Gənc ifaçılarımız MDB ölkələrinin Musiqi Akademiyasında uğurla çıxış ediblər

 

   Oktyabrın 1-8-də Ukraynanın Lvov şəhərində Xalq artisti Yuri Başmetin himayəsi altında MDB ölkələri IV Gənclər Musiqi Akademiyası təşkil olunub.

  

   Hər il oktyabr ayında gerçəkləşən beynəlxalq layihə çərçivəsində MDB ölkələrinin ali musiqi məktəblərinin istedadlı tələbələri müxtəlif ölkələrdən olan tanınmış musiqiçi-pedaqoqlardan ustad dərsləri alır, birgə konsertlərdə iştirak edirlər. İlk üç ildə layihə Belarusun paytaxtı Minskdə keçirilib, sonra isə akademiyanın təşkili üçün zəngin musiqi ənənələri ilə tanınan Lvov şəhəri seçilib.

   Azərbaycanın Mədəniyyət və Turizm Nazirliyinin dəstəyi ilə budəfəki layihədə gənc musiqiçilər İlham Nəzərov (vokal), Ceyla Seyidova (skripka), Üzeyir Mahmudbəyli (viola) iştirak ediblər. Tələbələr Sergey Edelman (fortepiano), Aleksandr Trostyanski (skripka), Svetlana Nesterenko (vokal), Vitali Astaxov (viola), Aleksey Seleznyov (violonçel) kimi tanınmış müəllimlərin, həmçinin Yuri Başmetin ustad dərslərində iştirak etmək imkanı qazanıblar.

   Fərəhli haldır ki, 11 ölkədən 42 gənc musiqiçinin iştirak etdiyi Akademiyada Azərbaycanın istedadlı gəncləri musiqi ictimaiyyətinin diqqətini cəlb ediblər. Tədbiri işıqlandıran kütləvi informasiya vasitələrində həmyerlilərimizin uğurları barədə məlumat verilir. Ü.Hacıbəyli adına Bakı Musiqi Akademiyasının tələbələri Ceyla SeyidovaÜzeyir Mahmudbəylinin ifaçılıq qabiliyyəti yüksək qiymətləndirilib, onlar Akademiyanın konsertlərində müvəffəqiyyətlə çıxış ediblər.

   Gənc vokalçı İlham Nəzərovun konsertlərdə uğurlu çıxışı xüsusilə böyük əks-səda doğurub. Bas-baritonkontrtenor partiyalarını məharətlə ifa edən vokalçı Lvov Akademiyasının yeni kəşfi adlandırılıb. Azərbaycan Dövlət Akademik OperaBalet Teatrı və "Üns" yaradıcılıq səhnəsinin solisti olan ifaçı hazırda Mədəniyyət və Turizm Nazirliyinin dəstəyi ilə İtaliyanın Ozimo şəhərində D'Arte Lirica Akademiyasında təhsil alır.

 

 

     Mədəniyyət.- 2012.- 17 oktyabr.- S. 3.