımızın mənəvi gücü onun maddi gücündən qat-qat önə keçə bilər...

Bəli, dörd il öncə Aprel döyüşlərində olduğu kimi, Azərbaycan dünyanın gözündə bir boy da artıb, yüksəldi. Həmişə Azərbaycanın boyuna sevinənlər də olub, paxıllıq edənlər də...

Müasir dünya siyasətində isə cavabsız suallar çoxdur. Yenə qərbdən, şimaldan paxıllıq rüzgarları əsdi üstümüzə, soyuq su calamaq istədilər getdikcə alovlanan qeyrət ocağımızün üstünə! Yanar ocağın üstünə su calamaq isə böyük günahlardan sayılır. Çox təəssüf olsun ki, hələ də aparıcı Qərb dövlətləri Azərbaycanın Qarabağ uğrunda erməni faşizminə qarşı ədalətli mücadiləsinə xristian rakursundan baxırlar.

Fəqət son döyüşlərdə bir daha əmin olduq ki, milli qeyrət ocağımızı söndürmək həm xaricdə, həm də daxildə heç bir təxribataçı qüvvəlıərə nəsib olmayacaq. Və bir daha əmin olduq ki, Qarabağın gözəl yerlərinin havasını udmaq, sərin bulaqlarının suyunu içmək heç də uzaqda deyil. Qədim Şuşada bu gün müvəqqəti yuvası salmış şeytan sülaləsi darmadağın ediləcək. Düşmən işğalından azad olunmuş torpaqlara neçə - neçə igid zabit və əsgərlərimizin qanı töküldüyünü heç kim, heç vaxt unutmayacaq. O torpaqlar qeyrətli vətən öğullarının qanı bahasına azad olunduğuna görə bizdən sonra gələcək nəsillərə qızıldan da qiymətli, əvəzsiz və müqəddəs məkan olacaqdır!..

Vaxt gələcək Azərbaycandan həcc ziyarətinə dəfələrlə gedən zəvvarlar marşurutu dəyişdirib murdar düşmənlərdən təmizlənən Şuşamızın ziyarətinə gedəcəklər. Məkkəmiz Şaşa, Mədinəmiz Xankəndi olacaq! Bax elə şəhidlərimizin ruhuna da ən böyük zəfər müjdəsi də bu olacaq!

Nurəddin Muğanlı,

İki sahil .- 2020 .- 21 iyul .- S.21.