ŞAİR ÖMRÜ

Şairlər çoxunun dərdini çəkir,

Onunçün də ömrü az olur yəqin.

Bu böyük dünyada dərd nə qədərdir,

Böyüyü, kiçiyi, hansını çəksin.

Gördüyü nə varsa yaxşısın pisin,

Laqeyid dayanıb gözləyə bilmir.

Bu qədər dərdlərin indi hər kəsin,

Oturub birbəbir izləyə bilmir.

Onun üçün yaranıb şair sözü də,

Açır misralarda dərdi, qəmləri.

Bəzən dəli olur şair özüdə,

Qələmə alanda ağlı kəmləri.

Düşündürür onu həyat büstbütün,

Biri sevgisindən danışan zaman.

O aşiq sevdasın öyrənmək üçün,

Özüdə aşiqə çevrilir həmən.

Segisi sirlidir, sözü sirlidir,

Çox şeyi gizlədir qəlbində hələ.

Cavab tapmadığı suallar nədi?

Tamam olunmamış şerində hələ.

Qəribə həyatı olur şairin,

Şirindi sabahda,zülmət gecədə.

Yazılmış pis, yaxşı hər bir şeirin,

Övladtək bir fərqi yoxdur necədə.

Suliddin Yanar

Kaspi. -2010. – 13 aprel. – S.12.