“Teatr insanları düşünməyə vadar
edir”
Amaliya Pənahova,
Xalq artisti
- Festival çərçivəsində
dünyanın bir çox ölkələrindən
teatr mütəxəssisləri,
tənqidçiləri, aktyorlar,
rejissorlar şəhərimizin
qonaqlarıdırlar. Coğrafi
baxımdan geniş sahəni əhatə edən festival ən müxtəlif teatr mərkəzlərini təmsil
edən kollektivləri
bir araya gətirməklə böyük
əhəmiyyətə malikdir
və keçən il Bakıda
təşkil olunan beynəlxalq teatr forumunun davamı olaraq böyük önəm daşıyır.
Hər hansı bir konfrans, simpozium və konqres inkişafa təkan verir. Ölkələr
bir-birinin mədəniyyəti
ilə yaxından tanış olur və öz
mədəniyyətini geniş
nümayiş etdirə
bilir. Bu festival da o baxımdan çox maraqlıdır ki, burada müxtəlif teatr kollektivləri ilə tanış
oluruq. Teatr insanları düşünməyə
vadar edir, onları tərbiyələndirir.
Kukla teatrlarının gənc nəslin tərbiyəsində
rolu əvəzsizdir desəm, yanılmaram.
Buna görə də teatrın inkişafı cəmiyyətin
də inkişafına
təkandır.
Ölkəmizə gələn qonaqlarla
keçirilən görüşlər
zamanı bir daha vurğulandı ki, əsas məqsəd
ölkələrarası mədəniyyətləri
tanıtmaqdır. Qonaqlar arasında
çox maraqlı mütəxəssislər var. Onlar
öz ölkələrində
müəyyən nüfuza
malik insanlardır.
Buna görə də Azərbaycanın bu insanlar tərəfindən
tanınıb dünyada
təbliğ olunması
təqdirəlayiqdir. Azərbaycan Kukla
Teatrının Beynəlxalq
Kukla Teatrları Asossiasiyasına üzv olması sevindirici haldır. İnanıram ki, bu
festival Azərbaycan teatrına
böyük töhfələr
verəcək.
Mədəniyyət.-
2011.- 4 noyabr.- S. 5.