Bakı Xoreoqrafiya Məktəbi məzunlarının
buraxılış konserti
Mayın 29-da Opera və Balet Teatrında Bakı
Xoreoqrafiya Məktəbi məzunlarının
buraxılış (hesabat) konserti oldu.
Klassik və xalq bölməsi tələbələrinin
iştirak etdiyi konsert proqramı 15 nömrədən ibarət
idi. 27 məzunun iştirak etdiyi buraxılış konsertini
Bakı Xoreoqrafiya Məktəbinin müəllimləri - Xalq
artisti Yusif Qasımov, Əməkdar artist Səbinə
Qasımova, Əməkdar müəllim Pellumb Aqallıyay,
Kamilla Əliyeva, Ella Hacıyeva, Yekaterina Mustafayeva, Makar
Ferştandt, Lyudmila Qudlyanskaya və Tamilla Məmmədova
hazırlamışdılar.
Konsert proqramında diqqətçəkən
məqam 2 avstriyalı rəqqas və məktəbin 2 məzununun
birgə iştirakı ilə Avstriya xoreoqrafı Mixail
Fixtenbaum tərəfindən hazırlanmış Mosartın “Məhəbbət
küləyi” kompozisiyası oldu. Konsertdə Avstriyanın Azərbaycandakı
fövqəladə və səlahiyyətli səfiri Silvia
Mayer-Kaybiç, Mədəniyyət və Turizm Nazirliyindən
nümayəndələr iştirak edirdilər.
Konsertdə Mosart “Məhəbbət
küləyi”, “Esmiralda” baletindən variasiya, Balkan rəqsi,
P.Çaykovski “Rus rəqsi”, İ. Ştraus “Vals”, Ü.
Hacıbəyov “Sənsiz”, Eldar Mansurov “Naxışlar”, Fikrət
Əmirov “Min bir gecə” baletindən fraqment və s.
kompozisiyalar səsləndi.
R.İsayeva
Mədəniyyət.-
2011.- 1 iyun.- S. 4.