Dünya Forumu Azərbaycan üçün çox böyük uğurdur

 

   “Dünya Mədəniyyətlərarası Dialoq Forumunun Azərbaycanda keçirilməsi bu ölkə üçün çox böyük uğurdur”. Bu fikri Avropa Şurası Parlament Assambleyasının (AŞPA) sədri Mövlud Çavuşoğlu qurumun aprelin 11-də işə başlayan yaz sessiyasından əvvəl keçirdiyi ənənəvi mətbuat konfransında səsləndirib.

   M.Çavuşoğlu deyib: “Azərbaycan hakimiyyətini ölkədə Dünya Mədəniyyətlərarası Dialoq Forumunun keçirilməsi münasibətilə təbrik edirəm. Bu, Azərbaycan üçün böyük bir uğurdur. Mədəniyyətlərin dialoqu mövzusu mənim diqqət yetirdiyim prioritet məsələlərdən biridir. Buna görə mən Bakı Forumunda iştirak etməyə qərar verdim. Bu toplantı həm onun təşkil edilməsi, həm də iştirakçılar baxımından yüksək səviyyədə keçirildi”.

 

 

   Mədəniyyət.- 2011.-13 aprel.- S. 3.