Musiqi və incəsənət məktəbləri
şagirdlərinin II Respublika
Müsabiqəsinə yekun
vuruldu
Simli alətlər
üzrə musiqi təhsilinin yaxşılaşdırılması,
istedadlı uşaqların
aşkara çıxarılması,
dəstəklənməsi və
yaradıcılıq potensialının
inkişaf etdirilməsi
məqsədilə Mədəniyyət
və Turizm Nazirliyi tərəfindən
mayın 17-21-də Bakı
şəhərində uşaq
musiqi və incəsənət məktəbləri
şagirdlərinin simli
alətlər üzrə
II Respublika Müsabiqəsi
keçirilib.
Üç yaş qrupunda keçirilmiş müsabiqədə Bakı,
Gəncə, Mingəçevir,
Şəki, Şirvan
şəhərlərindən, Naxçıvan Muxtar Respublikasından, Goranboy, Hacıqabul, Quba, Qusar, Salyan, Samux və digər
rayonlardan skripka, violonçel və arfa üzrə 100-ə yaxın gənc musiqiçi iştirak edib.
Müsabiqə qaliblərinin yekun konserti mayın 27-də Dövlət Filarmoniyasında
keçirildi.
Tədbirdə mədəniyyət
və turizm nazirinin müavini Sevda Məmmədəliyeva,
professor Tofiq Aslanov, Xalq artisti
Zəhra Quliyeva çıxış etdilər.
S.Məmmədəliyeva belə müsabiqələrin
musiqimizin inkişafındakı
əhəmiyyətindən danışaraq hər bir iştirakçıya uğurlar arzu etdi.
Bakı Musiqi Akademiyasının professoru,
Xalq artisti Z.Quliyevanın sədrlik etdiyi münsiflər heyətinin qərarına
əsasən, Bakı,
Gəncə və Naxçıvanın uşaq
musiqi məktəblərində
təhsil alan
20 gənc skripka və violonçel ifaçısı müsabiqənin
laureatı adına, müxtəlif dərəcəli
diplomlara və pul mükafatına layiq görüldülər.
Müsabiqəyə yüksək
səviyyədə şagird
hazırladıqlarına görə
münsiflər heyətinin
qərarı ilə Bakı şəhər Q.Qarayev adına 8 nömrəli Uşaq Musiqi Məktəbinin müəllimləri Nəzmiyyə
Abbaszadə, Hökümə
Əliyeva, Aidə Qədimova, Sevinc Kərimova, R.Hacıyev adına 15 nömrəli Uşaq Musiqi Məktəbinin müəllimləri
Fatima İdyatulina, Arzu
Səfərova, L. və
M.Rostropoviçlər adına
21 nömrəli Uşaq
Musiqi Məktəbinin
müəllimi İlhamə
Ağayevaya pul mükafatı verildi.
Bir sıra şəhər və rayon uşaq musiqi məktəblərinin
müəllim və konsertmeysteri Fəxri Fərmanla təltif edildi.
Bakı, Gəncə,
Naxçıvan, Şəki,
Şirvan şəhərlərinin,
Abşeron, Salyan, Samux rayonlarının uşaq musiqi və incəsənət məktəblərinin şagirdləri
Habil Əliyev, Samir Hüseynov, Niyazi Məmmədli, Qorxmaz Şıxəliyev,
Əli Məhəmmədoğlu
və Əlövsət
Bəşirzadə həvəsləndirici
mükafata layiq görülərək tərifnamələrlə
təltif olundular.
Yeganə
Mədəniyyət.- 2010.- 28 may.- S. 2.