Vasif Adıgözəlovun Çanaqqala-1915 monumental oratoriyası təqdim olundu

 

Əbülfəs Qarayev: Vasif Adıgözəlov xalq musiqisindən bəhrələnərək öz zəngin təxəyyülünün məhsulu olan orijinal əsərlər yaradıb

Xalq artisti Vasif Adıgözəlovun 75 illik yubileyinə həsr olunmuş musiqi festivalı çərçivəsində oktyabrın 28-də Dövlət Filarmoniyasında bəstəkarın Çanaqqala-1915 oratoriyası səsləndirilib. Filarmoniyanın foyesində sənətkarın həyat yaradıcılığına həsr edilmiş fotosərgi nümayiş etdirilib.

Tədbirdə çıxış edən mədəniyyət turizm naziri Əbülfəs Qarayev unudulmaz bəstəkarın mənalı ömür yolu zəngin yaradıcılığına nəzər salıb. Nazir qeyd edib ki, sevimli müəllimi Qara Qarayevdən müasir bəstəkarlıq texnikasının incəliklərini mənimsəyən Vasif Adıgözəlov xalq musiqisi qaynaqlarından bəhrələnərək öz zəngin təxəyyülünün məhsulu olan orijinal əsərlər yaradıb.

Bəstəkar iki operanın - Ölülər Natəvan, 6 musiqili komediyanın - o cümlədən Nənəmin şahlıq quşu, Hacı Qara (R.Mustafayev ilə birgə), Boşanaq, evlənərik, Aldın payını, çağır dayını s., həmçinin Odlar yurdu, Qarabağ şikəstəsi, Çanaqqala-1915, Qəm karvanı oratoriyalarının, 3 simfoniyanın, Segah muğam-simfoniyasının, Mərhələlər, Afrika mübarizə edir s. simfonik poemaların, 6 instrumental konsertin, bir çox kamera-instrumental əsərin, mahnı romansların müəllifidir. Sənətkarın zəngin yaradıcılığı geniş ictimai-pedaqoji fəaliyyəti dövlətimiz tərəfindən daim yüksək qiymətləndirilib. V.Adıgözəlov Xalq artisti fəxri adına, Dövlət mükafatına, müstəqil dövlətimizin iki ali mükafatına - Şöhrət İstiqlal ordenlərinə layiq görülüb.

Bəstəkarın Çanaqqala-1915 oratoriyası monumental əsər kimi Türkiyə xalqının həyatında əlamətdar bir hadisə kimi yüksək dəyərləndirilib.

Gecədə dirijor, Əməkdar incəsənət xadimi Yalçın Adıgözəlovun Azərbaycan Dövlət xor kapellasının bədii rəhbəri, Xalq artisti Gülbacı İmanovanın rəhbərliyi ilə Ü.Hacıbəyli adına Dövlət Simfonik Orkestrinin ifasında səsləndirilən Çanaqqala-1915 oratoriyası maraqla qarşılanıb.

Tədbirdə Baş nazirin müavini Elçin Əfəndiyev, Türkiyənin Azərbaycandakı səfiri Hulusi Kılıç digər rəsmi şəxslər iştirak ediblər.

 

 

Mədəniyyət.- 2010.- 29 oktyabr.- S. 2.