Azərbaycan İsveçrə kitabxanalarının əməkdaşlığı

 

   Azərbaycanın İsveçrədəki səfirliyinin dəstəyi ilə iki ölkənin kitabxanaları arasında əməkdaşlıq əlaqələrinin qurulması məqsədi ilə Azərbaycan Respublikası Prezidentinin İşlər İdarəsi Prezident Kitabxanasının direktoru Mayıl Əhmədov və M.F.Axundzadə adına Milli Kitabxananın direktoru Kərim Tahirov bu ölkədə səfərdədirlər.

   Azərbaycan nümayəndə heyəti öncə Lozanna şəhəri və onun mədəniyyət ocaqları ilə tanış olub. Növbəti görüş Sürix şəhərinin Mərkəzi Kitabxanasında keçirilib.

   Növbəti tanışlıq Bern şəhərində yerləşən İsveçrə Milli Kitabxanası ilə olub. Burada Azərbaycan Milli Kitabxanası ilə İsveçrə Milli Kitabxanası arasında əməkdaşlıq memorandumu imzalanıb. Sonra Azərbaycan nümayəndə heyəti Lucern şəhərinə yola düşüb. Səfər mayın 10-dək davam edəcək.

 

 

   Mədəniyyət.- 2011.- 6 may.- S. 4.