Bir sıra ölkələrlə
mədəniyyət sahəsində əməkdaşlıq sənədləri
imzalanıb
İordaniya, Bolqarıstan,
İraqla imzalanan sənədlər ikitərəfli münasibətlərin
inkişafına zəmin olacaq
Dünya
Mədəniyyətlərarası Dialoq Forumu bir sıra
yüksək səviyyəli görüşlər və əməkdaşlıq
sənədlərinin imzalanması ilə də yadda qalıb.
Aprelin 8-də Azərbaycanın mədəniyyət
və turizm naziri Əbülfəs Qarayev Forumda iştirak edən
İordaniya Haşimilər Krallığının mədəniyyət
naziri Tariq Səlim Masarva ilə görüşüb. Görüşdə
iki ölkə arasında münasibətlərlə
bağlı fikir mübadiləsi aparılıb.
Nazir Ə.Qarayev ölkələrimizdə qarşılıqlı mədəniyyət günlərinin yüksək səviyyədə keçirilməsini xatırladaraq qeyd edib ki, belə mədəni tədbirlər əlaqələrimizin möhkəmlənməsinə güclü təkan verir. Öz növbəsində İordaniya naziri Bakı Forumunu yüksək qiymətləndirib.
Görüşdə
Azərbaycanın Mədəniyyət və Turizm
Nazirliyi və İordaniya Haşimilər
Krallığının Mədəniyyət
Nazirliyi arasında mədəniyyət sahəsində
2011-2013-cü illəri əhatə edən əməkdaşlıq
barədə tədbirlər planı imzalanıb.
* * *
Azərbaycanın mədəniyyət və turizm naziri Əbülfəs Qarayev Dünya Forumunda iştirak edən Bolqarıstanın
mədəniyyət naziri
Vejdi Raşidovla da görüşüb.
Görüşdə iki ölkə
arasında mədəniyyət
sahəsində əməkdaşlığa
dair saziş imzalanıb.
Nazir Ə.Qarayev bildirib
ki, bu sənəd
Azərbaycan ilə Bolqarıstan arasında mədəniyyət sahəsində
əməkdaşlığın daha da genişlənməsinə
zəmin olacaq. Bolqarıstan
naziri sazişin ikitərəfli münasibətlər
üçün əhəmiyyətini
vurğulayıb.
* * *
Dünya Mədəniyyətlərarası
Dialoq Forumu çərçivəsində aprelin 9-da Azərbaycanın
Mədəniyyət və
Turizm Nazirliyi və İraqın Mədəniyyət Nazirliyi
arasında mədəniyyət
sahəsində əməkdaşlığa
dair Anlaşma Memorandumu imzalanıb.
Sənədi Azərbaycanın mədəniyyət və
turizm naziri Əbülfəs Qarayev və İraqın mədəniyyət nazirinin
müavini Tahir Nazir Mahmud Əl
Hamud imzalayıblar.
Mərasimdə çıxış edən nazir Əbülfəs Qarayev Azərbaycan
ilə İraq arasında
mövcud olan tarixi dostluq münasibətləri
haqqında danışaraq imzalanan sənədin mədəniyyət
sahəsində əlaqələrə yeni
təkan verəcəyini
deyib. İraq naziri ölkəsinin Azərbaycanla əlaqələrin
inkişafında maraqlı olduğunu
bildirib, bu baxımdan Memorandumun əhəmiyyətini
vurğulayıb.
Mədəniyyət.-
2011.- 13 aprel.- S. 3.