Qızıl KəlməƏdəbi Mükafatı qaliblərə təqdim olundu

 

   Mayın 6-da M.F.Axundov adına Azərbaycan Milli Kitabxanasında 2011-ci il üzrəQızıl Kəlmə” Ədəbi Mükafatının qaliblərinin təltifolunma mərasimi keçirildi.

     

   ƏvvəlcəQızıl Kəlmə” müsabiqəsinin tarixinə qısa nəzər salaq. Azərbaycan Respublikası Mədəniyyət və Turizm NazirliyininQızıl Kəlmə” Ədəbi Mükafatı 2008-ci ildə təsis olunub. 2009-cu ildə ilk qaliblər elan edilib. Müsabiqə çağdaş milli ədəbiyyatın ən parlaq örnəklərini dəyərləndirmək, yaradıcı insanların əməyini stimullaşdırmaq, müasir qələm sahiblərinin yaradıcılığını təşviq etmək məqsədi ilə keçirilir. Müsabiqənin bütün proseduru mədəniyyət turizm naziri tərəfindən imzalanmış “Əsasnamə” əsasında tənzimlənir. “Qızıl Kəlmə” Ədəbi Mükafatının nazirliyin nümayəndələrindən nüfuzlu qələm sahiblərindən ibarət 11 nəfərlik münsiflər heyəti var. Ədəbi Mükafat nəsr, poeziya, bədii tərcümə və ədəbi tənqid - publisistika olmaqla 4 nominasiyanı əhatə edir.

   Əsasnaməyə uyğun olaraq 2011-ci il üzrə “Qızıl Kəlmə” Ədəbi Mükafatı elan edilib, 1 mart tarixində təqdimat başa çatıb müsabiqəyə 25 əsər daxil olub.

   Nəsr əsərləri nominasiyasına “168 saatqəzetinin redaksiyası VarisinBir ovuc torpaq” kitabını, Azərbaycan Yazıçılar Birliyi Natiq RəsulzadəninÇitayuşiy mısli” (rus dilində) romanını, Azərbaycan Yazıçılar Birliyinin Lənkəran bölməsi Hafiz MirzəninSon və başlanğıc” kitabını, “Azanfilmstudiyası Gülşən Tofiqqızının “Eva” kitabını, “Vətən” nəşriyyatı Yusif KərimovunƏdəbiyyat yolu” kitabını, İctimai Televiziya İmir Məmmədlinin “Sazlı-sözlü Sibir” kitabını, “Olaylarqəzetinin redaksiyası Yunus OğuzunTəhmasib şah” romanını, “Nurlarnəşriyyatı Əli EyvazovunBir batalyonun tarixi” kitabını, “E.L” nəşriyyatı Cavid ZeynallınınGünəşi gözləyənlər” romanını təqdim edib.

   Poeziya nominasiyasına Azərbaycan Yazıçılar Birliyi Əjdər OlunYaşaşeirlər kitabını, “Çinar-çapnəşriyyatı Ağacəfər Həsənlinin “Ümidimin adına küçə” şeirlər kitabını, “Adiloğlunəşriyyatı Rəfail Tağızadənin “Qarabağ ruzigarları” kitabını, “Yazıçı” nəşriyyatı Nuranə NurunYanaqda yağış yerişeirlər kitabını, “Şəms” nəşriyyatı Qəşəm Nəcəfzadənin “Oğlum, qapını ...” şeirlər kitabını, “Ədalət” qəzetinin redaksiyası Əbülfət Mədətoğlunun “Ürəyimdəki sənsən” şeirlər kitabını təqdim edib.

   Ədəbi tənqidpublisistika nominasiyasına AMEA-nın Folklor İnstitutu Gülxani Pənahın “Mir Cəlalın elmi-nəzəri görüşləri” kitabını, “Adiloğlunəşriyyatı Tariyel Abbaslının “Zəminə Xınalının yaradıcılığında hərbi vətənpərvərlik” kitabını, “Araznəşriyyatı Rəhilə ElçininMilli qəhrəmanım, vətən qürurum” kitabını, “Gənclik” nəşriyyatı Sevda Əlibəylininİlk poliqrafçı alim” kitabını, “Elm təhsil” MMC Akif ƏlininVətən mücadiləsi” kitabını, Yardımlı Rayon Təhsil şöbəsi Sabir Bəşirovunİşıq adam” kitabını, Azərbaycan Yazıçılar Birliyi Nəsiman Yaqublunun “Bakının qurtuluşukitabını təqdim edib.

   Orijinaldan bədii tərcümə nominasiyasına “Mütərcim” nəşriyyatı Telman Vəlixanlının tərcüməsində M.DostoyevskininKaramazov qardaşları” romanını, “525-ci qəzet”inin redaksiyası Kamran NəzirlininHeç kim heç vaxt ölmür” kitabını, “Şərq-Qərb” nəşriyyatı Nəriman Əbdülrəhmanlının tərcüməsində Andrey PlatonovunSeçilmiş əsərləri” kitabını təqdim edib.

   Bütün əsərlər münsiflər heyətinin hər bir üzvü tərəfindən oxunduqdan sonra 3 may 2011-ci il tarixində Müsabiqə Komissiyasının yekun iclası keçirilib. Əsasnaməyə uyğun səsvermənin nəticələri ümumiləşdirildikdən sonra yetərli keçid balları toplayan əsərlər müəyyən edilib. Komissiya üzvləri ədəbi-tənqid və publisistika əsərləri üzrə nominasiya ilə əlaqədar xüsusi təkliflə çıxış ediblər. Bu məqsədlə son iki ildə bu janrlar üzrə nəşr olunmuş ən maraqlı kitablar nəzərdən keçirilibkomissiya üzvləri yekdil rəylə nominasiya üzrə mükafatın Xalq yazıçısı AnarınUnudulmaz görüşlərkitabına verilməsini dəstəkləyiblər.

   2011-ci il üzrəQızıl kəlmə” Ədəbi Mükafatı dörd nominasiya - nəsr, poeziya, bədii tərcümə, ədəbi-tənqid və publisistika üzrə keçirilib. Müsabiqəyə təqdim olunan 25 əsərdən 7-si nominasiyalar üzrəQızıl Kəlmə” Ədəbi Mükafatına, iki kitab isə “Qızıl kəlmə” Ədəbi Mükafatı çərçivəsində keçirilən “Şansödülünə layiq görülüb.

  

   * * *

 

   Qızıl Kəlmə” Ədəbi Mükafatının qaliblərinin təltifolunma mərasimini mədəniyyət və turizm naziri Əbülfəs Qarayev açaraq son illər dövlətin mədəniyyətə, ədəbiyyata, yaradıcı insanlara göstərdiyi qayğı və diqqətdən, o cümlədən Azərbaycan ədəbiyyatının inkişafı üçün nazirliyin həyata keçirdiyi layihələrdən danışdı. Qeyd olundu ki, tərcümə əsərlərinin çap olunması, dramaturgiya sahəsində xüsusi müsabiqələrin keçirilməsi, Yazıçılar Birliyi ilə birgə “Gənc ədiblər” məktəbinin yaradılması və s. layihələr mədəni ictimaiyyətdə böyük maraqla qarşılanıb. Nazir bildirdi ki, “Qızıl kəlmə” Ədəbi Mükafatı ilə bağlı müsabiqəni keçirməkdə məqsəd ədəbiyyata, kitaba, mütaliəyə marağı artırmaq, eyni zamanda ən dəyərli əsərləri cəmiyyətə təqdim etməkdir.

   Tədbirdə çıxış edən nazirliyin Nəşriyyat, reklamın təşkili və informasiya şöbəsinin müdiri, tanınmış şair Vaqif Bəhmənli “Qızıl Kəlmə” mükafatının təqdimat mərasimini ədəbiyyat bayramı adlandırdı. Sonra münsiflər heyətinin üzvləri təqdim olundu: müsabiqə komissiyasının sədri - mədəniyyət və turizm naziri Əbülfəs Qarayev, sədr müavini - nazirinin birinci müavini Vaqif Əliyev, üzvlər - nazir müavini Ədalət Vəliyev, nazirliyin Nəşriyyat, reklamın təşkili və informasiya şöbəsinin müdiri Vaqif Bəhmənli, şöbənin Nəşriyyat sektorunun müdiri Çingiz Əlioğlu, millət vəkili, professor Nizami Cəfərov, millət vəkili, Xalq şairi Sabir Rüstəmxanlı, Yazıçılar Birliyinin katibi, “525-ci qəzet”in baş redaktoru Rəşad Məcid, filologiya elmləri doktoru Nizaməddin Şəmsizadə, filologiya elmləri doktoru, tərcüməçi Zeydulla Ağayev, “Azərbaycan” jurnalının baş redaktor müavini, tənqidçi Vaqif Yusifli.

   Vaqif Bəhmənli bildirdi ki, müsabiqəyə təqdim olunan 25 əsər iki ay ərzində münsiflər heyəti tərəfindən oxunub qiymətləndirilib. Sonra o, münsiflər heyətinin yekun protokolu üzrə qalibləri elan etdi.

  

   Ədəbi-tənqid və publisistika əsərləri üzrə

 

   Anar. “Unudulmaz görüşlər

  

   Poeziya əsərləri nominasiyası üzrə

 

   Əjdər Ol. “Yaşaşeirlər kitabı.

   Ağacəfər Həsənli. “Ümidimin adına küçə” şeirlər kitabı.

  

   Bədii tərcümə əsərləri nominasiyası üzrə

 

   Telman Vəlixanlı. M.DostoyevskininKaramazov qardaşları” romanı.

   Kamran Nəzirli. “Heç kim heç vaxt ölmürorijinal tərcümələrdən ibarət kitab.

  

   Qızıl Kəlmə” Ədəbi Mükafatı çərçivəsində “Şansödülü

 

   Nəriman Əbdülrəhmanlı. Andrey PlatonovunSeçilmiş əsərləri” tərcümələr kitabı.

   Əbülfət Mədətoğlu. “Ürəyimdəki sənsən” şeirlər kitabı.

 

   Qaliblərə diplomlar pul mükafatı təqdim olundu.   

   Münsiflər heyətinin üzvü, Xalq şairi Sabir Rüstəmxanlı qalibləri təbrik edərək bildirdi ki, cəmiyyətdə qədər mükafatların, adların əleyhinə mübahisələr, söz-söhbətlər getsə , yaradıcı insanların həmişə qayğıya, diqqətə ehtiyacı var: “Bu mükafata görə Mədəniyyət Turizm Nazirliyinə təşəkkür edirik. Əslində elə yazıçıya, şairə mükafatı peşəsinə uyğun olan rəsmi orqanlar verməlidir. Xalq şairi müsabiqəyə təqdim olunan əsərlərə münsiflər heyətinin mümkün qədər obyektiv yanaşıldığını qeyd etdi.

   Xalq şairi Mədəniyyət Turizm Nazirliyinin həm kitab nəşri sahəsində, həm müəyyən mükafatların təsis edilməsində, müəyyən layihələrin gerçəkləşməsində görülən işləri yüksək qiymətləndirdi.

   Xalq yazıçısı Anar “Qızıl kəlmə” Ədəbi Mükafatına layiq görülməsini rus şairi Aleksandr Blokun “Gözlənilməz sevincşeiri ilə müqayisə etdi bu mükafatın onun üçün gözlənilməz olduğunu bildirdi. Qeyd etdi ki, Yazıçılar Birliyinin sədri olduğu 24 ildə bir dəfə özünü bir ada, bir mükafata təqdim etməyib: “Bu mükafatı çox yüksək qiymətləndirirəm”.

   Azərbaycanda Atatürk Mərkəzinin direktoru, filologiya elmləri doktoru, professor Nizami Cəfərov münsiflər heyətinin üzvü kimi bu işə olduqca məsuliyyətlə yanaşdıqlarını qeyd etdi. İl ərzində ölkəmizdə yüzlərlə kitabın nəşr olunduğunu deyən N.Cəfərov bu sahədə geniş təbliğat aparılmasının və gələcəkdə müsabiqəyə daha çox kitabın cəlb olunmasının vacibliyini vurğuladı: “Bu mükafata çoxlu əsərlər təqdim edilməlidir ki, bizim ədəbiyyatımızın mənzərəsini, ədəbiyyatımızın gücünü, enerjisini göstərə bilsin. Mükafat almış əsərlər ən yaxşı əsərlər kimi təkrar nəşr olunsun. Həmin əsərlər diqqəti cəlb eləsin, oxunsun”.

   Mərasimdə yazıçı Natiq Rəsulzadə, şair Əjdər Ol, tərcüməçi Telman Vəlixanlı çıxış edərək qaliblər adından Mədəniyyət və Turizm Nazirliyinə münsiflər heyətinə təşəkkürlərini bildirdilər.

  

 

   Təranə Vahid

 

   Mədəniyyət.- 2011.- 11 may.- S. 9.