Azərbaycanda festival üçün film çəkən rejissorlar çoxdur 

 

Rəşad Qasımov: “Münsiflər heyəti kinodakı yeniliyimizi  qiymətləndirdi

 

Başqırdıstanın Ufa şəhərində keçirilənTorpaq insanBeynəlxalq kinofestivalı başa çatıb. Azərbaycan, Almaniya, Rusiya, Qazaxıstan, Türkiyə digər ölkələrin iştirak etdiyi festivalda audiovizual məhsullar nümayiş olunub. Ölkəmizi festivaldaBir addımqısametrajlı bədii filmi təmsil edib. 2009-cu ildə Mədəniyyət Turizm Nazirliyinin keçirdiyi “Bu meydan, bu ekranmüsabiqəsinin qalib kino layihəsi kimi istehsal olunan film festivalınQısametrajlı bədii film” nominasiyasındaƏn yaxşı səs rejissoru işinə görədiplomuna layiq görülüb.

Filmin prodüseri Rəşad Qasımov qəzetimizə müsahibəsində filmin qazandığı uğurdan danışıb.

 

Korluğuna vurulan insan

 

- Biz filmi festivala qısametrajlı bədii film kimi təqdim etmişdik. Ancaq film gözləmədiyimiz başqa bölmədə - “Ən yaxşı səs rejissoru işinə görədiplomuna layiq görülüb. Filmin səs rejissoru Rasim Mehdiyev idi. Filmlər adətən əsas nominasiyalar üzrə təqdim olunur. Daha sonra isə fərdi göstəricilər üzrərejissor, prodüser, operator, aktyor aktrisa, səs rejissoru montaj nominasiyaları üzrə təqdim olunur. Festival təşkil olunanda filmin texniki göstəricilərinə ayrıca baxılır. Yəqin təşkilatçılar filmin səsini daha çox bəyəniblər. Biz adətən filmlərə öz kinoteatrlarımızda baxırıq. Festivallarda isə böyük kinoteatrlarda texniki göstəriciləri daha yaxşı qiymətləndirməyi bacarırlar.

- Bu film daha hansı festivallarda iştirak edib?

- Film Serbiyada «Jürinin xüsusi mükafatı», Ukraynada 8-ci İrpen kinofestivalında «Ən yaxşı film” nominasiyasında ikinci yerə layiq görülüb. Bundan əlavə, ekran əsəri bir çox festivalların konkurs nominasiyasında iştirak edib.

- Filmin süjeti indiyə qədər iştirak etdiyi festivalların münsiflərində hansı marağı doğurub?

- Filmin qəhrəmanı Yusif gözlərini itirmiş bir şəxsdir. Onun gözlərini itirməsi ailəsi üçün böyük faciə olur. Filmin gedişatı boyu onun gözünə mələk qismində bir məxluq görünür. Bu, onun korluğudur. Filmin ilkin adı da «Kor korluq» idi. Qəhrəman öz korluğuna vurulur. Əgər onun gözləri açılarsa, o, gözləri qarşısına gələn həmin məxluqu itirə bilər. Ona görə gözünün açılmasını istəmir. Həyat elə gətirir ki, Yusifin gözünün müalicəsi tapılır o, gözlərini açınca həyat yoldaşını görür, həmin məxluqu isə itirir.

Düzdür, korluqla bağlı çoxlu filmlər çəkilib. Ancaq kiminsə öz korluğuna vurulması kinoda yenilik idi. Münsiflər heyəti elə bunu  qiymətləndirib.

 

Nəyə qadir olduğumuzu yoxlayırıq

 

- Prodüser kimi sizin filmdə rolunuz nədən ibarət olub?

- Bizdə prodüser anlayışı bir qədər fərqlidir. Mən filmin rejissoru Fariz Əhmədovla bundan əvvəl bir neçə filmdə işləmişəm. Əgər pulu bizə nazirlik verirsə, demək biz icraçı prodüserik. Əgər nazirlikdən pul almağı bacarmışıqsa, demək işimizi yaxşı görmüşük. “Bu meydan, bu ekranmüsabiqəsinə 60 təqdim olunmuşdu yalnız 5 layihə qalib gəldi. Bizim 2 layihəmiz qalib oldu. Bunlar eksperimental filmlərdir. Tammetrajlı filmin büdcəsi bir milyon manatdır. Biz isə 30 min manata qısametrajlı film çəkirik. Üstəlik, bu məbləğdən vergi tutulur.

- Onda belə çıxır ki, vəsait çox olacağı təqdirdə, siz tammetrajlı film çəkmək istəyərsiniz?

-  Kino sintetik sənət növüdür. Film uğurlu da, uğursuz da alına bilər. Elə dahi rejissorlar olub ki, çəkdikləri bir film bütün dövrlərin filmi sayılıb ondan sonra heç bir film çəkməyib. Məsələn, Orson UellsinVətəndaş Keynfilmi  ən yaxşı film sayılıb. Ancaq ondan sonra çəkdiyi filmlərə görə tamaşaçı toplaya bilməyib. Biz “Bir addım”dan sonra festivallarda uğur qazanan «Miras» adlı film çəkmişik. Bu filmi öz vəsaitimiz hesabına başa çatdırdıq. Həmin film daha çox festivalların qalibi olub.

- Siz filmi çəkəndə onun yalnız festivala gedəcəyini nəzərdə tutursunuz?

- Film festival üçün çəkilmir. Biz ilk növbədə özümüzün nəyə qadir olduğumuzu yoxlamaq üçün çəkirik. Əgər özümüzün nəyə qadir olduğumuzu beynəlxalq festivallarda yoxlayırıqsa, bu o demək deyil ki, biz festivallar üçün film çəkirik. Bu həm o deməkdir ki, bizim baxışımız, dünyagörüşümüz xarici auditoriya tərəfindən necə qəbul olunur. Amma festival üçün çəkən rejissorlar Azərbaycanda çoxdur.

 

Baş tutmayan möcüzə

 

- Bir rejissor kimi necə fikirləşirsiniz, dünya kinosunda möcüzə gözlənilirmi?

- Açığını desəm, dünya kinosunda möcüzə baş verdi. Ancaq dünya kinematoqrafiyası tərəfindən yaxşı qəbul olunmadı. «Avatar» filmi sübut etdi ki, lazım gələrsə, kompyuter texnologiyalarının köməyi ilə film yaratmaq olar. Filmin yaradıcı heyəti bunu bacardı dünyaya sübut elədi. Ancaq yaxşı ki, bu, uğur qazanmadı. Yoxsa kinematoqrafiyanın insanların əlindən alınıb müasir texnologiyaların əlinə verilməsi başlayacaqdı...

 

 

Təranə MƏHƏRRƏMOVA 

 

Kaspi.- 2011.- 11-13 iyun.- S.12.