Sloveniyada Gəncənin təqdimatı

Avqustun 17-dən 28-dək Sloveniyanın Gorenje pri Zrecah şəhərində keçirilmiş “İntercultural sports Youth Exchange” adlı beynəlxalq tədbir çərçivəsində “Odlar Yurdu” Gənclər İctimai Birliyinin təşkilatçılığı ilə “Gəncə Avropa Gənclər Paytaxtı-2016” mövzusunda təqdimat mərasimi keçirilib.

Mərasimdə Azərbaycan və Gəncə, ümumən müsabiqə haqqında ətraflı məlumat verilib və film nümayiş olunub. Tədbirdə Azərbaycanla yanaşı, Türkiyə, Sloveniya, Gürcüstan, Norveç və Belarusdan ümumilikdə 60 gənc iştirak edib.

“İntercultural sports Youth Exchange” beynəlxalq tədbirinin rəsmi tərəfdaşlarından biri “Odlar Yurdu” Gənclər İctimai Birliyidir. Azərbaycanın 5 nəfərlik nümayəndə heyəti ilə təmsil olunduğu layihənin keçirilməsində əsas məqsəd gənclər arasında sağlam həyat tərzinin təbliği, asudə vaxtın səmərəli təşkilinə dair maarifləndirmə və gənclərin yeni vərdişlərə yiyələnmələrinə yardım etməkdir.

Mədəniyyət.- 2013.- 30 avqust.- S. 4.