Şəfqət və mərhəmət simvolu

 

 

 

Azərbaycan Respublikasının Birinci-vitse prezidenti Mehriban xanım Əliyevanın ictimai-siyasi fəaliyyətinin ən parlaq dövrünü əhatə edən Birinci-vitse prezidentlik dönəmindən beş il vaxt keçir. Vaxt axarı çoxşaxəli fəaliyyət istiqamətləri olan Azərbaycanın xanım lideri Mehriban Əliyevanın fəaliyyətinə nəzər salmağı şərtləndirir. Azərbaycanın görkəmli yazıçısı Mircəlal Paşayevin ailə şəcərəsindən olan Mehriban xanım Əliyeva peşəcə həkim olsa da heç vaxt ətrafında baş vermiş hadisələrə laqeyd qalmayan, ictimai-siyasi hadislərə adekvat münasibəti olan bir ziyalı olmuşdur.

 

Mehriban Əliyevanın 1995-ci ildə təsis etdiyi Azərbaycan Mədəniyyətinin Dostları Fondu müstəqilliyimizin ilk illərində təsis edilmiş ən qocaman fondlardandır. Fondun əsas fəaliyyəti incəsənətimizin inkişafı, təbliği, xarici ölkələrdə daha geniş tanınması, Azərbaycan xalqının dünya mədəniyyətinə inteqrasiyası, yeni beynəlxalq əlaqələrin formalaşması məsələlərinin həyata keçirilməsinə yardımçı olmaq bu istiqamətdə tədbirlər həyata keçirməkdən ibarətdir. Fond “Azərbaycan-İrs” jurnalının xüsusi buraxılışları ilə öz məqsəd və məramının gerçəkləşdirilməsinə   töhfə vermişdir. Sonrakı fəaliyyəti dönəmində həm ölkənin birinci xanımı kimi, həm də ümummilli lider Heydər Əliyevin adına təsis olunmuş Fondun rəhbəri kimi ölkənin ictimai-siyasi fəaliyyətində daha da yaxından iştirak etməyə başlamışdır. Təsadüfi deyil ki, Mehriban Əliyevanın bu fəaliyyəti UNESCO və ICESCO kimi beynəxlaq təşkilatlar tərəfindən yüksək qiymətləndirilmiş və hər iki təşkilat ona özünün xoşməramlı səfir statusunu vermişdir.    

 

UNESCONUN VƏ ICESCONUN XOŞMƏRAMLI SƏFİRİ

 

Mehriban Əliyeva  2004-cü ilin avqustunda Azərbaycan şifahi xalq ədəbiyyatı və milli musiqi irsinin qorunub saxlanılması və inkişaf etdirilməsində xidmətlərinə görə UNESCO-nun, 2006-cı ilin noyabrında isə humanitar sahədə genişmiqyaslı fəaliyyətinə, o cümlədən sivilizasiyalararası və mədəniyyətlərarası dialoqun inkişafına, İslam mədəni irsinin təbliğinə, qayğıya ehtiyacı olan uşaqların problemlərinin həllinə böyük dəstəyinə görə ICESCO-nun xoşməramlı səfiri seçilmişdir. Genişmiqyaslı xeyriyyəçilik fəaliyyətinə, bəşəriyyətin ali ideallarına xidmət sahəsində yüksək nailiyyətlərinə görə Mehriban xanım Əliyeva bir çox mükafatlara layiq görülüb. Öz fəaliyyətində daim üstün tutduğu xeyriyyəçilik fəaliyyətinə, Rusiya və Azərbaycan xalqları arasında dostluğun möhkəmləndirilməsindəki töhfələrinə görə Mehriban Əliyeva Rusiyanın “Yüzilliyin mesenatları” , Beynəlxalq Xeyriyyə Fondunun “Yaqut Xaç” ordeni ilə təltif edilib. Mehriban Əliyeva 2005-ci ildə ölkəmizdə “İlin qadını” adına, xeyriyyəçilik fəaliyyətinə, bəşəriyyətin ali ideallarına xidmət sahəsində əldə etdiyi yüksək nailiyyətlərinə görə 2007-ci ildə “Qızıl ürək” beynəlxalq mükafatına layiq görülüb. Azərbaycanın birinci xanımının dövlət başçısı İlham Əliyevin 2009-ci il 5 may tarixli Sərəncamı ilə Heydər Əliyev Mükafatına layiq görülməsi də onun əzmkar fəaliyyətinə verilən ən layiqli qiymətdir. Mehriban Əliyeva 2009-cu ildə Polşanın “Xidmətlərə görə” Böyük Komandor Xaçı ordeni, 2010-cu ildə isə Fransanın “Şərəf Legionu” ordeni və UNESCO-nun “Qızıl Motsart” medalı ilə təltif olunub. Mükafatların sırasına “Türk dünyasına xidmət” mükafatını, Krans Montana Forumunun qızıl medalı və s. daxildir. Mehriban xanım Əliyeva Rusiya Federasiyasının dünya şöhrətli İ.M.Seçenov adına Birinci Moskva Dövlət Tibb Universitetinin Fəxri professorudur.

 

2008-ci ildə Heydər Əliyev Fondunun prezidenti, UNESCO-nun və ICESCO-nun xoşməramlı səfiri Mehriban Əliyevanın şəxsi təşəbbüsü ilə Pakistanın Müzəffərabad şəhərinin Rara ərazisində qızlar üçün orta məktəb binası inşa olunub. 2005-ci ilin oktyabrında baş verən güclü zəlzələ nəticəsində yararsız vəziyyətə düşən məktəbin şagirdləri dərslərini çadırlarda və açıq səma altında keçmək məcburiyyətində qaldıqları bir vaxtda Heydər Əliyev Fondu nəcib təşəbbüslə çıxış edib. Dəyəri 750 min ABŞ dolları olan layihə çərçivəsində qısa müddətdə tikilən, müasir tələblərə cavab verən yeni təhsil ocağı fəaliyyətini bərpa edib. Heydər Əliyev Fondunun Pakistanda inşa etdirdiyi məktəb binası Fondun “Təhsilə dəstək” layihəsi çərçivəsində xarici ölkədə tikdirdiyi ilk təhsil ocağıdır. Fond Rusiyanın Həştərxan vilayətində də məktəb tikintisini həyata keçirib və həmin hadisə uzun müddət bu təhsil ocağında təhsil alan şagirdlərin xatirəsindən çıxmayacaq. Birinci vitse-prezident Mehriban Əliyevanın Azərbaycanla yanaşı, adlarını qeyd etdiyimiz ölkələrdə, həmçinin Rumıniyada, Hollandiya və Misirdə, bir sözlə, dünyanın ehtiyac olan bütün guşələrində təhsilin keyfiyyətini yüksəltmək səyləri məhz böyüməkdə olan nəslin bilik və mədəniyyət səviyyəsini artırmaq sahəsində xoşməramlı fəaliyyətin davamıdır.

 

SİVİLİZASİYALARARASI DİALOQ, MULTİKULTURALİZMİN TƏBLİĞİ

 

Bütün bu mükafatlar ölkəmizin birinci xanımının nəcib əməllərinə, yüksək humanizminə, genişmiqyaslı xeyriyyəçilik fəaliyyətinə, sivilizasiyalararası dialoqun inkişafındakı əzmkarlığına, bəşəriyyətin ali ideallarına xidmət sahəsində nailiyyətlərinə verilən yüksək qiymətlərdir. Azərbaycanın birinci xanımının indiyədək çoxşaxəli fəaliyyətinin nəinki ölkəmizdə, onun hüdudlarından kənarda da rəğbətlə qarşılanmasının səbəbləri kifayət qədərdir: o, əzmkar fəaliyyəti ilə milli-mənəvi dəyərlərin, qeyri-maddi irsin dünya miqyasında təbliği ilə yanaşı, sivil dünyada sülhün, sabitliyin, mədəniyyətlərarası dialoqun inkişaf etdirilməsi, bir sözlə, insanlığın tərəqqisinə yönələn ali ideyaların reallaşdırılmasına öz töhfələrini vermişdir. Heydər Əliyev Fondunun həyata keçirdiyi layihələr ölkəmizin müasirləşməsinə, beynəlxalq arenada tanınmasına və nüfuzunun artmasına xidmət edir. Heydər Əliyev Fondu böyük uğurlara imza atmaqla, fəaliyyətini qloballaşan dünyanın yeni aktual çağırışlarına adekvat şəkildə qurmaqla ölkəmizi beynəlxalq miqyasda layiqincə təmsil edir, milli mənafelərimizi qoruyur.Təkcə Azərbaycanda deyil, ölkəmizin sərhədlərindən kənarda da böyük rəğbət qazanan, hər zaman köməyə, yardıma ehtiyac duyanların yanında olan Heydər Əliyev Fondu ümumbəşəri mədəniyyətə, sülhə və əmin-amanlığa sanballı töhfələrini verir. Fondun prezidenti, UNESCO-nun və ICESCO-nun xoşməramlı səfiri Mehriban Əliyeva ona göstərilən bu etimadı da layiqincə doğruldub. Azərbaycan xalqının ümummilli lideri Heydər Əliyevin zəngin ənənələrinin davamçısı olan Heydər Əliyev Fondu genişmiqyaslı fəaliyyəti ilə məhz Azərbaycanın yüksək dəyərlərinin, humanizm prinsiplərinin beynəlxalq aləmə təqdimində əvəzsiz rola malikdir. Azərbaycanın birinci xanımının həyata keçirdiyi layihələr ümumbəşəri mahiyyəti ilə də diqqəti cəlb edir. Mehriban xanım dünyada sivilizasiyalararası dialoq, multikulturalizm kimi bəşəri ideyaların reallaşdırılmasına, bu sahələrdə səylərin birləşdirilməsinə böyük töhfələr verir və bu missiya davam edir. Bu yerdə UNESCO-nun sabiq Baş direktoru İrina Bokovanın Mehriban xanıma ünvanlanmış aşağıdakı sözləri çox qürurvericidir: “Sizi xoşməramlı səfirlər sırasında görmək bizim üçün – UNESCO üçün şərəfdir. Sizin nailiyyətlərinizin miqyasını bir adla əhatə etmək çətindir. Siz UNESCO-nun humanist dəyərlərinin əsl bayraqdarısınız”. Mehriban Əliyeva UNESCO-nun və ICESCO-nun xoşməramlı səfiri kimi Azərbaycanın tarixini, mədəni irsini, ölkəmizin siyasi və ictimai reallıqlarını yorulmaq bilmədən dünya ictimaiyyətinə çatdırıb. Mehriban xanımın aşağıdakı fikirləri onun üzərinə götürdüyü ali missiyanın hədəflərinin real mənzərəsidir: “Təbii ki, UNESCO və ICESCO-nun xoşməramlı səfiri kimi, bütün bu illər ərzində mən öz beynəlxalq fəaliyyətimi nizamlamalı olurdum. İlk növbədə, bu, mənim üçün dünya ictimaiyyətinə Azərbaycanın tarixini, mədəni irsini, bununla yanaşı, Azərbaycanın bugünkü siyasi və ictimai gerçəkliklərini çatdırmaq imkanı idi. Müasir Azərbaycanın nə demək olduğunu, onun əhəmiyyətini, siyasi mövqeyini, bu ölkənin potensialını dünya ictimaiyyətinə çatdırmaq lazım idi. Düşünürəm ki, bu istiqamətdə də xeyli iş görməyə nail olmuşam. Buna görə də mən gələcəyə nikbin baxıram. Düşünürəm ki, bütün bu illər ərzində toplanan təcrübə, vərdişlər mənə kömək edəcək”. UNESCO-nun sabiq Baş direktoru Koişiro Matsuura ölkəmizin birinci xanımının fəaliyyətinə yüksək qiymət verərək demişdir ki, həm Azərbaycanda, həm də dünya miqyasında mədəniyyət, təhsil, xeyriyyəçilik, idman və digər sahələrdə çoxşaxəli fəaliyyət göstərən Mehriban xanım Əliyevanın istər milli, istərsə də dünya mədəni irsinin qorunması, təbliği və inkişafı istiqamətində gördüyü işlər təqdirəlayiqdir. “Mehriban xanım Əliyeva UNESCO-nun xoşməramlı səfiri adına Azərbaycanın şifahi xalq ədəbiyyatının və milli musiqi irsinin qorunub saxlanılması və inkişaf etdirilməsi sahəsindəki yorulmaz səylərinə görə layiq görülüb. Mehriban Əliyevanın rəhbərlik etdiyi Heydər Əliyev Fondu mütəmadi olaraq Azərbaycan mədəniyyətini, qeyri-maddi mədəni irsini tanıtmağa yönələn tədbirlər həyata keçirir. Mən özüm dəfələrlə bu tədbirlərin iştirakçısı olmuşam. Onların yüksək səviyyəli təşkili iştirakçılar tərəfindən həmişə xüsusi vurğulanıb. Mehriban Əliyevanın rəhbərliyi ilə reallaşdırılan layihələr milli-mənəvi ideallara, humanist, insanpərvər dəyərlərə sadiq gənc nəslin formalaşdırılmasına, sivilizasiyalararası dialoqun genişləndirilməsinə, beynəlxalq qurumlarla əməkdaşlığın dərinləşdirilməsinə, Azərbaycanın dünyada daha yaxşı tanınmasına istiqamətlənib. Azərbaycanın BMT-nin ən mötəbər qurumlarından olan UNESCO ilə əlaqələri məhz Mehriban xanımın səyləri nəticəsində bu gün görünməmiş səviyyəyə çatıb”. K.Matsuura Mehriban Əliyevanın xoşməramlı səfir kimi UNESCO-da Qeyri-maddi mədəni irsin qorunması haqqında yeni beynəlxalq Konvensiyanın təşviqində rolunu yüksək qiymətləndirərək deyib: “Mehriban xanım Əliyeva UNESCO-nun tamamilə yeni sahəsi olan Qeyri-maddi mədəni irsin qorunması üzrə məsuliyyət daşıyan çox fəal xoşməramlı səfir oldu. O, yeni Konvensiyanı nəinki Azərbaycanda, həmçinin dünyanın digər yerlərində böyük uğurla təşviq etdi və bu gün də həmin işi uğurla davam etdirir. Mehriban xanım həm Qeyri-maddi mədəni irs üzrə Konvensiya, həm də Dünya irsi üzrə Konvensiyanın təşviqində böyük rol oynayıb”. Azərbaycanın nadir incilərinin UNESCO-nun Qeyri-Maddi Mədəni İrs Siyahısına daxil edilməsində Mehriban xanımın xidmətlərini xüsusi vurğulayan K. Matsuura məhz onun səmərəli fəaliyyətinin nəticəsi olaraq muğam və aşıq sənəti, tar ifaçılıq sənəti, eləcə də Azərbaycan xalçası, Novruz bayramı, kəlağayı sənətinin bu siyahıya daxil edildiyini xatırlatmışdır. Qeyd etmişdir ki, bununla yanaşı, İçərişəhər, Qız qalası və Şirvanşahlar sarayı kompleksi də UNESCO-nun Ümumdünya İrs Siyahısına daxil edilmişdir. Mehriban Əliyevanın UNESCO-nun xoşməramlı səfirləri arasında çox böyük nüfuza malik olduğunu qeyd edən K.Matsuura qurumda onun təşəbbüslərinin yüksək qiymətləndirildiyini də bildirmişdir.

 

QADIN HÜQUQLARININ MÜDAFİƏÇİSİ

 

Mehriban xanım Əliyevanın çoxşaxəli ictimai fəaliyyəti xaricdə təqdir olunur, nümunə göstərilir. ABŞ Etnik Anlaşma Fondunun prezidenti Mark Şnayer: “Birinci xanım Azərbaycanda qadın hüquqlarının və imkanlarının genişləndirilməsi istiqamətində də çox iş görüb. Bunun sayəsində o, bütün dünyadakı müsəlman qadınların əksəriyyətini ruhlandırıb. Heyrətamiz haldır ki, onun liderliyinin atributları, humanizm və dözümlülük dəyərlərinə sədaqət prinsipləri Azərbaycan cəmiyyətinin təməlini təşkil edən ənənələrə uyğundur”.

 

LİDERLİK FENOMENİ

 

Rusiyanın “LIVEJOURNAL” nəşri Azərbaycanın Birinci vitse-prezidenti Mehriban Əliyevanı Cənubi Qafqazın ən nüfuzlu xanımı kimi səciyyələndirib: “Mehriban Əliyeva elə bir siyasətçidir ki, dünyanın hər yerində onun haqqında danışırlar və danışmaq istəyirlər. Heç şübhəsiz, Mehriban Əliyeva hazırda karyerasının zirvəsindədir. Lakin onun xarakterini, özünə inamını və son dərəcədə dözümlü olmasını nəzərə alaraq cəsarətlə deyə bilərik ki, kamilliyin son həddi yoxdur. Mehriban xanımın Azərbaycanda, Rusiyada və dünyanın digər ölkələrində inanılmaz dərəcədə populyarlığı əsl fenomendir”. Birinci xanımın bəşər mədəniyyətinə verdiyi töhfələr beynəlxalq səviyyədə ən yüksək dairələrdə etiraf edilir. Latviyanın sabiq prezidenti Valdis Zatlers Birinci vitse-prezident Mehriban Əliyevanın fəaliyyətini və liderlik xüsusiyyətlərini çox yüksək qiymətləndirir: “Bakı müxtəlif humanitar, mədəniyyətlərarası və dinlərarası sammitlərin keçirildiyi məkana çevrilib. Birinci vitse-prezident Mehriban Əliyeva bu proseslərdə fəal və vacib rol oynayır. Mən Mehriban Əliyevanın rəhbərliyi altında Heydər Əliyev Fondu tərəfindən təşkil olunmuş “Mədəniyyətlərarası dialoqda qadınların rolunun genişləndirilməsi” mövzusunda beynəlxalq forumu yaxşı xatırlayıram. Bu forum 2008-ci ilin iyununda keçirilmişdi. Azərbaycanın Birinci vitse-prezidenti mədəniyyətlərarası dialoqun inkişafına böyük töhfə verir, eləcə də təkcə Azərbaycanda deyil, həm də bütün dünyada qadınları ruhlandırmaqla qadın liderliyinin parlaq nümunəsi kimi çıxış edir. Qlobal layihələrə, eləcə də təhsil, elm və mədəniyyətin inkişafına töhfələrinə görə Birinci vitse-prezident Mehriban Əliyeva Nizami Gəncəvi Beynəlxalq Mərkəzinin Qızıl medalı ilə təltif edilib”. V.Zatlers əlavə edir ki, Mehriban Əliyeva nümunəsi qadınları ictimai həyatda fəal iştiraka təşviq edir və bu, mükəmməl nümunədir: “Azərbaycan dövləti qadın hüquqları sahəsindəki tarixi ilə qürur duya bilər. Birinci vitse-prezident Mehriban Əliyeva öz nümunəsi ilə Azərbaycanın ictimai və siyasi həyatında qadınların artan rolunu nümayiş etdirən görkəmli şəxsiyyətdir”.

 

XOCALIYA ƏDALƏT!

 

Xocalıya ədalət! - ədalətin təntənəsi Heydər Əliyev Fondunun çoxşaxəli fəaliyyətində Azərbaycan həqiqətlərinin dünya ictimaiyyətinə çatdırılması, beynəlxalq arenada milli maraqlarımızın qorunması, ölkəmizin üzləşdiyi təcavüzkarlıq faktının ifşası istiqamətində məqsədyönlü və ardıcıl işlərin aparılması xüsusi yer tutmuşdur. Məhz Heydər Əliyev Fondunun Xocalı soyqırımının dünyada tanıdılması istiqamətində həyata keçirdiyi məqsədyönlü fəaliyyət nəticəsində çox ciddi uğurlar əldə olunmuşdur. Ölkəmizin birinci xanımı Mehriban Əliyevanın qeyd etdiyi kimi, bəşəriyyət əleyhinə ən qatı cinayətlərdən hesab olunan Xocalı faciəsi artıq bütün dünyada öz siyasi-hüquqi qiymətini almış, dünya ölkələri tərəfindən tanınmasına nail olunmuşdur: “Xocalı soyqırımı bütün bəşəriyyətə və insanlığa qarşı törədilmiş cinayətdir və yaddaşlarımızdan heç vaxt silinməyəcəkdir. Bu hadisə xalqımızı sarsıtdı, amma iradə və əzmini sındırmadı, bizi bir millət kimi daha sıx birləşdirdi və bu yenilməz birliyimizlə biz haqqın və ədalətin təntənəsinə - Xocalı faciəsinin dünya miqyasında xalqımıza qarşı soyqırımı aktı kimi tanıdılmasına nail oluruq...”. Fondun dəstəyilə uzun illər ərzində müxtəlif ölkələrdə Xocalı faciəsinə həsr olunmuş konfranslar, tədbirlər keçirilmiş, bu istiqamətdə xüsusi təbliğat aparılmışdır. Aksiyalarda ermənilərin Xocalıda törətdikləri vəhşilikləri əks etdirən fotoşəkillər, müxtəlif illərdə xarici ölkələrin nüfuzlu nəşrlərində Xocalı faciəsi haqqında dərc edilmiş materiallar, “Qarabağ həqiqətləri” adlı bukletlər və “Azərbaycana qarşı müharibə: mədəni irsin hədəfə alınması” kitabı təqdim olunmuşdur. Xocalı soyqırımı ilə bağlı beynəlxalq ictimaiyyətin dolğun şəkildə məlumatlandırılmasında Heydər Əliyev Fondunun vitse-prezidenti Leyla Əliyevanın təşəbbüsü ilə 2008-ci ildən başlanılan “Xocalıya ədalət!” beynəlxalq kampaniyasının xüsusi əhəmiyyəti vardır. Kampaniya ilk gündən Xocalı soyqırımının, Qarabağ münaqişəsinin tarixi səbəbləri və nəticələri, həmçinin Ermənistan silahlı qüvvələrinin Azərbaycanın işğal olunmuş ərazilərindən qeyd-şərtsiz və dərhal çıxarılmasının zəruriliyi ilə bağlı beynəlxalq maarifləndirmənin artırılmasını qarşısına məqsəd qoymuşdur. Kampaniyanın fəaliyyəti, həmçinin Xocalı soyqırımı qurbanlarının xatirəsinin yad edilməsinə, sağ qalmış ailələrə dəstək göstərilməsinə, bu hadisələrin yaddaşlarda yaşamasına, xüsusən də gənc nəsil tərəfindən unudulmamasına yönəlmişdir. Təsadüfi deyil ki, məhz bu kampaniyaya start veriləndən sonra bir sıra ölkələrin parlamentləri tərəfindən Xocalı soyqırımının tanınması ilə bağlı qərarlar qəbul edilmiş, ayrı-ayrı dövlətlərdə Xocalı soyqırımı abidələri qoyulmuşdur. 2008-ci il fevralın 24-də Hollandiyada (Haaqa şəhəri) ilk Xocalı soyqırımı abidəsi qoyulmuşdur. Daha sonra 30 may 2011-ci il tarixində ilk dəfə Almaniyanın Berlin şəhərində, 24 fevral 2012-ci ildə Bosniya və Herseqovinada (Sarayevo), 23 avqust 2012-ci ildə Meksikada Tlakskoake–Xocalı meydanında Xocalı abidələrinın açılışları olmuşdur. 2016-cı ildə İsraildə soyqırımı qurbanlarının xatirəsinə abidə qoyulmuşdur. Qardaş Türkiyə Cümhuriyyətinin Ankara şəhərində 28 mart 2014-cü il tarixində Xocalı soyqırımına aid ilk abidə ucaldılmışdır. Abidə Xocalı Soyqırımı Xatirə Parkında yerləşir. Parkda Xocalı Muzeyi də var. 22 aprel 2015-ci ildə İzmit, 27 fevral 2016-cı il tarixində İzmir, 9 fevral 2018-ci il tarixində Sakarya şəhərlərində soyqırımı qurbanlarının xatirəsinə abidə komplekslər qoyulmuşdur. Xocalı soyqırımı abidələri eyni zamanda Türkiyənin Uşaq, Dənizli, Kocaeli, İstanbul, Kayseri, Kahramanmaraş kimi şəhərlərində də inşa olunmuşdur. “Xocalıya ədalət!” beynəlxalq maarifləndirmə kampaniyası çərçivəsində keçirilən ardıcıl tədbirlər, müxtəlif xarici ölkələrin siyasi və ictimai dairələri ilə aparılan izahat işləri nəticəsində Xocalı soyqırımı barədə həqiqətlərin dünyada tanıdılması geniş vüsət almışdır. “Xocalıya ədalət!” kampaniyası çərçivəsində müxtəlif ölkələrin parlamentləri və dövlət qurumları qarşısında etiraz aksiyaları, piketlər, habelə seminarlar, konfranslar keçirilib, kitablar nəşr olunub, filmlər çəkilib. Ayrı-ayrı ölkələrdə keçirilən tədbirlərdə xaricdə təhsil alan tələbə gənclərimizin fəallıq göstərməsi də bu sahədə işlərin miqyasını və əhəmiyyətini artırmış, kampaniya çərçivəsində aparılan işlər özünün müsbət nəticələrini vermişdir. Nəticədə Xocalı hadisələrini rəsmi şəkildə soyqırımı kimi tanıyan dövlətlərin sayı ildən- ilə artmışdır. Artıq bu təbliğat kampaniyası Amerikadan Avropaya, Mərkəzi Asiya, Yaxın və Uzaq Şərq ölkələri, Avstraliya, hətta Afrikaya qədər geniş bir coğrafiyanı əhatə edir. Xocalı soyqırımı bir çox ölkələrdə qəbul olunan parlament aktlarında tanınmış və xatırlanmışdır. Bu vaxtadək Bosniya və Herseqovina, Kolumbiya, Çex Respublikası, Honduras, İordaniya, Meksika, Pakistan, Panama, Peru, Sudan, Cibuti, Qvatemala, Paraqvay, Sloveniya, Şotlandiya, İndoneziya və Əfqanıstanın qanunverici orqanları, həmçinin ABŞ-ın 20-dən çox ştatı tərəfindən müvafiq parlament qətnamələri qəbul edilmişdir. Meksika Senatı Xocalı faciəsini soyqırımı adlandırıb, Pakistan soyqırımı pisləyən qətnamə qəbul edib, Kolumbiya Parlamenti hadisəni soyqırımı kimi tanıyıb, Çexiya, Bosniya və Herseqovina parlamentləri Xocalı soyqırımını rəsmən tanıyıb, Peru, Honduras, Cibuti parlamenti, ABŞ-ın 24 ştatı Xocalıda qırğın törədilməsi faktının tanınması haqqında qətnamə qəbul edib. Bundan başqa, dünyanın 56 ölkəsinin üzv olduğu İslam Əməkdaşlıq Təşkilatı Xocalı faciəsini insanlığa qarşı cinayət kimi qiymətləndirib və onu soyqırımı kimi tanıyıb və bu proses davam etməkdədir. Xocalı faciəsi artıq hər il dünyanın 80-dən artıq ölkəsində geniş şəkildə anılır və ictimaiyyətə çatdırılır. Xocalı soyqırımı barədə həqiqətlərin dünyaya yayılması, 44 günlük Vətən müharibəsi gedişində ədalətli mövqeyimizin dəstəklənməsi baxımından xüsusi siyasi əhəmiyyət daşıyıb. “Xocalıya ədalət!” çərçivəsində illərlə davam etdirilən məqsədyönlü işlərin Böyük Qələbəmizdə xüsusi yeri vardır.

 

BİRİNCİ VİTSE-PREZİDENTLİK FƏALİYYƏTİ: TARİXİ ƏN-ƏNƏNİN UĞURLU DAVAMI

 

Birinci vitse-prezident Mehriban xanım Əliyevanın çoxsahəli fəaliyyəti onun əsası Heydər Əliyev tərəfindən qoyulan və hazırda möhtərəm Prezidentimiz İlham Əliyev tərəfindən davam etdirilən dövlətçilik ənənələrinə, xalqa sədaqətlə xidmət etmək missiyasının böyüklüyündən xəbər verir. 2017-ci il fevralın 21-də Mehriban Əliyevanın Birinci vitse-prezident vəzifəsinə təyin edilməsi onun zəngin fəaliyyətinin və təşkilatçılıq bacarığının məntiqi nəticəsi kimi dəyərləndirilir. “Ümummilli lider Heydər Əliyevin ölməz ideyalarına bütün varlığı ilə bağlı olan, Prezident İlham Əliyevin həyata keçirdiyi çoxşaxəli daxili və xarici siyasətə layiqli töhfələrini verən Heydər Əliyev Fondunun prezidentinin Ulu Öndərin memarı və qurucusu olduğu müstəqil Azərbaycan dövlətinin ali idarəetmə sistemində ikinci yüksək vəzifəni daşımasına çoxdan siyasi və mənəvi haqqı çatırdı. Xalqımızın milli mədəniyyətinin, mənəvi dəyərlər sisteminin qorunmasında, cəmiyyətə sağlam dəyərlərin aşılanmasında Mehriban xanımın müstəsna xidmətləri onu cəmiyyətə mötəbər ictimai-siyasi xadim kimi tanıtmışdı. Mehriban xanım Əliyevanın Azərbaycan Respublikasının Birinci vitse-prezidenti təyin olunmasının səbəbi böyük idarəçilik təcrübəsi və xalqının sevgisini qazanması ilə yanaşı, həm də ölkə Prezidenti İlham Əliyevin ən yaxın silahdaşı, yardımçısı, mənəvi dəstəkçisi olması ilə bağlı idi.

 

XALQA SƏDAQƏT, DÖVLƏTƏ XİDMƏT 

 

Mehriban Əliyeva 21 fevral 2017-ci il tarixdə  Birinci vitse-prezident kimi ilk çıxışında aşağıdakı fikirləri səsləndirmişdir: “Gündəlik fəaliyyətimizdə insansevərlik, mərhəmət, qarşılıqlı hörmət, mehribançılıq unudulmamalıdır. Əksinə, məhz bu mənəvi dəyərləri uca tutaraq ən yüksək qələbələr əldə etmək, ən böyük zirvələrə qalxmaq olar. Mən sizi əmin edirəm ki, gələcək fəaliyyətimi məhz bu prinsiplər əsasında qurmağa çalışacağam. Ölkəmizin və xalqımızın maraqlarını hər şeydən üstün tutacağam, Azərbaycana layiqincə xidmət etməyə çalışacağam”. Bu gün biz Mehriban xanımın söylədiyi fikirlərinin real həyatda uğurla həyata keçirdiyinin şahidiyik. Azərbaycanın iqtisadi inkişafı və xalqımızın rifahı naminə milli məqsədlərə nail olmaqla bağlı üzərinə nəcib missiya, yeni öhdəliklər götürən Birinci vitse-prezident Mehriban Əliyeva ötən müddət ərzində bu yüksək və məsul vəzifədə gördüyü işlərlə ölkə başçısı İlham Əliyevin və xalqımızın etimadını layiqincə doğrultmaqdadır. Bütün bunlar xalqa sədaqətlə xidmət etməyin bariz nümunəsidir. Mehriban Əliyevanın fəaliyyətində əhalinin həssas təbəqələrinin, o cümlədən keçmiş məcburi köçkünlərin, şəhid ailələrinin, qazilərin problemlərinin həlli xüsusi yer tutur. O, Birinci vitse-prezident kimi ilk müşavirəsini qaçqın və məcburi köçkün ailələrin həyat şəraitinin yaxşılaşdırılmasına həsr etmişdi. Həmin müşavirədən dərhal sonra müvafiq tədbirlər planı hazırlandı və real işlər başlandı. Qısa müddətdə yüz minlərlə qaçqın və məcburi köçkünün mənzil-məişət şəraiti yaxşılaşdırıldı.

 

ZƏFƏR MÜHARİBƏSİNDƏ ALİ BAŞ KOMANDANIN SİLAHDAŞI

 

Heydər Əliyev Fondu Vətən müharibəsi zamanı şəhid olan hərbçilərin ailələrini və qazilərimizi də daim diqqətdə saxlamışdır. Fond bu kateqoriyadan olan insanların qayğıları ilə yaxından maraqlanır, onları narahat edən məsələlərin həlli üçün mütəmadi olaraq tədbirlər həyata keçirir. Birinci vitse-prezident Mehriban Əliyevanın tapşırığı ilə Heydər Əliyev Fondu tərəfindən Aprel döyüşləri zamanı, eyni zamanda, 44 günlük Vətən müharibəsində ağır yaralanan qazilərimiz müalicə və reabilitasiya üçün Türkiyəyə göndərilib, həmçinin müharibədə sağlamlıqlarını itirmiş bir qrup əsgər və zabit yüksək texnologiyalı protezlərlə təmin edilib. Torpaqlarımızın azad olunması uğrunda mübarizəyə siyasi-mənəvi dəstək, xalqımızı milli həmrəyliyə səsləyən, şanlı ordumuzu Qələbəyə ruhlandıran müraciət və çağırışlar, müharibədən sonra isə dövlətimizin başçısı ilə birlikdə Qarabağa çoxsaylı səfərlər, dünyaya səs salan möhtəşəm “Xarıbülbül” musiqi festivalının təşkili birinci xanımın xidmətləri sırasında xüsusi yer tutur.

 

QƏLƏBƏ İLƏ MƏDƏNİYYƏTİN HARMONİYASI

 

Məhz Mehriban Əliyevanın təşəbbüsü ilə “Xarıbülbül” festivalının Şuşada təşkil edilməsi Azərbaycanın multikultural dəyərləri ilə örnək bir ölkə olduğunu bütün dünyaya göstərmişdir. “Xarıbülbül” festivalından iki ay öncə Prezident İlham Əliyev, birinci xanım Mehriban Əliyeva və qızları Leyla Əliyeva Şuşa şəhərində olarkən Molla Pənah Vaqifin dağıdılmış muzey-məqbərə kompleksini ziyarət ediblər. Artıq Heydər Əliyev Fondu bu kompleksə ikinci həyat verib. Heydər Əliyev Fondunun dəstəyi ilə dahi Azərbaycan şairi Molla Pənah Vaqifin yenidən qurulan büstünün açılışı olub. Şuşa işğaldan azad edildikdən sonra Heydər Əliyev Fondu tərəfindən ilk dəfə şairin doğma şəhərində Vaqif Poeziya Günləri yenidən təşkil olunub. Poeziya günləri çərçivəsində Heydər Əliyev Fondu tərəfindən “Qarabağ Azərbaycan mədəniyyətinin incisidir” və “Yenidən doğma diyarda: Qarabağın sənət inciləri” sərgiləri də reallaşdırılıb. Bundan əlavə, Heydər Əliyev Fondunun səyləri ilə 30 ildən artıq düşmən əsarətində qalan Qarabağın məşhur Topxana meşəsi də tezliklə öz əvvəlki görkəminə qayıdır. Heydər Əliyev Fondunun layihəsi çərçivəsində “Regional İnkişaf” İctimai Birliyinin könüllüləri tərəfindən Topxana meşəsində ağacəkmə aksiyası keçirilib. Xalqımızı möhtəşəm Qələbəyə aparan 44 günün şərəfinə ölkə üzrə 44 min ağac əkilməsi aksiyası çərçivəsində Prezident İlham Əliyev və birinci xanım Mehriban Əliyeva Cıdır düzündə ağac əkiblər. Bu aksiya ilə Heydər Əliyev Fondu işğaldan azad olunan ərazilərdə ekoloji tarazlığın bərpası istiqamətində görülən tədbirlərə start verib. Şuşa şəhəri işğal altında olduğu müddətdə ermənilər tərəfindən dağıdılmış Aşağı Gövhərağa, Yuxarı Gövhərağa və Saatlı məscidləri ilkin layihəyə uyğun olaraq bərpa olunur. Hər üç məscid ölkə əhəmiyyətli tarixi-mədəniyyət abidələri siyahısındadır. Birinci vitse-prezidentin Vətən müharibəsinin ilk günlərində xalqa müraciətində ifadə etdiyi və hər birimizin ürəyini riqqətə gətirən sözləri yada düşür: “Qoy Uca Tanrı hər bir azərbaycanlıya müqəddəs Qarabağ torpağını öpməyi nəsib etsin!”. Bu müqəddəs dua və arzu 44 gün ərzində öz təsdiqini tapdı. Doğma Qarabağımız Ali Baş Komandan İlham Əliyevin sarsılmaz iradəsi, Müzəffər Ordumuzun qəhrəmanlığı, xalqımızın birliyi və həmrəyliyi sayəsində azadlığına qovuşdu. Bu gün isə azad torpaqlarımızda geniş quruculuq işləri aparılır. Mehriban xanım Əliyevanın rəhbərlik etdiyi Heydər Əliyev Fondu da bu işlərdə yaxından iştirak edir: “Bu günlər biz hamımız Azərbaycanın ərazi bütövlüyünün bərpa olunmasının qürurunu və sevincini yaşayırıq. 30 ilə yaxın Ermənistanın işğalı altında olan torpaqlarımız Azərbaycan Respublikasının Prezidenti, Silahlı Qüvvələrin Ali Baş Komandanı İlham Əliyevin rəhbərliyi altında qəhrəman əsgər və zabitlərimizin şücaəti sayəsində azad edilmişdir... Bu gün isə qürur hissi ilə sizə Heydər Əliyev Fondunun qədim Qarabağ torpağında Azərbaycan xalqının milli sərvəti olan dini abidələrimizin, məscidlərimizin bərpası üzrə layihəyə başladığını bildirmək istəyirəm. Layihə çərçivəsində yerli və xarici mütəxəssislərin iştirakı ilə bölgədəki ziyarətgahlarımızın bərpası, konservasiyası və yenidən qurulması həyata keçiriləcəkdir. İşğal illəri ərzində Şuşa şəhərində və Ağdam rayonunda dağıntılara məruz qalmış dini ibadət yerlərinin bərpası üzrə müvafiq işlərə artıq başlanılmışdır”.

 

Mehriban Əliyeva ICESCO-nun “Qadınlar və qızlar elmdə” Beynəlxalq Günü münasibətilə keçirdiyi tədbirdə videoformatda çıxışı zamanı işğaldan azad olunan torpaqlarımızdakı müxtəlif dinlərə məxsus abidələrə də eyni münasibətin sərgilənəcəyini bildirib: “Hazırda dövlət qarşısında azad olunmuş ərazilərin canlandırılması və azərbaycanlı məcburi köçkünlərin doğma yurdlarına təhlükəsiz qayıdışının təmin edilməsi kimi nəhəng vəzifə dayanır. Biz bunun öhdəsindən gələcəyik. Biz dağıdılmış şəhərləri və kəndləri bərpa edəcəyik. Biz orada məktəblər tikəcəyik. Biz yalnız müsəlmanlara deyil, bütün dinlərə məxsus mədəni irsi bərpa edəcəyik”. Beləliklə də Heydər Əliyevin dövlətçilik kursunun fəal davamçılarından, ən əsası böyük vətənpərvər olan birinci xanım Mehriban Əliyeva tarixi əhəmiyyətli günlərdə - torpaqlarımızın azğın düşməndən azad olunduğu, Vətənimizin bütövləşdiyi günlərdə də öz şəfqəti, mərhəmət, dövlətə və xalqa xidmət nümunəsi daşıyan tarixi missiyası ilə xalqının yanında olmaqla millətimizin dərin rəğbətini qazandı. Eyni zamanda azadlığına qovuşan Qarabağımızla bağlı tezliklə bərpa işlərinə başlanılacağının müjdəsini verdi. Yalnız səmimi vətənpərvərlik hissləri, Vətən sevgisindən qaynaqlanan təmənnasız, pak hisslər insanı olduqca çətin, lakin xalqın və dövlətin gələcəyi baxımından müstəsna əhəmiyyətli işləri həyata keçirməyə sövq edə bilər. Mehriban xanım 44 günlük Vətən müharibəsində və Böyük Zəfərdən sonrakı dövrdə çoxsaylı müraciətləri ilə yüksək vətənpərvərlik, xalqının ən ağır günlərində onun yanında olan, ağrı-acılarını bölüşən, milli-mənəvi dəyərlərimizlə bağlı xüsusi həssaslıq və diqqət göstərən görkəmli dövlət xadimi kimi şöhrət qazanmışdır. 44 günlük Vətən müharibəsində Gəncə, Bərdə hadisələrində yüzlərlə günahsız vətəndaşımızın həlak olması, uşaqların, körpələrin düşmənin vəhşi terror aktlarından həyatlarını itirməsinə dövlət xadimi kimi Mehriban xanım kəskin münasibətini bildirmişdir. Bununla da düşmənin hücumuna məruz qalmış hər bir ailənin, hər bir vətəndaşımızın yanında olduğunu əməli surətdə nümayiş etdirmişdir.

 

BÖYÜK ZƏFƏRDƏN QURUCULUĞA DOĞRU

 

Mehriban Xanım Əliyevanın Böyük Zəfərdən sonra Ali Baş Komandanla birlikdə hərbi geyimdə işğaldan azad olunmuş torpaqlara baş çəkməsi bütün dünyaya Azərbaycanın qalib əhvali-ruhiyyəsini çatdırmışdır. Nigar, Tuti Bikə, Burla xatun, Bani Çiçək, Selcan xatun, Nuşabə, Tomris kimi Azərbaycan qadınlarının qəhrəmanlıq və vətənpərvərlik, millətsevərlik, ana yurda, torpağa bağlılığını bir daha öz şəxsində dünyaya nümayiş etdirmişdir. Düşməndən azad olunmuş ərazilərimizdən çəkilmiş ilk görüntülərin xalqımıza çatdırılması və dağıdılmış məscidlərin ziyarət olunması Mehriban xanımın milli dəyərlərimizə yüksək həssas münasibətinin nümunəsi idi.

 

MİLLİ VƏ DİNİ DƏYƏRLƏRƏ HÖRMƏT

 

İlk dəfə olaraq Böyük Zəfərdən sonra Ağdam məscidinin ziyarət olunması, Prezident İlham Əliyevin Məkkədən gətirdiyi “Qurani-Kərim”i Ağdam məscidinə bağışlaması, Azərbaycan Prezidenti və birinci xanımın məsciddə dua etmələri xalqımızın ən ali insani və bəşəri hisslərlə yaşadığını və millətimizə xas yüksək amalların təntənəsi idi. Milyonlarla insanın ürəyində riqqətə və hörmətə səbəb olmuş bu səfəri ilə Mehriban xanım xalqının ən ülvi arzularını Tanrı qarşısında nümayiş etdirmişdir. Və eləcə də əzəli torpaqlarımızın düşmən işğalından azad olunmasında nümayiş etdirdiyi yüksək siyasi dəstəyi, xalqa ünvanlanmış qələbə müjdəli çağırışları ilə vətəndaşlarımızda sonsuz qürur hissi oyatmışdır. Vətən savaşından sonra ən mühüm hadisələrdən biri də Ali Baş Komandanın işğaldan azad olunmuş bölgələrə səfərləri oldu. Ağdamla yanaşı, Füzuli, Cəbrayıl, Qubadlı, Zəngilan səfərlərindən sonra möhtərəm Prezident İlham Əliyevin birinci xanım Mehriban Əliyeva və qızları Leyla Əliyeva ilə Azərbaycanın mədəniyyət paytaxtı Şuşa şəhərinə səfərləri də olduqca əhəmiyyətli idi. Dövlət başçımızın indiyədək işğaldan azad edilmiş digər rayon və şəhərlərimizə etdiyi səfərləri kimi, Şuşaya bu səfəri də Ali Baş Komandanın ürəyində yaşatdığı sonsuz Vətən sevgisinin və xalqa olan bağlılığının daha bir təcəssümüdür. Eyni zamanda Prezidentin ailəsi ilə birlikdə Şuşaya səfər etməsi Qarabağın əsl sahibinin kim olduğuna dair bütün dünyaya ünvanlanmış növbəti mesaj kimi qiymətləndirilməlidir. Mehriban Əliyeva deyir: “Həyatda hər bir kəsin yerini və taleyini tarix müəyyən edir. Odur ki, nə böyük, nə də kiçik rollar olmur. Öz həyat kitabını yazmağa ancaq sənin şəxsi, dərk edilmiş məsuliyyətin imkan verir. Bu kitabda hər bir kəs özünü şəxsi həyatının və dünyanın qurub yaradıcısı, yaxud dağıdıcısı kimi təcəssüm etdirir. Kimsənsə, elə də olmalısan - bax, budur bizim həyatımız. Ona görə də özgələrin rollarını və obrazlarını gərək öz üzərinə götürməyəsən. Çünki sən də, dünyada yerin də yeganə və bənzərsizdir”. Bütün bunlar onu deməyə əsas verir ki, Mehriban xanımın xalqının xoşbəxt, firavan yaşamasına, ölkəmizin davamlı inkişafına, dövlətçiliyimizin, milli dəyərlərimizin qorunması və möhkəmləndirilməsinə həsr olunmuş ömür kitabı öz bənzərsizliyi ilə gələcəyimizə işıq saçır, yolumuzu nurlu sabahlara aparır. Bütün bu fəaliyyətlərin, xoşməramlı, nəcib keyfiyyətlərin məcmusunu xarakterizə edən əsas cəhət isə, əlbəttə ki, Birinci vitse-prezident Mehriban Əliyevanın müstəqil Azərbaycan dövlətinin yaradıcısı, ümummilli lider Heydər Əliyevin ideyalarının reallaşmasında cənab Prezident İlham Əliyevin ən yaxın silahdaşı olmasıdır.

 

AZƏRBAYCAN XANIMININ NÜMUNƏSİ

 

Hazırda Azərbaycan qadını Mehriban Əliyeva ilə, onun nüfuzu ilə haqlı olaraq fəxr edir, ondan nümunə götürür. Anar Ələkbərov Mehriban xanım Əliyevanın geniş fəaliyyətini Azərbaycanda qadın hərəkatında yeni bir mərhələ kimi qiymətləndirib və milli maraqlara söykənən bu çoxşaxəli fəaliyyəti müasir Azərbaycan qadınının cəmiyyətdəki mövqeyi və rolu barədə aydın təsəvvür yaratdığını diqqətə çatdırıb: “Mehriban xanımın milli maraqara söykənən çoxşaxəli fəaliyyəti müasir Azərbaycan qadınının cəmiyyətdəki mövqeyi və rolu barədə aydın təsəvvür yaradır. Onun şəxsiyyətində Azərbaycan qadını üçün səciyyəvi olan yüksək humanizm və qayğıkeşlik kimi keyfiyyətlər öz parlaq təcəssümünü tapıb. Onu gözəllik, xeyirxahlıq və mərhəmətin rəmzi hesab edirlər, bir çoxları özlərini Mehriban xanıma bənzədir. Bu gün hər bir Azərbaycan qadını öz fəaliyyətində onun yorulmaz fəaliyyətini özünə örnək hesab edir, ondan nümunə götürərək cəmiyyətdə öz yerini tapmağa çalışır”.

 

ELM VƏ TƏHSİLİN HAMİSİ

 

Məlumdur ki, hər bir ölkənin inkişafının əsasında yüksək hazırlıqlı, peşəkar, milli-mənəvi dəyərlərə sahib insan amili dayanır. Ümummilli lider Heydər Əliyevin “Azərbaycanın gələcəyi təhsilli insanların çiyinləri üzərində qurulacaq” kəlamı ölkəmizdə təhsil sahəsində həyata keçirilən dövlət siyasətinin prioritet istiqamətini təşkil edir. Azərbaycanın birinci xanımı Mehriban Əliyeva çıxışlarında qeyd edir: “Müasir dünyada hər bir ölkənin inkişafı, onun dünya birliyinə inteqrasiyası üçün təhsilin rolu əvəzsizdir”. Məhz buna görə Heydər Əliyev Fondu yarandığı ilk gündən Ulu Öndərin bu sahədə müəyyənləşdirdiyi vəzifələrin həyata keçirilməsinin təmin olunmasına xüsusi önəm verir.

 

Müasir dövrdə hər bir fəaliyyət sahəsində yeni ideya və baxışlar tələb edilməklə yanaşı, elmi biliklərə əsaslanan bacarıq və vərdişlərə malik kadr ehtiyatlarının mövcudluğunu vacib şərtlərdən biri hesab edən ölkənin birinci xanımı bildirir: “Azərbaycan son illər ərzində bir çox uğurlara imza atıb, qələbələr qazanıb. Azərbaycan “qara qızılı” insan kapitalına çevirməyi bacaran ölkədir”. Yarandığı ilk gündən Heydər Əliyev Fondu və ölkəmizin Birinci vitse-prezidenti Mehriban Əliyeva özünün böyük və çoxşaxəli fəaliyyətində təhsil sahəsinə xüsusi diqqət ayırıb. Bu illər ərzində Heydər Əliyev Fondunun təşəbbüsü ilə təhsillə bağlı bir çox önəmli layihə və proqramlara start verilib. Fondun həyata keçirdiyi əməli işlərin miqyası yetərincə geniş və əhatəlidir.  Heydər Əliyev Fondunun prezidenti Mehriban Əliyevanın təşəbbüsü ilə təhsil sahəsində həyata keçirilən bir sıra genişmiqyaslı proqram və layihələrin əsasında təhsil sistemini təkmilləşdirmək və onun dünya təhsil sisteminə inteqrasiyasını təmin etmək məqsədi dayanır. Ölkəmizin təhsil ictimaiyyəti tərəfindən böyük rəğbət və etimadla qarşılanan və son illərdə, ümumiyyətlə, təhsil sisteminin simasını dəyişən “Yeniləşən Azərbaycana yeni məktəb” proqramı xüsusi qeyd edilməlidir. Uğurla tətbiq edilən bu layihə hazırda ölkəmizin təhsil sahəsində müşahidə olunan nailiyyətlərin qazanılmasında mühüm rol oynayıb. Məhz bu proqram çərçivəsində ölkəmizdə üç mindən çox məktəb əsaslı təmir olunub və ya yenidən tikilib. Azərbaycanın Birinci vitse-prezidenti Mehriban xanım Əliyevanın yeni məktəb binalarının tikintisinə, mövcud məktəblər üçün əlavə korpusların inşasına, onların əsaslı təmirinə, müasir avadanlıqlarla təminatına, ümumilikdə, infrastrukturun tam yenilənməsinə göstərdiyi diqqət və qayğı ümumtəhsil müəssisələrinin, onların müəllim və şagird kontingentinin əldə etdiyi nəticələrdə də aydın görünür. Yeniləşən, infrastrukturu dəyişən məktəblərdə tədrisin keyfiyyəti əhəmiyyətli dərəcədə yüksəlib. Görülən işlər 1 milyondan çox şagirdin təlim şəraitinin əhəmiyyətli şəkildə yaxşılaşdırılması ilə müşayiət olunmaqdadır. Heydər Əliyev Fondu tərəfindən istər paytaxt Bakı, istərsə də regionlarda inşa və təmir olunan yeni məktəblər və uşaq bağçalarının istifadəyə verilməsi mərasimlərində Mehriban Əliyevanın şəxsən iştirakı isə təhsil sahəsinə artan diqqət və qayğının parlaq təzahürüdür. Azərbaycanda təhsilin inkişafına böyük həssaslıqla yanaşan Mehriban Əliyevanın təşəbbüsü ilə Fond bütün ölkə ərazisində “İnternat məktəblərinin inkişaf proqramı”, “Təhsilə dəstək” kimi proqramların icrasını da həyata keçirərək dövlət təhsil siyasətinin reallaşmasında müstəsna əhəmiyyətə malik işlər görüb.

 

Genişmiqyaslı layihələrin həyata keçirilməsi nəticəsində hətta respublikamızın ən ucqar regionlarında da hər cür ləvazimatla təchiz olunub, müasir tələblərə cavab verən məktəblər tikilib istifadəyə verilib, təhsilin bütün ölkə ərazisində əlçatanlığı təmin edilib. Belə müasir məktəblər təhsilimiz üçün yeni üfüqlər açır, şagirdlərə yeni imkanlar yaradır. Bu layihələr son illərdə Azərbaycan vətəndaşları üçün bərabər təhsil imkanlarının yaradılmasını, gənc nəslin biliklərə yiyələnməsini və ölkəmizin dünya təhsil sisteminə inteqrasiyasını prioritet məsələlərdən hesab edən Heydər Əliyev Fondunun fəaliyyətə başladığı gündən bu istiqamətdə reallaşdırdığı bir sıra uğurlu proqram və layihələri arasında əhəmiyyətli yer tutur. Ümumtəhsil müəssisələrində birbaşa tədrisin keyfiyyətinin yaxşılaşdırılmasına istiqamətlənmiş təşəbbüslər məktəblərin əyani vəsait və şagirdlərin dərs ləvazimatı ilə təmin olunmasına yönəlib. 2004-cü ildən başlayaraq Fondun dəstəyi ilə hər il qaçqın və məcburi köçkün ailələrinin ilk dəfə məktəbə qədəm qoyan uşaqlarına məktəbli çantaları və dərs ləvazimatı hədiyyə olunur. Ölkəmizdə məktəbəqədər təhsil müəssisələrinin təkmilləşdirilərək müasirləşdirilməsi, gələcəyimiz olan körpələrin sağlam və bilikli böyüməsi də Heydər Əliyev Fondunun daimi diqqət mərkəzindədir. Son illər bu sahədə də Fond tərəfindən olduqca əhəmiyyətli layihələr icra olunmaqdadır. Azərbaycanda məktəbəqədər təhsil müəssisələrinə artan tələbatı nəzərə alaraq Fond 2014-cü ildə “Məktəbəqədər təhsil müəssisələrinin inkişafı” proqramını həyata keçirməyə başlayıb. Proqram çərçivəsində məktəbəqədər təhsil müəssisələrinin təmiri, yeni binaların inşası, təhsilin, tibbi xidmətin, qidanın keyfiyyətinin yaxşılaşdırılması və digər məsələlərin həlli təmin olunub. Son illərdə respublikamızda yüzlərlə uşaq bağçasının inşa olunması göstərir ki, Azərbaycan dövləti gələcəyimiz olan körpələrin və uşaqların vətənimizə layiqli vətəndaş kimi formalaşmalarını prioritet vəzifələrdən biri elan edir.

 

TƏHSİLDƏ İNNOVASİYALARIN TƏTBİQİ

 

Məlumdur ki, müasir dünyada elm, texnologiya və innovasiyalar cəmiyyətin sosial-iqtisadi inkişafının aparıcı qüvvəsinə çevrilib. Bu istiqamət Heydər Əliyev Fondunun və onun rəhbəri Mehriban Əliyevanın təhsilalanların müasir bilik və bacarıqlarının, XXI əsr səriştələrinin inkişaf etdirilməsində mühüm əhəmiyyət kəsb edən inteqrativ təhsil yanaşmalarının ölkəmizin təhsil müəssisələrində geniş tətbiqi üzrə təşəbbüslərində də özünü göstərir. Məhz Mehriban Əliyevanın, Heydər Əliyev Fondunun himayəsi ilə dünyada trendə çevrilmiş STEAM yanaşmasının məktəblərimizdə tətbiqinə başlanması son illərin ən uğurlu yeniliklərindən biridir. Ölkəmizin üzləşdiyi pandemiya şəraitinə baxmayaraq Heydər Əliyev Fondu tərəfindən “STEAM Azərbaycan” layihəsinin əhatə dairəsi genişləndirilib. Şübhəsiz ki, Heydər Əliyev Fondunun və onun rəhbəri Mehriban Əliyevanın təşəbbüsü ilə həyata keçirilən bu layihə artıq öz bəhrələrini verməkdədir. Bundan başqa, Mehriban Əliyeva uşaq və gənclərin yaradıcı potensialının, bilik və bacarıqlarının aşkara çıxarılmasına, onların hərtərəfli biliklərə malik vətəndaş kimi yetişdirilməsi işinə xidmət edən digər çoxsaylı layihə və təşəbbüslərin də himayəçisidir. Beləliklə də 2004-cü ildə ümummilli lider Heydər Əliyevin parlaq ideyalarının işığında yaradılan Heydər Əliyev Fondu və onun rəhbəri Mehriban xanım Əliyevanın milli təəssübkeşlik, vətənpərvərlik, diqqət və qayğısının təzahürü kimi ölkəmizin təhsil sisteminin yeniləşdirilməsi üzrə xoşməramlı missiya Azərbaycana gələcək üçün yüksək səviyyəli, intellektual kadrların yetişdirilməsinə, kamil insan potensialının formalaşdırılmasına xidmət edir. Birinci vitse-prezident Mehriban Əliyeva milli maraqlardan irəli gələn strateji əhəmiyyətli vəzifələrin reallaşdırılmasına xidmət edən, milli maraqların fövqündə dayanan səmərəli fəaliyyəti ilə xalqımızın dərin rəğbət və sevgisini qazanıb. Mehriban xanımın və onun rəhbərlik etdiyi Heydər Əliyev Fondunun təhsil sahəsində gördüyü işlər təkcə ölkəmizlə məhdudlaşmır. Şəfqət və mərhəmət simvolu Azərbaycanda uşaqların sağlam və gümrah böyümələri, onların Vətənə layiqli övlad kimi yetişməsi, mükəmməl təhsil almaları dövlətin daim diqqət mərkəzində saxladığı prioritet məsələlərdəndir. Bütün bunların təmin olunmasında Heydər Əliyev Fondunun rolu əvəzsizdir. Uşaqların hüquqlarının qorunması, onlara yüksək səviyyədə qayğı göstərilməsi üçün Heydər Əliyev Fondu beynəlxalq təşkilatlarla, ilk növbədə BMT-nin Uşaq Fondu ilə çox uğurlu əməkdaşlıq yaratmış və bu istiqamətdə bir sıra mühüm əhəmiyyətli tədbirlər həyata keçirilmişdir. Cəmiyyətin sosial, ictimai və mədəni inkişafı sahəsində dövlətin həyata keçirdiyi tədbirlərə daim dəstək olan Heydər Əliyev Fondu uşaqların sağlamlığı, onların sosial problemlərinin həlli, hamı üçün bərabər və keyfiyyətli təhsil imkanlarının artırılması, xüsusi qabiliyyətli uşaqların aşkara çıxarılması və onların davamlı inkişafının təmin edilməsi, valideyn himayəsindən məhrum olmuş sağlamlıq imkanları məhdud uşaqların bilik və bacarıqlarının artırılması, cəmiyyətə fəal inteqrasiyasının təmin edilməsi, aztəminatlı və digər əsas kateqoriyalardan olan uşaqlara maddi və mənəvi dəstəyin göstərilməsi və digər istiqamətlərdə davamlı olaraq müxtəlif layihələr və tədbirlər həyata keçirir. Mehriban Əliyeva valideyn himayəsindən məhrum və xüsusi qayğıya ehtiyacı olan uşaqlara hər bir zaman diqqət göstərir, onların gündəlik qayğıları, təlim-tərbiyəsi, təhsili və hətta uşaq evlərini tərk etdikdən sonra mənzillə, işlə təmin olunmalarını əsl ana qayğısı və nəvazişi ilə daim nəzarətdə saxlayır.

 

UŞAQLARA ŞƏFQƏT VƏ MƏRHƏMƏT

 

Mehriban xanımın təşəbbüsü ilə hazırlanmış Heydər Əliyev Fondunun reallaşdırdığı “Uşaq evləri və internat məktəblərinin inkişafı” proqramı çərçivəsində ölkə ərazisində 40-dan çox uşaq müəssisəsi əsaslı şəkildə yenidən qurulub, müasir avadanlıqla təchiz olunub, əlavə yardımçı binalar inşa edilib və kommunal şərait yaxşılaşdırılıb. Həmçinin bu proqram çərçivəsində uşaq evlərində tərbiyə almış, yaşı 18-dən yuxarı olan qızlar üçün yaşayış binaları inşa olunub. “Mənim arzum odur ki, Azərbaycanda hər bir uşaq xoşbəxt olsun. Ona görə də biz uşaqlarımızı, balalarımızı məhəbbətlə, hörmətlə, mərhəmətlə, diqqətlə böyütməliyik” deyən Mehriban xanım ölkənin gələcəyi olan hər bir uşağa öz övladı kimi yanaşır. Azərbaycanın Birinci vitse-prezidenti Mehriban Əliyevanın təşəbbüsü ilə hər il Dünya Azərbaycanlılarının Həmrəyliyi Günü və Yeni il bayramı ərəfəsində uşaq evlərinin, internat məktəblərinin sakinləri və xüsusi qayğıya ehtiyacı olan uşaqlar üçün şənliklərin təşkili unudulmaz və xoş ənənəyə çevrilmişdir. Hər dəfə balacalar onların ən böyük himayədarı Mehriban Əliyevanın ətrafına toplaşırlar. Azərbaycanın Birinci vitse-prezidenti uşaqları bağrına basır, onların sevinc və fərəhini bölüşür, səmimi söhbətlər edir. Anar Ələkbərov qeyd edir ki, Mehriban Əliyevanın çoxşaxəli fəaliyyətində uşaqlara qayğı mövzusu daim həlledici yer tutub, əsas qayəsini və məzmununun təşkil edib. Onun uşaqlara sevgisi hüdudsuzdur. İndi bütün uşaqlar bu sevgini və qayğını hiss edirlər. Təsadüfi deyildir ki, Heydər Əliyev Fondunun əksər layihələri, istər təhsil sahəsində, istər səhiyyə sahəsində məhz uşaqlara yönəlmişdir. Bu layihələrə o, xüsusi can yandırır, ürəklə yanaşır: “Çox sadə istəyi var. O bütün uşaqları xoşbəxt görmək istəyir. Mehriban xanımın uşaq evlərindəki körpələrlə görüşlərdən sonra qəlbində kədərli hisslərin baş qaldırdığının dəfələrlə şahidi olmuşam. Uşaq evləri və internat məktəblərini ziyarət edərkən hər bir xırdalıqlara fikir verir, mütləq mətbəxə baş çəkir, uşaqların qidalanması ilə maraqlanır, bütün şəraiti nəzərdən keçirir. Bu gün valideyn himayəsindən məhrum olmuş və uşaq evlərində tərbiyə alan uşaqlar onun sayəsində qayğı və diqqətlə əhatə olunub, onlar üçün sözün əsl mənasında ailə mühiti yaradılıb”.

 

Beləliklə də Heydər Əliyev Fondu yarandığı gündən nəcib, xeyirxah və humanist insani dəyərlərə əsaslanaraq uşaqlara xüsusi diqqət və qayğını başlıca fəaliyyət istiqamətlərindən biri kimi seçib. Fondun bu istiqamətdə dövlətin fəaliyyətinə hərtərəfli dəstəyə əsaslanan dəyərli layihələri digər qurumlar üçün nümunə sayıla bilər. Fondun bu sahədə fəaliyyətinin əsas motivini insanlara sevgi və təmənnasız olaraq xeyirxah əməllər təşkil edir. Azərbaycanın Birinci vitse-prezidenti çıxışlarında bu fikri dəfələrlə vurğulayıb: “Uşaqlar Azərbaycanın sabahıdır, gəlin, onların problemlərinə biganə qalmayaq”. Cəmiyyətdə nəcibliyin, mərhəmət və xeyirxahlığın ali ünvanına çevrilməklə, ümumxalq mənafeləri baxımından bir sıra strateji layihələri qısa müddətdə uğurla gerçəkləşdirən Heydər Əliyev Fondunun 18 illik çoxşaxəli fəaliyyətində uşaqlara qayğı və diqqət xüsusi önəm daşıyır.

 

AMNİSTİYA AKTLARININ TƏŞƏBBÜSÇÜSÜ

 

Humanizm prinsiplərinə sadiqlik Özünün xeyirxahlığı və nəcibliyi ilə xalqımızın böyük ehtiram və məhəbbətini qazanmış Mehriban Əliyeva cəmiyyətimizdə humanizm ideallarının yorulmaz müdafiəçisi və təşəbbüskarı kimi şöhrət qazanmışdır. Mehriban Əliyevanın təşəbbüsü ilə Heydər Əliyev Fondu tərəfindən amnistiya aktlarının hazırlanması və parlamentə təqdim edilməsi artıq xalqımız tərəfindən alqışlanan bir ənənəyə çevrilib. Son illərdə Heydər Əliyev Fondunun prezidenti Mehriban Əliyevanın təşəbbüsü ilə qəbul edilən dörd amnistiya aktı 40 min 412 nəfərə şamil olunub. Fondun bu amnistiya təşəbbüsləri ölkəmizdə cinayət-hüquq siyasətinin liberallaşdırılması, cinayətkarlığın profilaktikası baxımından, o cümlədən məhkumların sayının azadılmasına gətirib çıxaran vacib bir amilə çevrilib. Bu təşəbbüs, həmçinin ölkəmizdə ictimai-siyasi sabitliyin qorunmasına da öz töhfəsini verir. Mehriban Əliyeva tərəfindən irəli sürülən bu təşəbbüslər Azərbaycan vətəndaşının hüquqlarının qorunması istiqamətində həyata keçirilən dövlət siyasətinin tərkib hissəsi və humanizm prinsiplərinin qorunub saxlanması kimi xarakterizə edilir. Heydər Əliyev Fondunun təşəbbüsü ilə elan olunan amnistiyalar minlərlə insanı azadlığa qovuşdurmuş, onların qayıtmasını həsrət və intizarla gözləyən ana-bacıların, övladların, ahıl valideynlərin hədsiz sevincinə səbəb olmuş, neçə-neçə ailələrə səadət, sevinc bəxş etmişdir. Mehriban Əliyeva bildirir: “Hər bir cəmiyyətdə mərhəmət, insanpərvərlik, qayğı kimi hisslər əsas yer tutmalıdır. O cəmiyyətdə ki həm dövlət qurumları, həm vətəndaş cəmiyyəti məhz bu prinsiplər əsasında həm öz həyatını, həm öz fəaliyyətini qurur, demək olar, o cəmiyyət inkişaf etmiş, uğurlu cəmiyyətdir. Mərhəmət təkcə çətinliyə düşən insanlara yardım əlini uzatmaq deyil. Mərhəmət bəzən çətin və məsuliyyətli qərar qəbul etməyi tələb edir. Bir dəfə səhv etmiş insanların bağışlanmaq hüququ var. Bu gün biz yenidən cəmiyyətdə öz yerlərini tutmaları, layiqli həyat yaşamaları üçün onlara şans verməliyik”. Azərbaycanda 11 dəfə amnistiya elan edilib. 2007-ci ildə ümummilli lider Heydər Əliyevin xatirəsinə həsr olunmuş, 2009-cu ildə Novruz bayramı münasibətilə, 2013-cü ildə ümummilli lider Heydər Əliyevin 90 illik yubileyi münasibətilə və 2016-cı ildə 28 May - Respublika Günü münasibətilə həyata keçirilmiş amnistiyalar Heydər Əliyev Fondunun prezidenti, Azərbaycanın Birinci vitse-prezidenti Mehriban xanım Əliyevanın təşəbbüsü ilə reallaşdırılıb.

 

Xatırladaq ki, ulu öndər Heydər Əliyevin 1993-cü ildə hakimiyyətə qayıtdıqdan sonra Azərbaycanda həyata keçirdiyi humanizm siyasətinin vacib istiqamətlərindən biri cinayət törətmiş, lakin cinayətini etiraf etmiş və peşman olmuş şəxslərə qarşı humanizm, onların əfv edilməsi, bağışlanması olub. Məhz bu siyasətin davamı nəticəsində 1995-2021-ci illər ərzində əvvəlcə ulu öndər Heydər Əliyev, sonra isə Prezident İlham Əliyev tərəfindən 67 əfv Fərmanı və Sərəncamı qəbul edilib. Bu dövr ərzində parlamentdə 11 amnistiya qərarı qəbul olunub. Həmin amnistiya qərarlarından sonuncuları Heydər Əliyev Fondunun prezidenti  Mehriban xanım Əliyeva deputat fəaliyyəti dövründə təqdim edib. Nəticədə Mehriban xanımın deputat olduğu illərdə bütövlükdə 117 min şəxsə amnistiya qərarı tətbiq olunub. Hələ 2009-cu ildə Novruz bayramı münasibətilə Milli Məclisə amnistiya aktının qəbul olunması təklifini təqdim edən Mehriban xanım Əliyeva sənədin qəbulu zamanı çox dəyərli fikirlər səsləndirmişdi: “Bu bir həqiqətdir ki, Allahın insana verdiyi ömür hər bir şeydən uca və dəyərlidir. Hər bir insan ləyaqətlə, azad yaşamağa layiqdir. Eyni zamanda hər bir insan öz ömrünün, taleyinin hökmdarıdır. Səhv etmiş, yolunu azmış insanlara həyatda yeni şans verməklə, onları bağışlayıb cəmiyyətə qaytarmaqla biz onlara yenidən həyatın, azadlığın dəyərini dərk etməyə, öz səhvlərini anlayıb doğru yola qayıtmağa kömək edirik. Mərhəmətlilik, genişqəlblilik, xeyirxahlıq, bağışlamaq bacarığı hər zaman ən ali və insani keyfiyyətlər kimi qiymətləndirilib”. Beləliklə də Heydər Əliyev Fondu özünün 18 illik fəaliyyəti dövründə insanpərvərlik və humanizm ideyalarını rəhbər tutaraq qayğı və yardıma ehtiyacı olan insanlara daim kömək etmişdir. Mehriban xanımın təşəbbüsləri, mütəmadi olaraq əfv sərəncamlarının imzalanması, amnistiya aktlarının qəbul olunması dövlətin öz vətəndaşlarına verdiyi dəyərin bariz nümunəsidir. Əfv olunan vətəndaşlar dövlətin onlara olan inam və etibarını daim hiss edirlər, bu isə onları layiqli vətəndaş olmağa həvəsləndirir. Eyni zamanda onlar minlərlə insanı əhatə edən əfv sərəncamlarına və amnistiya aktlarına, humanist addımlara görə Prezident İlham Əliyevə və Birinci vitse-prezident Mehriban Əliyevaya təşəkkürlərini bildirirlər. Vətən müharibəsində qazanılmış tarixi Zəfərin birinci ildönümü ilə bağlı bu Qələbənin memarı olan cənab İlham Əliyev tərəfindən Milli Məclisə təqdim edilən və parlament tərəfindən qəbul olunan tariximizin ən böyük amnistiya aktının icrası da deyilənləri bir daha təsdiqləyir. Məhz şanlı Qələbənin birinci ildönümünü qeyd etdiyimiz zamanda belə bir təqdirəlayiq addımın atılması ulu öndər Heydər Əliyevdən başlayaraq ölkəmizdə həyata keçirilən humanizm siyasətinin yenə də davam etdiyinin göstəricisidir. Taleyüklü günlərdə xalqının yanında Azərbaycan xalqı ölkəmiz üçün ən taleyüklü günlərdə Mehriban xanım Əliyevanın müdrikliklə həyata keçirdiyi bütün işlərin, diqqət və qayğısının, insanların həyatına həssas münasibətinin canlı şahidi olmuşdur.

 

PANDEMİYA DÖVRÜNDƏ UĞURLU FƏALİYYƏT 

 

Dünyanı bürümüş pandemiya ilə mübarizə dövründə də ölkəmizin birinci xanımı öz missiyasına, amalına sadiqliyini bir daha nümayiş etdirmişdir. Mehriban Əliyeva iki dəfə xalqa müraciət edərək hər kəsi “gözəgörünməz düşmən”lə mübarizədə birlik, həmrəylik nümayiş etdirməyə çağırdı. Birinci vitse-prezidentin “Evdə qal, sağlam qal!” şüarlı təşəbbüsü ölkəmizdə böyük dəstək qazandı. Birinci vitse-prezidentin xalqa müraciətində qeyd olunurdu: “Bütün həmvətənlərimizi vətəndaş məsuliyyəti nümayiş etdirməyə, Nazirlər Kabineti yanında Operativ Qərargahın tövsiyə və tələblərinə ciddi riayət etməyə çağırıram. Hamınızdan xahiş edirəm, öz böyüklərinizi qoruyun! Virusa yoluxmuş insanların mütləq əksəriyyətində xəstəlik yüngül formada keçir və sağalma ilə nəticələnir. Daha çox yaşlı nəslin nümayəndələri, xroniki xəstəliklərdən əziyyət çəkənlər, immuniteti zəif olanlar xüsusi risk qrupuna aiddir. Biz, azərbaycanlılar həmişə böyüklərimizə xüsusi qayğı və hörmətlə yanaşmışıq, onları həssaslıqla qorumuşuq. Əminəm ki, üzləşdiyimiz bu vəziyyətdə biz daha diqqətli olacağıq. Bu gün laqeydlik yolverilməzdir. Əminəm ki, müdrik xalqımızın ən gözəl xüsusiyyətləri – ruh yüksəkliyi və mərdlik, mərhəmət və şəfqət, inam və məhəbbət sayəsində biz birlikdə bu ciddi çağırışın öhdəsindən gələcəyik”. Ölkə başçısının və Birinci vitse-prezident Mehriban Əliyevanın məqsədyönlü səyləri nəticəsində Azərbaycan pandemiya ilk və olduqca təhlükəli mərhələsindən ən az sayda itkilərlə çıxan dövlətlər sırasında yer almışdır. Sərt karantin tədbirləri sayəsində koronavirusun yayılma sürəti azaldılmış, qısa müddət ərzində təhlükəli pandemiya qarşı effektiv müqavimət strategiyası işlənib hazırlanmışdır. Kiçik və orta biznesə dəstək, habelə əhaliyə sosial yardım məqsədilə dövlət tərəfindən dəyəri 3 milyard manatdan çox olan proqram paketləri hazırlanmışdır. Birinci vitse-prezident Mehriban Əliyevanın xalqa müraciətləri, “Instagram” səhifəsində etdiyi səmimi paylaşımlar mənəvi dəstəyin parlaq nümunələrinə ən gözəl misaldır. Mehriban xanım öz müraciətlərində xalqımızın ruh yüksəkliyi və mərdlik, mərhəmət və şəfqət, inam və məhəbbət kimi gözəl xüsusiyyətləri sayəsində bu ciddi çağırışın öhdəsindən gələ biləcəyinə əminliyini vurğulamışdır. Birinci vitse-prezident hər kəsi dövlət tərəfindən görülən tədbirlərin vacibliyini birmənalı olaraq anlamağa, maksimum vətəndaş məsuliyyəti nümayiş etdirməyə səsləyərək demişdir: “Məhz bu cür bir-birimizi qayğı ilə dəstəkləyərək, dözüm və anlayış göstərərək taleyin hökmü ilə üzləşdiyimiz qorxunc sınaqdan üzüağ çıxıb koronavirus üzərində qələbədən sonrakı həyat üçün hər kəsi qoruya bilərik. Bu qələbə mütləq baş tutacaq. Mən bu qələbəyə inanıram”. Mehriban Əliyevanın göstərişi ilə Heydər Əliyev Fondu ölkədə elan edilən karantin müddətində “Biz birlikdə güclüyük!” şüarı ilə xeyriyyə aksiyaları keçirdi. Bu aksiyalar çərçivəsində 200 mindən çox ailəyə ərzaq məhsullarından ibarət sovqatların paylanılması da bir daha fondun missiyasını nümayiş etdirmiş oldu. Pandemiya səbəbindən ölkəmizdə yaşanan böhran zamanı Mehriban Əliyevanın peşəkarlığı sayəsində idarəetmədə güc birliyi təmin olunmuşdur. Onun tapşırığına əsasən Heydər Əliyev Fondu tərəfindən pandemiya dövründə ailələrin sosial ehtiyaclarının qarşılanması, onların ərzaq və tibbi ləvazimatlarla təminatı həyata keçirilmişdir. Heydər Əliyev Fondu Azərbaycanda koronavirusun geniş yayılmasının qarşısının alınması istiqamətində dövlət tərəfindən həyata keçirilən tədbirlərə də töhfə olaraq Koronavirusla Mübarizəyə Dəstək Fonduna 500 min manat vəsait köçürdü. Heydər Əliyev Fondu daim himayəsində saxladığı bir sıra müəssisələrə koronavirusla mübarizə sahəsində dəstək göstərdi. Mehriban Əliyevanın tapşırığına əsasən, Fond tərəfindən Bakıda və regionlardakı körpələr və uşaq evlərinə, internat məktəblərinə, pensiya yaşına çatmış şəxslər üçün sosial xidmət müəssisəsinə, Uşaq Psixonevroloji Mərkəzə, eləcə də Bakıdakı və regionlardakı psixonevroloji sosial xidmət müəssisələrinə koronavirusla mübarizə tədbirləri çərçivəsində dezinfeksiyaedici vasitələr, maskalar və digər qoruyucu vasitələrdən ibarət yardımlar ayrılıb. Pandemiyanın ən ağır dövründə Fond müvafiq laboratoriyaların fəaliyyətinin qısa müddətdə təşkilinə, eyni zamanda ölkəmizin yüksək keyfiyyətli testlərlə təmin olunmasına yaxından dəstək göstərib. Fond tərəfindən xüsusi rejimli xəstəxanalar üçün bir sıra tibbi avadanlıq və ləvazimat – həm qoruyucu vasitələr, tibbi geyimlər, həm də xəstələrin müalicəsi üçün müxtəlif dərman preparatları xaricdən alınaraq Azərbaycana gətirilib. Pandemiya ilə mübarizədə iştirak edən tibbi personal üçün təlim kursları təşkil edilib. Həmin personala dəstək məqsədilə Çin, İtaliya və Rusiyadan yüksək ixtisaslı həkimlər dəvət edilib, onların azərbaycanlı tibb heyəti ilə birgə çalışmaları üçün şərait yaradılıb. Mehriban Əliyevanın təşəbbüsü ilə COVID–19 üzündən talassemiya, hemofiliya və leykoz xəstəliklərindən əziyyət çəkən uşaqlar üçün qanvermə aksiyası təşkil edilib. Bu aksiyaya Heydər Əliyev Fondunun əməkdaşları, onlarla dövlət və özəl müəssisəsi fəal qoşulub. Virusa yoluxmuş bir sıra tanınmış şəxslərə də Mehriban xanımın tapşırığına əsasən, yaxından dəstək göstərilib və onlar zəruri müalicə alaraq sağalıblar. Bütün bunlar Mehriban xanım tərəfindən mərhəmət və şəfqətin, nəcibliyin ən ali nümunəsidir. Mehriban xanım Əliyeva pandemiya dövründə hər bir insanın ümid, pənahına çevrildi. Azərbaycanın Birinci vitse-prezidenti xalqımıza ünvanlanan bütün müraciətlərində koronavirusdan xilas olmağın ən adi qaydalarına riayət edilməsinə çağırışlar olunur. Mehriban xanım Əliyevanın “Mən sizə bir övlad, bir həyat yoldaşı, bir ana və nənə olaraq müraciət edirəm! Qəlbimin dərinliklərindən gələn və hər birinizə ünvanlanan bu sözlərimi eşidib məni anlayacağınıza ümid edirəm!” kimi çağırışları pandemiya dövründə hər bir vətəndaşımızın ürəyindən keçən çağırışlar kimi qiymətləndirilmişdir. Mədəniyyətimizin hamisi Azərbaycanın dövlət siyasətinin əsas istiqamətlərindən biri milli-mənəvi dəyərlərin, tarixi-mədəni irsin qorunub saxlanması ilə yanaşı, həm də dünya irsinin beynəlxalq səviyyədə müdafiə və mühafizə edilməsinə dəstək verilməsidir. Ölkəmizdə müstəqilliyin ilk illərindən mədəniyyətin inkişafına dövlət qayğısı davamlı xarakter alıb. Digər sahələrdə olduğu kimi, ulu öndər Heydər Əliyevin banisi olduğu uğurlu mədəniyyət siyasəti özünün müsbət bəhrələrini verib. Ulu Öndərin ölməz ideyaları ölkəmizin mədəni həyatında baş verən köklü dəyişikliklərin, böyük yüksəlişin əsasını təşkil etmişdir. Bu ideyaların reallaşdırılması sayəsində Azərbaycan mədəniyyəti də hazırda yeni islahatlar dövrünü yaşayır. Prezident İlham Əliyevin mədəniyyətimizə qayğısının nəticəsi olaraq 2014-cü il 14 fevral tarixli 273 nömrəli Sərəncamı ilə “Azərbaycan Respublikasının Mədəniyyət Konsepsiyası”nın qəbul edilməsi bu sahənin inkişafına böyük təkan vermişdir. Konsepsiyada nəzərdə tutulan vəzifələrə müvafiq olaraq son illərdə Heydər Əliyev Fondu mədəniyyət sahəsində Ümummilli Liderin ideyalarının reallaşdırılması təşəbbüsləri ilə çıxış etmişdir. Fond tərəfindən Azərbaycanın zəngin və tolerant tarixi irsinin, tarix və mədəniyyət abidələrinin tədqiqi, qorunması və təbliği üçün ölkədə sistemli fəaliyyət təmin olunmuşdur. Çox haqlı olaraq Mehriban xanım Əliyevanın mədəniyyət sahəsində fəaliyyəti istər ölkəmizdə, istərsə də Azərbaycan mədəniyyətinin hamisi kimi yüksək qiymətləndirilir.

 

MADDİ VƏ QEYRİ-MƏDƏNİ İRSİN QORUNMASI

 

Heydər Əliyev Fondu yarandığı ilk gündən Azərbaycanın maddi-milli mədəniyyətimizin  mühafizəsi və tarixi irsimizin qorunması məsələlərini diqqət mərkəzində saxlamışdır. Mehriban xanım 17 ildir ki, UNESCO-nun xoşməramlı səfiri kimi qeyri-maddi mədəni irsin təbliği və qorunması missiyasını şərəflə yerinə yetirir. Eyni zamanda, ICESCO-nun da xoşməramlı səfiri olaraq Azərbaycan tarixini və mədəni irsini, ölkəmizlə bağlı həqiqətləri dünya ictimaiyyətinə çatdırmaq istiqamətində davamlı fəaliyyət göstərir. Məhz bu səylərin nəticəsi olaraq İçərişəhər, o cümlədən Şirvanşahlar Sarayı və Qız qalası, Qobustan qayaüstü rəsmləri, Xan Sarayı ilə birgə Şəkinin tarixi mərkəzi UNESCO-nun Ümumdünya İrs Siyahısına daxil edilib. Həmçinin muğam və aşıq sənətimiz, “Kamança simli musiqi alətinin hazırlanması və ifaçılıq sənəti”, “Dədə Qorqud irsi”, Azərbaycan kəlağayı sənəti Qeyri-Maddi Mədəni İrs üzrə Reprezentativ Siyahısına salınıb. Bakının 2009-cu ildə “İslam Mədəniyyətinin paytaxtı” elan edilməsi Azərbaycan mədəniyyətinin dünyaya inteqrasiyası istiqamətində çox önəmli bir hadisə olmuşdur. Bakıda ənənəvi keçirilən mədəniyyətlərarası dialoq forumları, humanitar forumlar, BMT Sivilizasiyalar Alyansının VII Qlobal Forumu Azərbaycan mədəniyyətinin dünyaya inteqrasiyası sahəsində olduqca əhəmiyyətli tədbirlərdir. Bütün bunlar dövlətin mədəniyyət siyasəti konsepsiyasının tərkib hissəsidir. Mehriban xanım Əliyevanın mədəniyyət sahəsində fəaliyyətinin digər mühüm istiqamətlərindən biri də Azərbaycan mədəniyyətinin, elminin və incəsənətinin görkəmli şəxsiyyətlərinin beynəlxalq miqyasda tanıdılmasıdır. Belə ki, 2005-ci ildə Heydər Əliyev Fondunun təşəbbüsü ilə Bakıda və Parisdə dahi Azərbaycan bəstəkarı Üzeyir  Hacıbəylinin 120 illik yubileyinə həsr olunmuş təntənəli tədbirlər keçirilib. Eyni zamanda Parisdə UNESCO çərçivəsində görkəmli kimyaçı-alim, akademik Yusif Məmmədəliyevin 100 illik yubileyi qeyd edilib, eləcə də dünya şöhrətli musiqiçi Mstislav Rostropoviç və onun həyat yoldaşı, opera ifaçısı Qalina Vişnevskayanın birgə yaradıcılıq fəaliyyətinin 50 illiyinə həsr olunmuş albom və disklər buraxılıb. 2005-ci ildə Parisdə, UNESCO-nun mənzil-qərargahında Heydər Əliyev Fondunun nəşr etdirdiyi “Qarabağ xanəndələri” musiqi albomunun təqdimat mərasimi keçirilib.

 

Azərbaycan 2019-cu ilin iyulunda UNESCO-nun Ümumdünya İrs Komitəsinin 43-cü sessiyasına uğurla ev sahibliyi edib. Dövlət müstəqilliyinin ilk illərindən Azərbaycan mədəni irsinin, milli folklor nümunələrinin, maddi-mədəniyyət abidələrinin mühafizəsini özünün dövlətçilik və milli təhlükəsizlik konsepsiyasının əsas prioritetlərindən biri elan etmişdir. Qeyd olunmalıdır ki, mədəniyyət və tarixi abidələrin qorunması və mühafizəsi bir sıra milli  beynəlxalq hüquqi sənədlərdə öz əksini tapmışıdır.

 

Mehriban Əliyevanın ictimai-siyasi fəaliyyətində yeni-yeni uğurlar diləməklə Birinci vitse-prezidentlik fəaliyyətinin daha da məhsuldar olmasını arzu edirik.

 

 

 

Sadiq Qurbanov

 

 İki sahi.- 2022.- 19 fevral.- S.-3-9.