İşğalçı Ermənistana müstəmləkəçi Fransa dəstəyi

«Ermənilər sonsuz faciələrlə üzləşirlər. Bütün həmrəylik və dost hissimlə sizə deyirəm ki, Fransa həmişə sizin yanınızda olacaq» sözləri ilə əqidə, qan qardaşı saydığı ermənilərə canıyanarlıq edən Fransanın prezidenti Emmanuel Makron Ermənistana yardım ayrılması barədə qərar verib. Burada təəccüblü heç nə yoxdur. Yəni, nəticə elə ataların söylədikləri kimidir: «Atı atın yanına bağlasan həmrəng olmasa da, həm xasiyyət olur.» Əsrlərdən bəri günahsız insanların ölümünə bais olan müstəmləkəçi fransızlarla işğalçı ermənilərin insanlara nifrəti hər iki millətin genlərindən qaynaqlanan xarakterləridir. Bu günlərdə qardaş Türkiyədə baş verən meşə yanğınlarını toy- bayram kimi qeyd edən bir erməni axçiyinin «Kaş ki, yanğınlar 44 gün sürərdi» sözləri 44 gün davam edən İkinci Qarabağ müharibəsində məğlub olan xalqın eqoizminin, başqalarına nifrətin, yaxud məğlubiyyətdən irəli gələn hiddətin göstəricisidir.

Ermənilərlə fransızları birəşdirən oxşar cəhətlərin olmasını tarixi faktlar da təsdiqləyir. Vaxtilə müstəmləkəsi olan Afrikanın yerli əhalisinə divan tutan, təbii sərvətlərini istismar edən, günahsız insanları qətlə yetirən fransızlar kimi, ermənilər də qonşularının ərazilərini mənimsəməkdə fransızlardan geridə qalmırlar. Fransızların Afrikada qaradərililərə, II Dünya müharibəsi dövründə nasist Almaniyası ilə əməkdaşlıq edən kollaboraniostlərin yəhudilərə qarşı törətdikləri cinayətləri tarixi faktlar da təsdiqləyir. XVI əsrdən bəri Afrikada öz ərazilərindən 20 dəfə böyük bir coğrafiyada talançılıq və qətillər törədən Fransa ilə tarixən azərbaycanlılara, türklərə nifrət bəsləyən Ermənistanı birləşdirən amillər eynidir. Yerli əhalinin etirazlarından sonra müstəqillik qazanan ölkələrdə guya yaranan münaqişələri aradan qaldırmaq üçün «sülhməramlı missiya” adı ilə» qoşun saxlayan Fransa Cibutidə, Sahil regionunun Çad, Mali, Qabondan tutmuş Seneqala qədər uzanan ərazidə hərbi bazalarını yerləşdirdi. Azadlıq uğrunda gedən müharibələrdə 2 milyondan çox afrikalı qətlə yetirildi. Fransızların Əlcəzairdə, Ruandada törətdikləri hərbi cinayətlər dəhşətləri ilə insanın qanını dondurır.

Eyni dəst-xətti təkrar edən Ermənistan qəddarlığına görə Fransadan heç də geridə qalmır. 1988-ci ildə azərbaycanlıları ata yurdu Qərbi Azərbaycandan çıxarmağa başlayan ermənilər 57-si qadın, 23-ü uşaq olmaqla 217 soydaşımızı qətlə yetirmişlər. Qəddar ermənilər Hamamlı şəhərində (Spitak) 17 azyaşlı uşağı iri diametrli boruya dolduraraq hər iki tərəfini qaynaq edərək dərəyə atmışlar. Eyni vəhşiliyi Quqarkda (Qarakilsə-Pəmbək mahalı) təkrar edən ermənlərin bu dəfəki qurbanlarının sayı 70 nəfər olmaqla 5-12 yaşlarındakı uşaqlar idi. İnsanlığa yaraşmayan bu cinayətin üstünün 1988-ci ilin dekabrında Ermənistanda baş verən zəlzələ zamanı köməyə gələn fransalı xilasedicilər tərəfindən açılması isə eyni xislətli qatillərə taleyin ironiyası idi.

Ermənilərin 30 il işğal altında saxladıqları Azərbaycan ərazilərində törətdikləri biri- birindən dəhşətli cinayətləri, terrorları sadalamaqla bitməz. Dağlıq Qarabağ işğal edilməmişdən əvvəl, erməni quldurları 1990-cı ildə, Yanvar hadisələrindən iki gün əvvəl Naxçıvan Muxtar Respublikasının Kərki kəndində azyaşlı Malik və Elvin qardaşlarını həyətlərində oynarkən qətlə yetirən erməni terrorçuları həmin ilin martın 24-də Ermənistanla sərhəddə yerləşən Qazax rayonunun Bağanis Ayrım kənd sakinlərindən 10 nəfərini vəhşicəsinə öldürmüş, 15 nəfəri yaralamışlar. Həmin rayonun Aşağı Əskipara, Quşçu Ayrım, Xeyrimli və Məzəm kəndlərinin sakinləri də erməni terrorçularının qurbanı olmuşlar. «Qarabağ” terror təşkilatı»ı qaniçənlərinin Xocavənd rayonunun Qaradağlı kəndində , Vərəndəli fermasında öldürdükləri, diri-diri yandırdıqları, əsir götürdükləri insanlar da günahsız qurbanlardır. Kəlbəcərin Ağdaban, Başlıbel kəndlərində ermənilər tərəfindən törədilən faciələr ən ağır cinayətlərdəndir. Nəinki böyüklərə uşaqlara qarşı amansız olan erməni cəlladlarının uşaq qatili adlandırılması təsadüfi deyil. 1989-cu ildə Xankəndi yaxınlığındakı Kərkicahan qəsəbəsində 9 yaşlı Nicat və 11 yaşlı Nadir İbrahimov ermənilər tərəfindən güllələnmişlər. Müharibənin ilk illərində Kəlbəcərdə 8 uşaq - Sahil Məmmədov (10 yaş), Razim Salmanov (8 yaş), Anar Valehov (7 yaş), Cahid İbişov (10 yaş), Səxavət Dəmiroğlu (14 yaş), Natiq Əsgərov (14 yaş), Bəxtiyar Xəlilov (11 yaş) və Azər Orucov (7 yaş) vəhşicəsinə qətlə yetirilmişlər. Ermənistan ordusu tərəfindən Ağdamda 9 yaşlı Fariz Bədəlov, Tovuzda isə 13 yaşlı Aygün Şahmalıyeva, Füzuli rayonunun Alxanlı kəndinin 2 yaşlı Zəhra Quliyeva və nənəsi də erməni vəhşiliyinin qurbanı olmuşlar.

Ötən ilin sentyabr ayının 27-də səbhə xəttində təxribat törədən ermənilər vandallıqlarını bir daha göstərdilər. Həmin tarixdən başlanan İkinci Qarabağ müharibəsini Zəfərlə başa vuran, qalib kimi Ermənistana kapitulyasiya aktını imzaladan Azərbaycana qarşı kinini davam etdirən erməni silahlılarının döyüş bölgəsindən çox uzaqda yerləşən Gəncəyə, Tərtərə, Qəbələyə, Bərdəyə atdıqları raketlər nəticəsində xeyli insan həlak oldu, yaralandı.

Ermənistan işğal altında saxladığı ərazilərdə basdırdıqları minaların partlaması nəticəsində həlak olan azərbaycanlılar da günahsız qurbanlardır. Damarında erməni qanı daşıyan bir daşnak törəməsinin 44 günlük Vətən müharibəsindəki məğlubiyyətlərinin acısını qardaş Türkiyədə davam edən yanğınlara sevinməklə çıxarmaq cəhdi köpəyin aya baxıb hürməsinə bənzəyir. Ermənilərə böyük zərbə olan 44 günlük müharibədə Zəfər qazanan Türkiyə-Azərbaycan qardaşlığı dost ölkədə baş verən yanğınları da birgə döyünən ürəklərinin hərarəti ilə söndürəcəklər. Əvvəlki meşələr bərpa olunacaq. Amma erməni terrorçularının törətdikləri vəhşiliklər, vandallıqlar bu xalqın alnına yazılmış üz qarası kimi tarixdə 44 gün deyil, əsrlərlə qalacaq.

Xuraman İsmayılqızı

İki sahil.- 2021.- 6 avqust.- S.13