Yaradıcı gənclərimizlə qürur duyuruq

 

   1996-cı il fevralın 2-də Azərbaycan gənclərinin ümumrespublika forumu keçirildi. Bu, müstəqillik dövründə ölkə gənclərinin ilk böyük toplantısı idi. Forumda ümummilli lider Heydər Əliyev iştirak etmişdi. Prezident Heydər Əliyevin 1997-ci ildə imzaladığı fərmanla 2 Fevral Azərbaycanda Gənclər Günü elan edildi. Beləcə, Azərbaycanın təqviminə daha bir əlamətdar tarix əlavə olundu. 2 fevral ölkəmizdə gəncliyin bayramı kimi qeyd olunmaqla yanaşı, ayrı-ayrı sahələrdə çalışan gənclər üçün də əldə etdikləri nailiyyətlərin nümayişi, təqdimatı üçün mühüm bir fürsətdir.  

   Bu gün ölkəmizdə gənclərin yaradıcılıq imkanlarının realizə olunması, onların müxtəlif sənət layihələrində fəal iştirakı üçün hər cür şərait yaradılıb, gənclərlə dövlət siyasətinin mühüm istiqamətlərindən biridir. Gənclərin mənəvi və mədəni inkişafı, vətənpərvərlik ruhunda tərbiyəsi, xaricdə təhsil alması, gənclər təşkilatlarının fəaliyyətinə yaradılan şərait, dövlət tərəfindən verilən dəstək gənclərimizi daha da ruhlandırır, yeni uğurlara təşviq edir.

   Mədəniyyət sahəsində də istedadlı, bacarıqlı gənclərimiz hər zaman dövlətin diqqət və qayğısını hiss edirlər. Musiqi, rəssamlıq, kino və digər sahələrdə gənclərimizin uğurları müntəzəm olaraq mediada işıqlandırılır, geniş ictimaiyyətə çatdırılır. Gənclər günü ərəfəsində biz də onların bir neçəsi ilə görüşüb fikirlərini, ürək sözlərini dinlədik.

  

 

   Fariz Əhmədov (kinorejissor)

 

   1983-cü ildə Bakıda anadan olub. Mədəniyyət İncəsənət Universitetini bitirib.Miras”, “Kiçik əmanət”, “Lahıc ritmləri s. filmlərin rejissorudur. Bir çox beynəlxalq müsabiqələrin qalibidir. Mədəniyyət Turizm Nazirliyinin dəstəyi ilə Rusiya Dövlət Kinematoqrafiya Akademiyasında kinorejissor ixtisası üzrə təhsil alır.

   - 10 ilə yaxındır kino sahəsində çalışıram. Sənətə gəldiyim ilk gündən dövlətin qayğısını üzərimdə hiss etmişəm. Moskvada təhsil almağım da bu qayğının bariz nümunəsidir. 2011-ci ildə “Bu meydan, bu ekran”ın qalibi olmuşMayakfilminin çəkilişlərini başa vurmuşuq, ikinci sənədli film üzərində çalışırıq. Bilirsiniz ki, bu layihə gənc kino mütəxəssislərinə dəstək məqsədi daşıyır. Bu gün mədəniyyətin digər sahələrində olduğu kimi, kinoda da gənclərin yaradıcılığına dəstək verilir. Hər il müxtəlif layihələr çərçivəsində dövlət dəstəyi ilə istehsal olunan ekran əsərləri arasında gənc müəlliflərin adlarına rast gəlirik.

   Kino yaradıcılıqla yanaşı həm sənayedir. Rəssamlıqdan, bəstəkarlıqdan fərqli olaraq kino daha çox maliyyə tələb edən sahədir. Dünyanın heç bir ölkəsində birbaşa birdəfəlik qaytarılmamaq şərtilə kinoya dəstək layihələri yoxdur. Azərbaycanda yaradılmış belə bir şəraitdən biz gənclər layiqincə bəhrələnməli, xaricdə ölkəmizi layiqincə təmsil etməli, öz potensialımızı nümayiş etdirməliyik. Bizə göstərilən dəstək qayğıya görə dövlətimizə, əlaqədar qurumlara öz təşəkkürümüzü bildiririk. Bütün yaradıcı gəncləri təbrik edirəm.

  

 

   Gümrah Ömər (teatr rejissoru)

 

   Mədəniyyət İncəsənət Universitetini bitirib. Milli Dram, Gəncə, “Yuğteatrlarında, Estoniya teatrında tamaşalar səhnələşdirib.

   - Çox sevindirici haldır ki, bu gün gənclərin üzərinə məsuliyyətli işlər düşür. Gəncə Dövlət Dram Teatrı kimi böyük sənət ocağında baş rejissor vəzifəsində çalışmaq mənim üçün böyük məsuliyyətdir. Bu, əlbəttə, dövlətin biz gənclərə göstərdiyi etimaddır. Gənc həmkarlarımdan Mingəçevir teatrında çalışan Günay Səttarovanın, Lənkəran teatrından Tural Mustafanın adlarını qeyd etmək istərdim. Bu mənada son dövrlərdə gənc nəslə ayrılan diqqət çox təqdirəlayiqdir. Bizi dünyaya tanıdan “Eurovision” mahnı müsabiqəsindəki qalibiyyətimiz gənclərə göstərilən qayğının bariz nümunələrindən biridir. Vaxtında göstərilən etimad öz nəticəsini verdi bu iki gənc öz potensialını nümayiş etdirərək ölkəmiz adına nailiyyətə imza atdı.

   Bu gün dövlətin gənclərlə bağlı bir sıra proqram layihələri uğurla həyata keçirilir. Düzdür, həyat çətindir, atdığımız hər bir addımda uğur da olur, uğursuzluq da. Amma dövlət dəstəyi nəticəsində uğurlarımızın sayı daha çoxdur. Biz cəmiyyət olaraq ən gözəl dövrlərimizdən birini yaşayırıq bundan qürur duymaq lazımdır. Biz elə bir xalqıq ki, elm, mədəniyyət sahəsində inteqrasiyaya da, yeniliklərə uyğun düşüncə tərzinə qadirik. Arzu edək ki, gənclərimizi mənfi tendensiyalardan qoruya bilək. Cəmiyyət olaraq öz gəncliyimizin tərbiyəsində düşüncəsində onların yanında olaq. qədər onlara dəstək olsaq, işlərimiz bir o qədər səmərəli olacaq. Bu baxımdan gələcəyə baxışımda fikirlərimdə çox nikbinəm bütün gənc həmkarlarımı bayram münasibətilə təbrik edirəm.

  

 

   Azər Rzazadə (vokalist)

 

   İtaliyada təhsil alır. Beynəlxalq müsabiqələr laureatıdır. Azərbaycan Dövlət Opera Balet Teatrının solistidir. Bir çox tamaşalarda əsas partiyaları ifa edib. Qəbələ Beynəlxalq Musiqi Festivalının iştirakçısıdır.

   - Son illərdə ölkəmizdə keçirilən musiqi festivallarının sayı ilbəil çoxalır. Bu sahə nəzərdən kənarda qalmır. Opera tamaşaları, klassik konsertlər təşkil olunur. Elə təkcə onu qeyd edim ki, son bir ayda - yanvar ayı ərzində Dövlət Filarmoniyasının səhnəsində 6-7 konsertdə çıxış etmişəm. Belə hesab edirəm ki, bu həm gəncliyə, həm musiqimizin inkişafına böyük diqqətin nəticəsidir. Çox şadam ki, son illərdə ölkəmizdə klassik musiqiyə maraq artıb. Bu biz gənclərə fayda verir. Biz opera səhnəsində çalışanlar istəyirik ki, özümüzün bütün potensialımızı tam olaraq nümayiş etdirə bilək. Üç ilə yaxındır ki, səhnədəyəm, bu müddət ərzində mədəniyyət sahəsində gənclərin qazandıqları uğurların şahidi olmuşam. Söhbət təkcə vokaldan getmir. İtaliyada təhsil alıram, ölkəmizi xarici festivallarda layiqincə təmsil etmək istəyirəm. Hər bir gəncin yolu uğurlu olsun!

  

 

   Aynur İsgəndərli (vokalist)

 

   Mədəniyyət İncəsənət Universitetinin solo-oxu fakültəsini bitirib. Hazırda Ü.Hacıbəyli adına Bakı Musiqi Akademiyasında vokal şöbəsində təhsil alır. Şanxayda keçirilən 8-ci Beynəlxalq Asiya Festivalı, Riqada “Atlantic breeze” yarışması s. festivalların laureatıdır.

   - Dayanmadan öz üzərimdə çalışıram. Ən böyük arzum ölkəmizi beynəlxalq festival müsabiqələrdə layiqli təmsil etmək, Azərbaycan Dövlət Opera Balet Teatrının solisti olmaqdır. Respublikanın bütün gənclərini təbrik edirəm.   

 

 

   Emin Zeynalov (pianoçu)

 

   1984-cü ildə anadan olub. 2000-ci ildə Ü.Hacıbəyli adına Musiqi Akademiyasına daxil olub. Professor Rafiq Qarayevin tələbəsi olub. Bir çox respublika beynəlxalq musiqi müsabiqələrinin qalibidir. Moskva Dövlət Konservatoriyasını fərqlənmə diplomu ilə bitirib. Aspiranturada təhsil alır. Tez-tez konsert proqramları ilə çıxış edir. İstedad bacarığının hər zaman dəyərləndirildiyini bildirir. Rusiyada olduğu üçün çox zaman onu Rusiya təmsilçisi kimi təqdim edən mediadan da gileyləndi.

   - Mən azərbaycanlıyam, istər Rusiyada, istərsə xaricdə hər zaman öz ölkəmin adından çıxış edirəm bütün uğurlarım Azərbaycanın adı ilə bağlıdır. Bakı Musiqi Akademiyasında yeni yaranan kamera orkestrinə dəvət almışam. Mart aprel aylarında Bakıda, iyun ayında isə Almaniyada konsertlərim nəzərdə tutulub. İstedadlı gənclərimiz çoxdur. Bu gənclərə imkan yaratmalıyıq ki, özlərini daha yaxşı tanıda bilsinlər.

 

    * * *

 

   Azərbaycanda gəncliyə dövlət qayğısı sabahın uğurlarına hesablanan bir siyasətdir. Bu siyasət sağlam intellektual nəslin formalaşmasına xidmət edir. Bütün yaradıcı gəncləri təbrik edir, onlara yeni-yeni sənət uğurları arzulayırıq.

  

 

  Lalə Azəri

 

 Mədəniyyət.- 2012.- 1 fevral.- S. 11.