Bakı şəhəri mədəniyyət müəssisələri bədii rəhbərlərinin toplantısı

Oktyabrın 26-da Bakı Şəhər Mədəniyyət və Turizm İdarəsində mədəniyyət müəssisələrinin bədii rəhbərlərinin toplantısı keçirildi.

Toplantıda bədii rəhbərlərin vəzifələri və səlahiyyətləri, asudə vaxtın səmərəli təşkili, tədbirlərin həyata keçirilməsinə birbaşa cavabdehlik, işə davamiyyət, müəssisələrdə zalların və texniki avadanlıqların icarəyə verilməsi haqqında müzakirələr aparıldı.

Toplantı zamanı bədii rəhbərlər, onlar üçün hazırlanmış xüsusi testlərdən keçdilər. Testlərin nəticələri toplantı ərzində müzakirə edildi.

Müzakirələr zamanı mədəniyyət müəssisələri nəzdində fəaliyyət göstərən kursların təşkili və açılması, kursları bitirdikdən sonra diplom və sertifikatların verilməsi, onların düzgün tərtib olunması, həmçinin dərs qrafiklərinə aid məsələlərə toxunuldu. Bundan başqa, oktyabrın 23-də keçirilən iməciliyin nəticələri və araşdırılması, təmirə ehtiyacı olan mədəniyyət evlərinin vəziyyəti, musiqi məktəbləri ilə qarşılıqlı iş birliyinin qurulması, Bakı Uşaq Teatrının tamaşalarının müəssisələrdə nümayişinin təşkili haqqında söhbət aparıldı. 9 noyabr - Dövlət Bayraq Günü ilə əlaqədar keçiriləcək tədbirlər müzakirə olundu.

Toplantıda 11 nəfərdən ibarət Bədii rəhbərlərin Şurasının yaradılması da qərara alındı.

Mədəniyyət.- 2010.- 27 oktyabr.- S. 9.