VI Beynəlxalq
türk incəsənəti
sərgisi
AMEA-nın
Milli Azərbaycan Tarixi Muzeyində “Miras” Mədəni İrsin
Öyrənilməsinə Kömək İctimai Birliyi və
Türkiyənin “Akşehir Foto İlgilileri” dərnəyinin təşkilatçılığı
ilə VI Beynəlxalq türk incəsənəti sərgisi
açıldı.
Milli Azərbaycan Tarix Muzeyinin
direktoru, akademik Nailə Vəlixanlı bildirib ki, sərgidə
Azərbaycan və Türkiyənin incəsənət xadimlərinin,
sənət ustalarının müxtəlif janrlarda dəyərli
sənət işləri, rəsm əsərləri və s.
nümayiş etdirildi.
AMEA-nın birinci vitse-prezidenti,
akademik Arif Həşimov, Qafqaz Universitetinin rektoru Əhməd
Sanıç, Türkiyənin Səlcuq Universitetinin professoru,
“Akşehir Foto İlgilileri” dərnəyinin sədri Əhməd
Aytaç və başqaları çıxış edərək
sərginin Azərbaycan-Türkiyə mədəniyyət əlaqələrinə
töhfə olduğunu bildirdilər.
Sərginin
açılışından sonra “Türk-islam incəsənəti
və memarlığı” mövzusunda seminar keçirildi. Seminarda
“Miras” MİÖK İB-nin sədri, tarix elmləri namizədi
Fariz Xəlillinin “Mədəni irsimiz: incəsənət,
memarlıq və sənətkarlıq”, Qafqaz
Araşdırmalar İnstitutunun direktoru Mehmet Rihtimın
“İslam incəsənəti: xəttatlıq, miniatür, təzhib”,
“Akşehir Foto İlgililəri” dərnəynin sədri Əhməd
Aytacın “Türk incəsənətinin Qərb mədəniyyətinə
təsiri”, “İçərişəhər” Dövlət
Tarix-Memarlıq Qoruğu İdarəsinin əməkdaşı
Mir Teymur Məmmədovun “Orta əsr şəhərləri
Şərqdə və Qərbdə: tikinti sirləri, əsas
inkişaf yolları, şəhər döyüş
strategiyası” mövzularında məruzələri dinlənildi.
Tədbirdə Milli Azərbaycan
Tarixi Muzeyi, “Miras” İB və “Aktiv Media” şirkətinin birgə
hazırladığı, türk xalqlarının mənəvi-mədəni
dəyərlərindən bəhs edən “Axtaçı
obası: Tərəkəmə çərşənbəsi”
filminin təqdimatı oldu.
S.Fərəcov
Mədəniyyət.-
2011.-6 aprel.- S. 15.