Mən bir qıza rast gəldim

 

   Rusiya televiziyasında Azərbaycan musiqisi

  

   Yəqin ki, yaşlı orta nəsil nümayəndələri görkəmli Azərbaycan müğənnisi Rəşid Behbudovun ifasındaMən bir qıza rast gəldim” (“Ya vstretil devuşku”) mahnısını dəfələrlə eşidib. Bazar axşamları Rusiya televiziyasının 1-ci kanalının (ORT) efirinə çıxanBizim illər” (“Kakiye naşi qodı”) verilişinin son buraxılışında həmin mahnının yaranma tarixi səslənib.

   Müəllif aparıcı, tanınmış jurnalist Leonid Parfyonov verilişin hər buraxılışını keçmişlə bağlı müəyyən əlamətdar hadisələrə həsr edir. Budəfəki buraxılışda 1957-ci ildə baş vermiş hadisələrdən bəhs edilirdi. Həmin il Moskvada Gənclərin Tələbələrin 6-cı Beynəlxalq Festivalı keçirilmiş, Yerin ilk süni peyki kosmosa buraxılmış, rejissor Mixail KalatozovunDurnalar uçurfilmi Kann kinofestivalının baş mükafatını qazanmışdı. Rəşid BehbudovunMən bir qıza rast gəldimmahnısı isə 1957-ci ilin ən populyar mahnısı olmuşdu. Mahnının ilk ifaçısı Azərbaycanın tanınmış müğənni pianoçusu Rauf Atakişiyev olub.

   Verilişdə iştirak edən Azərbaycanın Rusiyadakı səfiri Polad Bülbüloğlu bu mahnının yaranma tarixi barədə söhbət açıb. Aparıcıların Azərbaycan mahnılarının nədən bu dərəcədə cəlbedici olması barədə sualına cavabında P.Bülbüloğlu bildirib ki, muğam, aşıq yaradıcılığı müasir ritmlərin sintezi nəticəsində əsl musiqi sənəti nümunələri yaranıb.

   Verilişin sonunda “Eurovision-2010” mahnı müsabiqəsində Rusiyanı təmsil etmiş Pyotr Naliçin ansamblının ifasındaMən bir qıza rast gəldimmahnısı səslənib.

  

 

   Mədəniyyət.- 2011.- 2 mart.- S. 5.