“Biz müstəqilliyimizin həmyaşıdlarıyıq”

Oktyabrın 17-də Azərbaycan İstiqlal Muzeyində dövlət müstəqilliyimizin bərpasının 20 illiyi ilə əlaqədar “Biz müstəqilliyimizin həmyaşıdlarıyıq” adlı sərgi açıldı. Tədbirdə Azərbaycan Dövlət Rəssamlıq Akademiyasının və Respublika Gənc Turistlər, Diyarşünaslıq Mərkəzinin müəllim və tələbə heyəti, Prezident Qvardiyasının, Daxili Qoşunların əsgərləri, Ali Hərbi Dənizçilik Məktəbinin kursantları və digər qonaqlar iştirak edirdilər.

Tədbirdə İstiqlal Muzeyinin direktoru Fəridə Şəmsi çıxış edərək Azərbaycanın 20 illik müstəqillik dövründə qazandığı uğurlardan, keçdiyi inkişaf yolundan söz açdı.

Sənətşünas Ziyadxan Əliyev isə müstəqillik dövründə sənət adamlarının yaradıcılığından danışdı.

Sərgidə Azərbaycan dövlət Rəssamlıq Akademiyasının tələbələrinin və Respublika Gənc Turistlər və Diyarşünaslıq Mərkəzinin şagirdlərinin 50 ədəd rəsm, qrafika və heykəltəraşlıq əsərləri nümayiş olundu.

Ceyhun

Mədniyyət.-2011.- 19 oktyabr.- S. 14.