“Bu dünyadan Xəlil keçdi”

Zərdab rayon MKS-nin Əlibəyli kənd filialı maraqlı, rəngarəng tədbirlər keçirməklə oxucularının sayını gündən-günə artırır. Bu günlərdə filialın keçirdiyi “Bu dünyadan Xəlil keçdi” adlı tədbirə də çoxlu oxucu toplaşmışdı.

Tədbiri filialın müdiri Fiqurə Əliyeva açaraq Xalq şairi Xəlil Rza Ulutürkün mübarizələrlə dolu həyatından danışdı. Filialın əməkdaşı Sevda Ələkbərova şairin həyat və yaradıcılığı haqqında məruzə ilə çıxış etdi. Qeyd olundu ki, böyük amallar, nəcib məqsədlər uğrunda qətiyyətlə mübarizə aparan ədib illər, qərinələr sonra da anılacaq, xatırlanacaq, onun ömür yolu nəsillər üçün örnək olacaq.

Kitabxananın fəal oxucularından Nizam Umarov, Natəvan Sadıqova, Malik Məlikov, Hamlet Zülfüqarov və başqaları çıxış edərək şairin poeziyasından, milli-azadlıq hərəkatında rolundan danışdılar.

Mübariz Səfiyaroğlu,

Zərdab rayon MKS-nin əməkdaşı

Mədəniyyət.- 2012.- 19 dekabr.- S. 11.