Qəbələdə beynəlxalq musiqi bayramı yaddaşlarda iz qoydu

Heydər Əliyev Fondunun təşkilatçılığı ilə keçirilən V Qəbələ Beynəlxalq Musiqi Festi-valı iki həftə ərzində müxtəlif ölkələri təmsil edən iştirakçılara və sənət bayramını izləyən çoxsaylı tamaşaçı auditoriyasına unudulmaz anlar bəxş etdi. İyulun 24-dən avqustun 6-dək davam edən festivala 10-dan çox ölkədən məşhur kollektiv və ifaçılar, eləcə də Azərbaycanın tanınmış musiqiçiləri qatılmışdı.

Qaxda səyyar konsert

Beynəlxalq festivalın ənənəsinə uyğun olaraq bu il də konsert proqramlarından biri Qax şəhərində gerçəkləşib. Avqustun 1-də Qax şəhərindəki “İçəribazar” Turizm və Mə-dəniyyət Mərkəzində Üzeyir Hacıbəyli adına Bakı Musiqi Akademiyasının gənclər kame-ra orkestrinin konserti təqdim edilib.

Konsertin fəxri qonaqları arasında festivalın bədii rəhbərlərindən biri, Bakı Musiqi Aka-demiyasının rektoru, Xalq artisti Fərhad Bədəlbəyli, festival iştirakçısı, ABŞ-da yaşayan məşhur pianoçu, BMT yanında Beynəlxalq İncəsənət Akademiyasının fəxri akademiki, professor Oksana Yablonskaya və digər tanınmış musiqiçilər olub.

Konsertdən əvvəl Xalq artisti Fərhad Bədəlbəyli çıxış edərək V Qəbələ Beynəlxalq Musiqi Festivalı barədə məlumat verib, festival çərçivəsində konsertlərdən birinin artıq ikinci ildir ki, Azərbaycanın dilbər guşələrindən olan Qax rayonunda keçirildiyini diqqətə çatdırıb.

Bildirilib ki, 2010-cu ildə yaradılan Bakı Musiqi Akademiyasının gənclər kamera or-kestrinin heyətinə beynəlxalq müsabiqələr laureatları, istedadlı ifaçılar daxildir. Orkestrin bədii rəhbəri Xalq artisti Fərhad Bədəlbəyli, direktoru tanınmış pianoçu, Xalq artisti Ye-ganə Axundovadır. Kollektivin repertuarında Azərbaycan, Qərbi Avropa və rus bəstə-karlarının əsərləri yer alır. Kamera orkestri ilə SSRİ xalq artistləri Fərhad Bədəlbəyli, Fi-dan Qasımova, Azərbaycanın xalq artistləri Xuraman Qasımova, Sərvər Qəniyev, Mu-rad Adıgözəlzadə və digər tanınmış ifaçılar çıxış ediblər. Kollektiv İtaliya, Fransa, Türki-yə, Birləşmiş Ərəb Əmirliklərində və digər ölkələrdə uğurla çıxış edib.

Konsertdə Müslüm Maqomayevin “Azərbaycan”, Soltan Hacıbəyovun “Skerso”, Fikrət Əmirovun “Nizami simfoniyası”, Niyazinin “Arzu”, E.Qriqin “Holberq dövründən” süitası, Ernesto de Kurtisin “Sorentoya qayıt” və digər əsərlər, habelə Azərbaycan xalq mahnı-ları ifa olunub. Solistlər Məhərrəm Hüseynli, Azər Rzazadə, Afaq Abbasova və Nigar Şabanovanın ifaları tamaşaçılar tərəfindən böyük rəğbətlə qarşılanıb.

Dünya şöhrətli orkestr festivala rəng qatdı

V Qəbələ Beynəlxalq Musiqi Festivalında iştirak edən tanınmış kollektivlərdən biri də “Yeni Rusiya” Dövlət Simfonik Orkestri idi. Orkestr avqustun 1-i, 2-si, 4-ü və 5-də rən-garəng konsert proqramları ilə çıxış edib.

Xalq artisti, “Şöhrət” ordenli, Prezident təqaüdçüsü Rauf Abdullayevin dirijorluğu ilə keçirilən ilk konsertdə orkestr Azərbaycan, Rusiya və Avropa bəstəkarlarının əsərlərin-dən parçalar səsləndirib. Konsertdə M.İ.Qlinkanın “Ruslan və Lyudmila” operasından, S.Prokofyevin “Romeo və Cülyetta” baletindən, Q.Qarayevin “Leyli və Məcnun”, A.Məli-kovun “Nağıl” simfonik poemasından parçalar ifa olunub. Dünya şöhrətli kollektiv tama-şaçılara və xarici ölkələrdən Qəbələyə gəlmiş turistlərə unudulmaz gecə bəxş edib.

“Yeni Rusiya” Dövlət Simfonik Orkestrinin avqustun 2-də təqdim edilən konserti də Xalq artisti Rauf Abdullayevin dirijorluğu ilə baş tutub. Proqramda klassik rus və Avropa bəstəkarlarının əsərlərindən parçalar ifa olunub.

Müslüm Maqomayev adına Azərbaycan Dövlət Filarmoniyasının direktoru, Xalq artisti, tanınmış pianoçu Murad Adıgözəlzadə orkestrin müşayiəti ilə Lüdviq van Bethovenin “Eqmont” uvertürasını, eləcə də “Yeddinci simfoniya” və digər əsərlərindən parçaları təqdim edib, gözəl ifası ilə dinləyicilərin qəlbinə yol tapıb.

Avqustun 4-də “Yeni Rusiya” Dövlət Simfonik Orkestrinin növbəti konserti Madrid Döv-lət Uşaq Xorunun bədii rəhbəri Quintas Borjanın dirijorluğu ilə gerçəkləşib. Bu dəfə də proqramda rus və Avropa bəstəkarlarının əsərlərindən parçalar səsləndirilib.

Orkestrin müşayiəti ilə Pyotr Çaykovskinin “Allegro brilliante”, “Andante non broppo”, “Allegro con fuoco”, Paul Dükanın “Sehirbazın şagirdi” əsərləri, eləcə də Moris Ravelin “Dafnis və Xloya” baletindən süita təqdim olunub. Tanınmış rusiyalı pianoçu, ABŞ-dakı Culian Musiqi Akademiyasının professoru Oksana Yablonskayanın gözəl çıxışı alqışlar-la qarşılanıb.

Avqustun 5-də musiqisevərlər “Yeni Rusiya” Dövlət Simfonik Orkestrinin müşayiəti ilə “Atalar və oğullar” adlı konsert proqramını izləyiblər. Orkestrin bədii rəhbəri və baş diri-joru, “Moskva solistləri” kamera ansamblının yaradıcısı, “Qremmi” mükafatı laureatı Yu-ri Başmetin rəhbərliyi ilə keçirilən konsertdə Moris Ravelin “Qaraçı qız”, Pablo Sarasate-nin “Qaraçı nəğmələri”, Corc Bize-Rodion Şedrinin “Karmen süitası” və digər əsərlər səsləndirilib.

Konsertdə müxtəlif nüfuzlu festivalların iştirakçıları və beynəlxalq müsabiqələr laureat-ları - tanınmış pianoçular Nina Koqan, Viktoriya Korçinskaya-Koqan, Kseniya Başmet, skripkaçılar Daniel Milkis və Elvin Qəniyev çıxış ediblər. Konsert tamaşaçılar tərəfindən böyük maraqla qarşılanıb.

Qeyd edək ki, “Yeni Rusiya” Dövlət Simfonik Orkestri 1990-cı ildə yaradılıb. 2010-cu ildə Rusiya Federasiyası Prezidentinin xüsusi mükafatına layiq görülən orkestrin bədii rəhbəri dünya şöhrətli musiqiçi Yuri Başmetdir. Onun rəhbərliyi dövründə orkestrin fəa-liyyətində yeni səhifə açılıb, konsert coğrafiyası və repertuarı genişlənib. Bir çox ölkələr-də konsertlər verən kollektiv məşhur musiqiçilərlə əməkdaşlıq edir.

Litvalı pianoçunun musiqi axşamı

Avqustun 3-də festival çərçivəsində daha bir yaddaqalan konsert proqramı olub. Ka-mera musiqisi axşamında müxtəlif nüfuzlu festivalların iştirakçısı və beynəlxalq müsabi-qələrin laureatı, tanınmış Litva pianoçusu xanım Muza Rubaskite tamaşaçılara klassik Avropa bəstəkarlarının, o cümlədən Lüdviq Van Bethovenin “Sonata”, Ferents Listin “Venesiya və Neapol”, “Danteni oxuyarkən” əsərlərini təqdim edib.

Sankt-Peterburqda pianoçuların beynəlxalq müsabiqəsinin qalibi olmuş Muza Rubas-kite Avropa, ABŞ, Cənubi Amerika, Asiyanın bir çox şəhərlərində konsert proqramları ilə çıxış edib. Ötən əsrin 90-cı illərinin sonlarından tanınmağa başlayan Muza Rubaskite hazırda Litvada müasir caz, piano ifaçılığının ən parlaq simalarından biridir. Dünya şöh-rətli pianoçu indiyədək bir sıra mükafatların laureatı olub. İfaçılıqla yanaşı, Fransanın paytaxtı Parisdə pedaqoji fəaliyyətlə də məşğul olan tanınmış pianoçunun bir sıra məş-hur səsyazma şirkətlərində musiqi albomları işıq üzü görüb.

Gənclərin çıxışı tamaşaçıların qəlbinə yol tapdı

Həmin gün festivalın proqramına uyğun olaraq Üzeyir Hacıbəyli adına Bakı Musiqi Akademiyasının (BMA) gənclər kamera orkestri açıq səhnədə tamaşaçılara maraqlı konsert proqramı təqdim edib.

Almaniyanın Köln Ali Musiqi Məktəbinin tələbəsi, istedadlı gənc musiqiçi Fuad İbrahi-movun dirijorluğu ilə baş tutan konsertdə BMA-nın gənclər kamera orkestri klassik Azər-baycan və Avropa bəstəkarlarının əsərlərindən parçalar səsləndirib.

Konsertdə Vokalçıların Bülbül adına V Beynəlxalq Müsabiqəsinin laureatı Azər Rzaza-də, vokalçı Məhərrəm Hüseynli, Azərbaycan Dövlət Akademik Opera və Balet Teatrının solisti Afaq Abbasova, gənc xanəndə Nigar Şabanova, Əməkdar artist, Prezident müka-fatçısı Sahib Paşazadə çıxış edib.

Orkestrin müşayiəti ilə musiqiçilər Cüzeppe Verdinin “Traviata brindizi”, Edvard Qriqin “Holberq dövründən”, E.de Kurtisin “Sorentoya qayıt”, Andrea Biksionun “Parlami d`A-mor”, Georq Fridrix Hendelin “Passakaliya”, Edvard Elqarın “Salut de Amor”, Astor Pia-zollanın “Fuga misterio”, Fikrət Əmirovun “Nizami” simfoniyası, Soltan Hacıbəyovun “Skerso”, Niyazinin “Arzu”, “Qaytağı”, Fərhad Bədəlbəylinin “Dəniz”, Vasif Adıgözəlovun “Qərənfil”, Müslüm Maqomayevin “Azərbaycan”, Vaqif Mustafazadənin “Mart”, Tofiq Quliyevin “Əziz surət” əsərlərini, eləcə də Azərbaycan xalq mahnılarını təqdim ediblər. Gənclərin çıxışları alqışlarla qarşılanıb.

Sonda Müslüm Maqomayev adına Azərbaycan Dövlət Filarmoniyasının direktoru, Xalq artisti Murad Adıgözəlzadənin ifası tamaşaçılara unudulmaz anlar bəxş edib.

Növbəti kamera musiqisi axşamı

Avqustun 5-də festivalın proqramına uyğun olaraq daha bir kamera musiqisi axşamı keçirilib. Konsertdə nüfuzlu festivalların iştirakçıları və beynəlxalq müsabiqələr laureatla-rı - tanınmış pianoçular Nina Koqan, Viktoriya Korçinskaya-Koqan, Kseniya Başmet, ha-belə skripkaçı Daniel Milkis çıxış edib.

Proqramda klassik Avropa bəstəkarları Klod Debüssinin, Frans Pulenkin fortepiano üçün sonataları, eləcə də Frans Şubertin “Arpeggione” əsərindən parçalar təqdim edilib.

Kamera musiqisi axşamında “Yeni Rusiya” Dövlət Simfonik Orkestrinin bədii rəhbəri və baş dirijoru, “Moskva solistləri” kamera ansamblının qurucusu, “Qremmi” mükafatı-nın sahibi Yuri Başmetin skripkada ifası tamaşaçılara xüsusi zövq verib.

Musiqi bayramından sonsuz təəssüratlar

Festivala xarici ölkələrdən gəlmiş tanınmış musiqiçilər və musiqi bayramını izləyən əc-nəbi turistlər Heydər Əliyev Fondunun möhtəşəm mədəniyyət layihəsini yüksək qiymət-ləndirərək ürək sözlərini jurnalistlərlə bölüşüblər.

“Bu mənim Azərbaycana ilk səfərimdir. Qəbələ Beynəlxalq Musiqi Festivalı haqqında eşitdim və bir tamaşaçı olaraq bu festivalı yaxından izləmək istədim. Konsertlərdən bö-yük zövq aldım. Qədim Qəbələ qalası qeyri-adi, gözəl və əsrarəngiz məkanlardan biri-dir. Xalçalarınız gözəldir. Hətta xalçalara olan marağım məni onların istehsal edildiyi müəssisəyə baş çəkməyə məcbur etdi. Bakıda xalça muzeyinə baş çəkdim. Bu ecazkar məkana bir daha məmnuniyyətlə səfər edəcəyəm” - festivalı izləmək üçün Niderland Krallığından gəlmiş turist Aliset Vinderlund təəssüratını belə ifadə edib.

“Bakıya gəldikdən sonra ölkənizə səfərimin müddətini daha bir həftə uzatdım. Bu gün Qəbələyə gəldim. Gözəl atmosfer, təmiz hava, təbiət, meşə insana fərqli təsir bağışla-yır. Bu füsunkar ərazilərə yenidən səyahət etmək istərdim. Burada musiqi insanı məx-susi cəlb edir. Açıq hava konsertləri, Yerusəlim Simfonik Orkestri və digər musiqiçilərin ifasına heyran qaldım. Tanınmış pianoçu İdil Biretin təqdim etdiyi konsert isə həqiqətən möhtəşəm idi” - bu isə Niderlanddan gəlmiş başqa bir turistin - Vim Vanderlindenin ürək sözləridir.

“Azərbaycan xalqının musiqi duyumu və qonaqpərvərliyi çox yüksəkdir. Əminəm ki, növbəti illərdə Qəbələ festivalını izləmək üçün dünyanın hər yerindən daha çox turist bu ecazkar məkana axışacaqdır”, - deyə festivalın iştirakçısı, “Yeni Rusiya” orkestrinin di-rektoru Robert Buşkov bildirib. Beynəlxalq festivalın paytaxtdan kənarda keçirilməsini yüksək qiymətləndirən qonaq incəsənət bayramında müxtəlif mədəniyyətlərin yüksək səviyyədə təmsil olunduğunu xüsusilə vurğulayıb: “Festivala ustad sənətkarlarla yanaşı yerli və xarici gənc musiqiçilərin də cəlb olunması onların gələcək karyerası üçün çox vacibdir”.

“Qəbələ Şərq və Qərb musiqisinin ahəngdarlığını birləşdirən böyük mədəniyyət mər-kəzinə çevrilir” - bu sözləri isə Qnesinlər adına Rusiya Musiqi Akademiyasının dosenti, tanınmış dirijor Aleksandr Solovyov deyib. Festivalın ərsəyə gəlməsində Heydər Əliyev Fondunun xidmətlərini yüksək qiymətləndirən tanınmış rusiyalı dirijor bu layihənin Azər-baycan mədəniyyətinin təbliği üçün ən yaxşı fürsət olduğunu bildirib.

“Azərbaycanda özümü vətənimdəki kimi hiss edirəm. Adətən mən xarici səfərlərdə özümü qərib sayıram və çox tez bir zamanda geri qayıtmaq istəyirəm. Qəbələ isə mənə çox fərqli təsir bağışladı. Belə gözəl təbiətin qoynunda təşkil edilən möhtəşəm festivala görə Heydər Əliyev Fonduna təşəkkür edirəm” - “Yeni Rusiya” simfonik orkestrinin üzvü Yekaterina Qubkova təəssüratını belə ifadə edib.

“Qəbələ festivalı tamaşaçıların qəlbində silinməz iz buraxacaq. Bu gözəl məkanın in-sanları çox səmimi, qonaqpərvərdirlər. Sizin musiqiçilərlə tanış oldum, yeni dostlar qa-zandım. Qəbələyə ilk gəlişimdir və bu günləri heç vaxt unutmayacağam. Gözəl təbiəti olan Qəbələdə klassik musiqi insanda xoş ovqat yaradır. Qəbələ festivalına uzun illər və daha böyük uğurlar arzu edirəm” - bu isə beynəlxalq müsabiqələr laureatı, tanınmış lit-valı pianoçu xanım Muza Rubatskitenin ürək sözləridir.

Mədəniyyət.- 2013.- 7 avqust.- S. 8; 9.