Qarabağ qəhrəmanları silsiləsindən ilk film təhvil verilib

 

Salnamə sənədli filmlər studiyasında Qarabağ qəhrəmanları silsiləsindən ilk film təhvil verilib. Dostuma məktub adlanan bu film Azərbaycanın Milli Qəhrəmanı, tankçı Albert Aqarunova həsr olunub.

Gənc döyüşçünün qəhrəmanlığından bəhs edən filmin ssenari müəllifi və rejissoru Yefim Abramov, operatoru Rüfət Süleymanovdur.

Studiyadan bildiriblər ki, bu silsilədən çəkilişləri başa çatmış daha üç filmin montajına başlanılıb. Həmin filmlərin avqustun əvvəllərində təhvil verilməsi nəzərdə tutulub.

Payızda isə Qarabağ qəhrəmanları silsiləsindən növbəti iki filmin çəkilişlərinə start veriləcək.

 

 

Mədəniyyət.- 2010.- 28 iyul.- S. 11.