Kuba və Meksikada Azərbaycan Mədəniyyəti Günləri
başa çatıb
Xəbər verdiyimiz kimi, Azərbaycan-Kuba hökumətlərarası
Komissiyasının növbəti
üçüncü iclası
ilə eyni vaxtda, martın 3-6-da Kubada Azərbaycan Mədəniyyəti Günləri
keçirilib. Azərbaycanın
BMT yanında Daimi Nümayəndəliyindən verilən
məlumata görə,
mədəniyyət günlərində
Cavid İmamverdiyevin
(“Yaddaş” sənədli
filmlər studiyasının
direktoru, rejissor), rəhbərlik etdiyi işçi qrupdan, caz ifaçıları İsfar Rzayev-Sarabski, Ruslan Hüseynov, Tofiq Cabbarov, Aleksandr Zinger, Dövlət
Mahnı Teatrının
xanəndələri Təyyar
Bayramov, Vəfa Orucova, balaban ifaçısı İlham
Nəcəfov, ud, tar ifaçısı Mircavad
Cəfərov, qarmon Kamil Vəzirov, kamança İsmayıl Həmidov, sintezator Emil Məmmədov, qoşanağara
Camaləddin Dadaşov,
nağara Bəhruz Cavadov, klarnet Hürmət Rəhimov, Dövlət Rəqs Ansamblının rəqqasları
Təranə Muradova,
Regina Tahirova, Gülarə
Əhmədova, Canana Əmirxanova, Nikolay Peşerov, Gülməmməd
Şahverdiyev, Fazil Əhmədov, Faiq Rüstəmov, İradə
Əlizadənin rəhbərlik
etdiyi “Şərq çırağı” uşaq
yaradıcılıq mərkəzinin
bir qrup üzvü iştirak edib.
Havananın Xose
Marti adına Milli Kitabxanasında Azərbaycanı tərənnüm
edən fotosərgi və xalqımızın
milli geyimləri təqdim olunub. Bundan başqa, Kuba paytaxtının «İnfanta» kinoteatrlarında
yeni Azərbaycan filmləri göstərilib,
«Qırxıncı qapı»,
«Hökmdarın taleyi»,
«Məhkum edilmişlər»
filmləri geniş tamaşaçı marağı
qazanıb. Azərbaycan mədəniyyəti günlərinin açılışı
münasibətilə düzənlənən
qala konsert Havananın məşhur Mella Teatrında baş tutub. Mindən artıq tamaşaçının seyr
etdiyi konsertdə Azərbaycanın Mədəniyyət
və Turizm naziri Əbülfəs Qarayev, Azərbaycanın Kubadakı fövqəladə
və səlahiyyətli
səfiri Aqşin Mehdiyev, Azərbaycan-Kuba hökumətlərarası Komissiyasının
azərbaycanlı nümayəndələri,
Kubanın hökumət
rəsmiləri, hakim Kommunist Partiyasının rəhbər şəxsləri,
diplomatik korpusun üzvləri, digər rəsmilər iştirak ediblər. Bundan əlavə, vaxtilə
ölkəmizdə təhsil
almış yüzlərlə
kubalı da konsertə gəlib.
Qeyd edək ki, Havanadan
başqa Azərbaycan incəsənət ustaları
Kubanın Matansaz əyalətində də
geniş tamaşaçı
qarşısında çıxış
ediblər.
Kuba televiziyası və ölkə mətbuatı
Azərbaycan mədəniyyət
günlərini geniş
işıqlandırıb. Azərbaycan mədəniyyəti
günləri silsiləsi
Latın Amerikası bölgəsində ölkəmizlə
tanışlığın artırılması məqsədilə
martın 6-dan 11-dək Meksikada
da davam etdirilib. Bu ərəfədə
Meksikanın ingilisdilli
mətbu orqanı olan “The News” qəzeti martın 5-də ölkəmiz
barədə 4 səhifəlik
xüsusi buraxılış
nəşr edib.
Rəngarəng fotolarla zəngin
buraxılışda Azərbaycan
Respublikasının Meksikadakı
səfiri İlqar Muxtarovun müsahibəsi, Azərbaycan haqqında ümumi göstəricilər,
habelə xalqımızın
tarixi, ədəbiyyatı,
musiqisi, folklor mədəniyyəti, milli
mətbəximizə dair
ətraflı məlumat
verilib.
Səfir müsahibəsində bildirib
ki, Latın Amerikası bölgəsində
Azərbaycanın ilk və
yeganə diplomatik nümayəndəliyi Meksikadadır. Diplomatın sözlərinə
görə, Meksika ilə Azərbaycan arasında siyasi əlaqələr gündən-günə
inkişaf edir, Meksika beynəlxalq toplantılar zamanı Azərbaycanın haqlı
mövqeyini daim dəstəkləyir.
Nəşrdə Azərbaycan haqqında dərc edilmiş məqalədə, həmçinin
milli mətbəximizin
inciləri və təkamül tarixi barədə də ətraflı söz açılıb. Səfir Muxtarovun həyat yoldaşı Nərgiz Rəhimxanova “The News” qəzetinin
müxbirini Azərbaycan
mətbəxinin geniş
nümunələri, xalqımızın
süfrə mədəniyyəti
və adətləri ilə
FƏXRİYYƏ
Mədəniyyət.- 2010.- 12 mart.- S. 3.