PAPAQSATAN KİŞİ
(hekayə)
Rüstəm
kişi ixtisasca ali təhsilli tikinti
mühəndisi olsa da,
bərbərlərin, zootexniklərin, mal
həkimlərinin, sürücülərin bina
tikdiyi bugünkü zəmanə
çoxları kimi onu
da naəlaclıqdan heç
sevmədiyi alverə möhtac qoymuşdu.
Rüstəm papaq satışı biznesinə
girişsə də, bilirdi ki, miyanə işdir. Maya qoyub metronun
şinnikli yerində köşk
almışdı. Erkən gedər, evə gec
qayıdardı. Çox zəif ticarət
idi papaqçılıq. Özü
demiş, adı vardı ki,
«Fərrux ət satır!».
Rüstəm
kişi çeşid-çeşid
papaqları tilliyib qabağına, hərdən
var-gəl edər, bəzəkli lələklə tozunu alar, səsi
xırıldayana qədər: «Yaraşıqlı,
ucuz papaqlar var, papaq!» - deyib, müştəri ümidi
ilə ətrafa boylanardı. Satılan bu
papaqların pul-paralı adamlara layiq bahalı olanı da
vardı, kasıb-kusub üçün də.
Bu alverdə hər kəsin öz yeri, münasib
yanaşması, davranışı, danışıq tərzi
vardı. Bir sözlə, hər
müştərinin öz yeri
bəlliydi. Hava nəmişləyəndə
papaq daha çox yada düşür, papaq satanlar fəallıq göstərir, xüsusi canfəşanlıqla
haraylayırdılar. Kaş, papaqlar satılsın. Təəssüf ki, əsil papaq alanlar tək-tük olurdu.
O, sadəcə
dolanışıq üçün papaq satırdı. Amma, həmişə
qəlbindən qara qanlar
axırdı. Doğrusu, papaq
satmaq bir yandan ona ar
gəlir, bir tərəfdən də xəcalət
çəkirdi. Düşünürdü
ki, bu papaqları
satdığı necə adamlardı? Papaq
qoyulan o
başların içərisində nələr var? O şəxs müdrik,
düşüncə sahibidirmi, yoxsa papağını havayı yelə verir? Qəlbini didib-parçalayan
min-bir suallar onu bəzən qürurlandırır, bəzən
xoflandırır, bəzən qəzəbləndirir və
müxtəlif fikirlərə yozdururdu.
Saçları
çallanmış, aramla
yaxınlaşan, təmkinlə danışan bir
müştəri gəldi. O, qara-gül dəridən
buxara papaq sifariş vermişdi.
Rüstəm kişi onu
hörmətlə qarşıladı. Dünya
maraqlarından söhbət açan həmin
şəxsin vaxtilə mötəbər vəzifələrdə
çalışdığı, ziyalı bir
şəxsiyyət olduğu bəlli idi. Milli-mənəvi dəyərlərimizin
aşağılanması, gənclərin tərbiyəsi,
insanlıq, səmimiyyət, doğruçuluq,
mərdlik və mərifət, abır-həya, təmiz insan olmaq məsələlərindən
yana-yana danışır, «hara gedirik?» - deyirdi. Rüstəm kişi
mənəvi rahatlıq tapırdı ki,
deməli zəmanəni düşünənlər var. Amma nə yazıqlar ki, reallıq başqadır…
Bu müştərisə zabitdir. Qayaqlı, zər-zibalı mundirli və çiynindəki böyük
ulduzlar onun yüksək
hərbi vəzifə daşıdığına dəlalət
edirdi. O da qara-gül dəridən papaq
istəyirdi. Rüstəm kişinin
qürbətdə, düşmən tapdağında qalan güllü-çiçəkli dağlar, çəmənlər olan doğma yurdu, min zəhmətlə
tikib-qurduğu ev-eşiyi,
bağ-bağatlı, minevli doğma kəndi, erməni
dığalarının
söküb-dağıtdığı əzizlərinin uyuduğu müqəddəs qəbristanlıqlar
yadına düşdü, qəhərlənib,
qəzəbləndi: «Özünəməxsus şanlı qəhrəmanlıq
tarixi olan
xalqımızın əsgər oğulları bəs
haradadır?! İyirmi ildir
Dağlıq Qarabağ işğaldan
azad olunmayıb, onun yurdu hələ də bazarlıq
meydanıdır. Satmayacağam belələrinə
qara-gül buxara
papağı!
Nutra dərisindən papaq çifariş vermiş, həmişə televiziya
verilişlərində fitil-fitil, dil-dil ötən, gülərüz bu insanın sinəsində deputat
nişanı var idi.
Rüstəm bilirdi ki,
onun da camaata
mərci dənəsi boyda köməyi hələ
dəyməyib. Kifayət qədər var-dövlət sahibi, ticarət, şadlıq sarayları, sexləri
olan belə birisi də
bahalı xəz-dəridən papaq sifariş vermişdi.
Rüstəm kişi qərara gəldi ki, «ac qalaram,
amma bunlara o papaqları satıb şərəfləndirmərəm!»
Bu kişi
isə fəhlə babadır, ona heç belə bahalı papaq
da lazım deyil.
Başına keçirməyə isti bir şey axtarır.
İndiki xanımlar da qəribə xarakierli məxluqlardı.
Bahalı, həm də kişi
papaqları almağa can
atırlar. Rüstəm kişi ənlik-kirşanlı,
pul kisəsi dolu olan belə xanımlara kişi
papaqları satmaq istəmirdi, onlara həqarətlə baxırdı:
«-Axı
bala, nə üçün
siz öz yolunuzla getmirsiniz?» - deyirdi. Onsuz
da papaq alan az kişi olurdu.
Belə dərd-sərlər yazıq papaqsatan Rüstəm kişini üzürdü. Bir qulaq yoldaşı da tapmırdı ki, ürəiyni boşaltsın. Həqiqətən,
Rüstəm kişinin qəlbinin ağrısı səbəbsiz
də deyildi.
Bu aşılanmalarda təkcə
papağımızı itirmişikmi? Təəssüf ki, çox dəyərlərimizi…
Oqtay ƏLİYEV
Kaspi.-
2012.- 29 sentyabr - 1 oktyabr.- S.18.