Azərbaycan turizmi
Fevralın
17-dən 20-dək İtaliyanın
«BİT 2011»də Azərbaycan turizmi haqqında məlumatlar ziyarətçilərə nazirliyin
Turizm şöbəsinin
Təbliğat və marketinq sektorunun aparıcı məsləhətçisi
Leyla Verdiyeva və Bakı Turizm İnformasiya Mərkəzinin turizm üzrə eksperti Bəxtiyar Qılıncov tərəfindən təqdim
edilib. Sərgidə «GEO travel», «Gilan travel» turizm şirkətləri də iştirak ediblər.
Leyla Verdiyevanın qəzetimizə
verdiyi məlumata görə, sərgidə
dünyanın 45-dən artıq
ölkəsindən turizm,
səyahət və asudə vaxtın təşkili işi sahəsində fəaliyyət
göstərən 600-dən çox hökumət nümayəndələri və
özəl şirkətlər
iştirak edib: «Azərbaycanın turizm potensialı ilə bağlı məlumatların
yer aldığı lövhə ilə həm yerli, həm də xarici ölkələrdən
gələn ziyarətçilər
maraqlanırdılar. Biz özümüzlə ölkəmizin
turizm potensialını
təbliğ edən ingilis dilində müxtəlif reklam-çap
məhsulları aparmışdıq.
Bu təbliğat vasitələri Azərbaycan
lövhəsini ziyarət
edənlər tərəfindən
böyük maraqla qarşılanırdı».
Sərgi günlərində “Geo Travel”,
“Gilan Tourism” turizm şirkətləri və
“AZAL”ın Milandakı
rəsmi nümayəndəsi
xüsusi aktivlik nümayiş etdiriblər.
Onlar İtaliya, Türkiyə, Rusiya, İran və digər xarici ölkələrin turizm şirkətləri ilə turist mübadiləsinə dair danışıqlar aparıblar.
L.Verdiyevanın sözlərinə
görə, Azərbaycanın
lövhəsini ziyarət
edən yerli və xarici turizm şirkətlərinə
ölkəmiz haqqında
geniş məlumat veriblər: «Ziyarətçi
turizm şirkətlərinin
nümayəndələri Azərbaycana
turist qruplarının
gətirilməsində maraqlı
olduqlarını bildirdilər».
Fəxriyyə Abdullayeva
Mədəniyyət.- 2011.- 25
fevral.- S. 9.