“Vətən və istiqlal aşiqi Əli Yusif” kitabı təqdim olunub

F.Köçərli adına Respublika Uşaq Kitabxanasında Nazif Qəhrəmanlının “Vətən və istiqlal aşiqi Əli Yusif” kitabının təqdimat mərasimi keçirilib. Kitab şair, publisist, istiqlal mücahidi Əli Yusifə həsr olunub. Tədbiri giriş sözü ilə kitabxananın direktoru Fizurə Quliyeva açaraq kitabla bağlı məlumat verib. Sonra kitabın müəllifi N.Qəhrəmanlı çıxış edərək, Əli Yusifin həyat və yaradıcılığı, rus işğalına qarşı gizli mübarizəsi, sürgün həyatı haqqında danışıb. Tədbirdə Dövlət Ədəbiyyat və İncəsənət Arxivinin direktoru Maarif Teymur, şair, publisist Teyyub Qurban, teatrşünas Aydın Dadaşov və digər ziyalılar iştirak ediblər. Tədbirin sonunda Azərbaycan Xalq Cümhuriyyəti tarixindən bəhs edən kinoarxiv görüntüləri nümayiş olunub.

Gülər

Mədəniyyət.- 2011.- 20 may.- S. 15.