UNİMA
- Beynəlxalq Kukla Teatrları
İttifaqı
Beynəlxalq Kukla Teatrları İttifaqı - UNİMA
(Union Internationale de la Marionnette) 1922-ci il mayın 20-də
Praqada kukla teatrlarının V konqresində təsis edilib.
UNİMA-nın ilk prezidenti
çex İrcix Veselı seçilib. Rus filoloqu Pyotr
Boqatıryovun təşəbbüsü ilə çex,
alman, italyan, fransız kukla teatrlarının
yaratdığı təşkilat hazırda UNESCO-nun tərkibində
fəaliyyət göstərir. Təşkilatın emblemində
Avropa meydan teatrlarının səhnəsinin kukla təsvirləri
əks olunub. UNİMA-nın baş qərargahı
Fransanın Şarlevil-Mezyer şəhərində yerləşir.
Qurumun ali orqanı konqresdir. Təşkilata
prezident və baş katib rəhbərlik edib. Uzun illər
UNİMA-nın prezidenti görkəmli teatr xadimi S.Obrazsov olub.
UNİMA-nın fəxri prezidenti məşhur fransız
pedaqoqu və rejissoru Marqarita Nikuleskudur.
2008-ci ildə UNİMA-nın
Avstraliyanın Pert şəhərində keçirilən
konqresində hindistanlı Dadi Pudamci təşkilatın
prezidenti, kanadalı Jak Trüdo isə baş katibi
seçilib.
Dünyanın bir çox ölkələrində
UNİMA-nın milli mərkəzləri fəaliyyət
göstərir. Bu mərkəzlər ölkələrində
fəaliyyət göstərən professional və həvəskar
kukla teatrları üçün müxtəlif tədbirlər
keçirir, kukla teatrları ilə bağlı yenilikləri,
yeni metodları yayırlar.
Xəbər verdiyimiz kimi, bu
günlərdə Abdulla Şaiq adına Azərbaycan Dövlət
Kukla Teatrı da UNİMA-ya üzv qəbul olunub. Bu isə o
deməkdir ki, artıq ölkəmizdə də
UNİMA-nın milli mərkəzi fəaliyyət göstərəcək.
Lalə
Azəri
Mədəniyyət.-
2011.- 2 noyabr.- S. 7.