“Zirvələrə doğru”

Konsert-müsabiqənin seçim turları sona çatıb

Heydər Əliyev Sarayının təşkil etdiyi “Zirvələrə doğru” konsert-müsabiqənin seçim turları yekunlaşıb. Tanınmış mədəniyyət və incəsənət xadimlərindən ibarət komissiya tərəfindən istedadlı iştirakçılar seçilərək böyük konsert proqramında iştirak etməyə haqq qazanıblar. Onların arasında muğam, xalq və estrada mahnıları, aşıq, bədii qiraət və müxtəlif musiqi alətlərində ifaçılıq bacarığı olan iştirakçılar üstünlük təşkil edir.

Seçim komissiyası Heydər Əliyev Sarayının direktoru, Əməkdar mədəniyyət işçisi Fərhad Babayev, Sarayın baş rejissoru Gülçöhrə Şəfiyeva, əməkdar artistlər Ağacəbrayıl Abbasəliyev, Təyyar Bayramov, Əməkdar incəsənət xadimi, bəstəkar Nailə Mirməmmədli, Əməkdar mədəniyyət işçisi, aşıq Nemət Qasımlı, Azərbaycan Sosial və Müasir Rəqs Assosiasiyasının sədri Əziz Əzizovdan ibarət idi.

Mədəniyyət.- 2013.- 19 aprel.- S. 5.