İqtisad elminə ağır itki

AMEA-nın müxbir üzvü, iqtisad elmləri doktoru, professor Ağasəlim Ələsgərov vəfat etdi.

A.K.Ələsgərov 22 may 1928-ci ildə Bakışəhərinin Balaxanı qəsəbəsində fəhlə ailəsində anadan olmuşdur. 1950-ci ildə K.Marks adına Azərbaycan Dövlət Xalq Təsərrüfatıİnstitutunu bitirmişdir.

1958-ci ildə namizədlik, 1968-ci ildə doktorluq dissertasiyasını müdafiə etmiş, 1969-cu ildə professor elmi adını almış, 1989-cu ildə isə AMEA-nın müxbir üzvü seçilmişdir.

A.K.Ələsgərov 1981-ci ildə AMEA İqtisadiyyat İnstutunun direktor müavini vəzifəsinə irəli çəkilir. 1989-1990-cı illər ərzində isəİnstitutun direktoru vəzifəsində çalışmışdır. son illər «Qloballaşma və beynəlxalq iqtisadi münasibətlər»şöbəsinə rəhbərlik edirdi. Keçən 60 ildə elmi fəaliyyəti aqrar iqtisadi tədqiqatlar, siyasi-iqtisadi problemlər, bazar iqtisadiyyatı münasibətləri və xarici iqtisadi əlaqələr istiqamətində həyata keçirilmişdir. A.K.Ələsgərovun iqtisad elminin tədqiqi və respublikanın sosial-iqtisadi inkişafı sahəsində maraq dairəsi çox genişdir. O, məşhur aqrarçı alimlərlə birlikdə ilk dəfə iqtisadiyyat elmində kolxozlarda maya dəyərinin hesablanmasıüsulunun mümkünlüyünü isbat etmiş və işləyib.

A.K.Ələsgərov 1960-1998-ci illərdə AMEA İqtisadiyyat İnstitutunun «İqtisadiyyat»üzrə doktorluq dissertasiyalarının müdafiəşurasının üzvü və sədr müavini olmuşdur. 1970-1981-ci illər ərzində«Azərbaycan EA Xəbərləri İqtisadiyyat seriyası» jurnalının redaksiya heyətinin üzvü, 1981-1998-ci illərdə isə baş redaktorun müavini olmuşdur. 1970-1990-cı illərdə«Azərbaycan xalq təsərrüfatı» jurnalının redaksiya heyətinin üzvü, 1999-cu ildən isə«Audit» jurnalının baş redaktorunun müavinidir. 1974-1978-ci illərdə Azərbaycan Xalq Təsərrüfatıİnstitutunun elmi işlər üzrə prorektoru və«Siyasi iqtisad» kafedrasının müdiri vəzifələrindəçalışmışdır. 1979-1982-ci illərdə AMEA İqtisadiyyat İnstitutunun partiya təşkilatının katibi olub.

1986-2005-ci illərdə ETT kompleks proqramının işlənməsində fəal iştirakına görə SSRİ EA-nın, SSRİ Dövlət Plan Komitəsinin və SSRİ Dövlət Tikinti Komitəsinin təşəkkürünə layiq görülüb.

1982-ci ildə«Əməkdar mədəniyyət işçisi», 1986-cı ildə«Əmək veteranı» medalı ilə təltif edilmişdir. 1990-cı ildə Azərbaycan Milli Yaradıcılıq Akademiyasının həqiqi üzvü seçilmiş, 1995-ci ildə Azərbaycan Respublikası Prezidentinin «Dövlət aqrar islahatı» və«Dövlət əmlakının özəlləşdirilməsi» komissiyalarının üzvü kimi çalışmışdır. 2003-2008-ci illərdə AMEA-nın fəxri fərmanı, 2014-cü ildə isə Rusiya EA-nın xüsusi medalı ilə təltif olunub.

A.K.Ələsgərovun elmi rəhbərliyi və opponentliyi ilə 78 nəfər elmlər doktoru və elmlər namizədi adı almışdır. O, 39 namizdlik dissertasiyasının elmi rəhbəri, 5 doktorluq dissertasiyasının isə bilavasitə elmi məsləhətçisi olunub.

60 illik yaradıcılıq dövründə 232 elmi əsərin, o cümlədən başqa müəlliflərlə birlikdə 36 monoqrafiya və kitabçanın müəllifidir. 8 elmi əsəri isə xarici ölkələrdə çap olunub.

Allah rəhmət eləsin.

İqtisadiyyat.- 2015.- 3-9 aprel.- S.8.