“Azərbaycan dünyanın mədəniyyət mərkəzinə çevrilir

 

   Azər Paşa Nemətov,

    Xalq artisti

  

   - Son illər Mədəniyyət və Turizm Nazirliyi tərəfindən çox uğurlu layihələr həyata keçirilir. “Azərbaycan teatrı 2009-2019-cu illərdə» Dövlət Proqramı çərçivəsində Bakıda keçirilən Beynəlxalq Kukla Teatrları Festivalı da bu uğurlu layihələrdən biridir. İlk dəfə, Azərbaycanda kukla teatrlarının belə yüksək səviyyədə festivalının keçirilməsinə çox sevinirəm. Dünyanın 20-dən artıq kukla teatrı bu nüfuzlu festivalda iştirak edir, dünya kukla teatrlarının ən gözəl nümunələri Azərbaycan səhnəsində azərbaycanlı tamaşaçılara təqdim olunur. Eyni zamanda, dünyanın məşhur teatr xadimləri, Beynəlxalq Kukla Teatrları Assosiasiyası - UNİMA-nın, Beynəlxalq Teatr İnstitutunun rəhbərləri Bakıya gəlib. Hətta zarafatla öz aramızda deyirik ki, Bakıda teatr dünyasının sammiti keçirilir.

   Festivalın çox təmtəraqlı açılışı oldu. Festival uşaqlara da böyüklərə sevinc bəxş edir. Çox sevinirəm ki, Azərbaycan dünya mədəniyyət mərkəzlərindən birinə çevrilir, istər musiqi, istər muğam, istər teatr sahəsində dünyanın gözü, diqqəti Bakıya yönəlir. Arzu edirəm ki, Azərbaycan bu yoldan dönməsin, dünyanın ən böyük mədəniyyət mərkəzlərindən birinə çevrilsin.

 

 

   Mədəniyyət.- 2011.- 4 noyabr.- S. 5.