Üç məktəbin birgə tədbiri

Mayın 27-də «Kapellhaus»da Georgi Şaroyev adına 35 saylı onbirillik musiqi, Xocalı şəhər 2 saylı uşaq musiqi və Ağcabədi şəhər uşaq incəsənət məktəbi şagirdlərinin 28 May - Respublika Günü münasibətilə birgə konserti oldu.

G.Şaroyev adına musiqi məktəbinin direktoru Yusif Vəliyev çıxışında rəhbərlik etdiyi mədəniyyət müəssisəsinin bölgələrdə fəaliyyət göstərən musiqi məktəbləri ilə sıx əməkdaşlıq etdiyini qeyd etdi. O, belə tədbirlərin gənc nəslin musiqiyə olan marağının daha da artmasına səbəb olduğunu vurğuladı, bölgələrdə təhsil alan yeniyetmə musiqiçilərin paytaxt səhnəsində istedadlarına şərait yaradılmasını yüksək qiymətləndirdi. Sonra konsert başlandı. İlk olaraq Ağcabədi Şəhər Uşaq İncəsənət Məktəbi şagirdlərinin ifasında “Məzəli rəqs” nömrəsi nümayiş edildi. Ardınca hər üç məktəbin şagirdlərinin hazırladıqları 30-dan artıq ifa və rəqs nömrələri təqdim olundu.

Mədəniyyət.- 2011.- 1 iyun.- S. 10.