“Miras”
filmi Riqa festivalında Azərbaycanı təmsil edir
Rejissor Fariz Əhmədovun “Miras”
filmi Riqada keçirilən “Tourfilm” beynəlxalq sənədli
filmlər festivalında iştirak edir. Rejissorun bildirdiyinə
görə, “Miras” Azərbaycanı əsas müsabiqə
bölməsində təmsil edir.
Festivalda ümumilikdə 23 ölkədən
79 film mübarizə aparır. Azərbaycanla yanaşı
Türkiyə, Rusiya, Çexiya, Portuqaliya, İspaniya, Fransa,
Almaniya və digər ölkələrin rejissorları
festivala qatılıb. Festivala aprelin 30-da yekun vurulacaq.
2010-cu ildə “Bir addım”
studiyasında istehsal olunan “Miras” filminin ssenari müəllifi
Esmira Eyyub, quruluşçu rejissoru Fariz Əhmədov,
quruluşçu operatoru Fərid Bağırov, səs
rejissoru Elşən Aslanzadə, prodüserləri isə Rəşad
Qasımov və Zakir Musayevdir.
Xatırladaq ki, “Miras” sənədli
filmi 2010-cu ildə Moskvada keçirilən 30-cu Beynəlxalq
VGİK kinofestivalında "Kinematoqrafiya sənətinə sədaqətə
görə" diplomuna, Polşada keçirilən Beynəlxalq
“Zubroffka” kinofestivalında 2-ci yerə, bu ilin martında
Moskvada XVIII Beynəlxalq “Svyataya Anna” kinofestivalında “Ən
yaxşı sənədli film” nominasiyasında 3-cü
mükafata, apreldə isə Yekaterinburq şəhərində
keçirilən VII Beynəlxalq sənədli filmlər
festivalında “Ən yaxşı antropoloji film”
mükafatına layiq görülüb.
Yeganə
Mədəniyyət.-
2011.- 29 aprel.- S. 7.