“Eurovision-2012”də iştirak edəcək ölkələrin adları açıqlanıb

43 ölkə arasında Ermənistanın da adı var

Avropa Yayım Birliyi Bakıda keçiriləcək “Eurovision” yarışmasında iştirak edəcək ölkələrin adlarını açıqlayıb. 43 ölkə arasında Ermənistanın da adı var. “Eurovision” mahnı müsabiqəsi “Bakı 2012”-nin işçi qrupunun verdiyi məlumata görə, ümumiyyətlə, bu il keçiriləcək “Eurovision-2012” mahnı müsabiqəsində iştirakçı ölkələrin sayı 2008 və 2011-ci ildəki rekord həddədir.

Qeyd edək ki, 57-ci “Eurovision-2012” mahnı müsabiqəsində iştirak etmək üçün 43 ölkə müraciət edib. Bunların sırasında müsabiqəyə ötən il qayıtmış İtaliya, Macarıstan, Avstriya da var. Həmçinin, “Eurovision-2012” mahnı müsabiqəsində son 3 ildə iştirak etməyən Monteneqro da builki yarışmaya qatılıb.

“Eurovision-2012” mahnı müsabiqəsinin baş prodüseri Yan Ola Sand yarışmaya 40-dan artıq ölkənin qatılmasından məmnunluq hissi duyduğunu bildirib: “Bu ölkələr may ayında Azərbaycanı və onun xalqını daha yaxından tanımaq və əlbəttə ki, dünyanın ən möhtəşəm şousunun bir hissəsi olmaq üçün Bakıda toplaşacaq”.

“Eurovision-2012”-də iştirak edəcək ölkələrin siyahısı.

1. Albaniya

2. Ermənistan

3. Avstriya

4. Azərbaycan

5. Belarus

6. Belçika

7. Bosniya və Herseqovina

8. Bolqarıstan

9. Xorvatiya

10. Kipr

11. Danimarka

12. Estoniya

13. Finlandiya

14. Fransa

15. Makedoniya

16. Gürcüstan

17. Almaniya

18. Yunanıstan

19. Macarıstan

20. İslandiya

21. İrlandiya

22. İsrail

23. İtaliya

24. Latviya

25. Litva

26. Malta

27. Moldova

28. Monteneqro

29. Niderland

30. Norveç

31. Portuqaliya

32. Rumıniya

33. Rusiya

34. San Marino

35. Serbiya

36. Slovakiya

37. Sloveniya

38. İspaniya

39. İsveç

40. İsveçrə

41. Türkiyə

42. Ukrayna

43. Böyük Britaniya

Təəssüf ki, Polşanın ictimai yayımçısı TVP Avropanın bu məşhur televiziya şousuna bu il qatılmayacağına qərar verib. Yan Ola Sandın sözlərinə görə, Polşanın bu ilki müsabiqəyə qatılmaması 2012-ci il futbol üzrə Avropa çempionatına ev sahibliyi etməsi ilə bağlı TVP-inin işinin gərginliyi ilə əlaqədardır.

Kaspi.- 2012.- 18 yanvar.- S.15.