Niyazinin mənzil-muzeyində klassikcaz musiqisi səsləndi

 

Sentyabrın 7-də Azərbaycan Musiqi Mədəniyyəti Dövlət Muzeyi Klassik Musiqisevərlər Klubunun növbəti tədbiri keçirildi.

Niyazinin mənzil-muzeyində keçirilən tədbiri giriş sözü ilə muzeyin əməkdaşı, musiqişünas Fazilə Nəbiyeva açaraq, tədbir haqqında məlumat verdi. Tədbirdə gənc musiqiçilərin ifasında Azərbaycan və xarici ölkə bəstəkarlarının klassik və caz musiqiləri səsləndi.

Konsertdə Nərminə Nağıyevanın klarnet, skripkafortepiano üçün İllüziyanist əsəri Anar Məmmədov (klarnet), Failə İsmayılova (skripka) və müəllifin özünün (fortepiano) ifasında təqdim olundu. İqor Stravinskinin klarnet üçün 3 pyesi Vəli Budaqovun ifasında, A.Svatsmanın klarnetfortepiano üçün İntermesso əsəri Anar Məmmədov (klarnet) və Aysel Məlikovanın (forepiano) ifasında maraqla qarşılandı. Firudin Allahverdinin C.Cabbarlının Aydın tamaşasına yazılmış iki klarnetfortepiano üçün Restoran tanqosu Anar Məmmədov (klarnet) və Vəli Budaqov, Aysel Məlikovanın (fortepiano) ifasında səsləndirildi.

 

Gülər

 

Mədəniyyət.- 2011.- 9 sentyabr.- S. 6.