“Mən Azərbaycan haqqında nə bilirəm?”

Müsabiqənin qalibi olmuş koreyalı və holland tələbələr ölkəmizə səfər ediblər

Azərbaycan Diplomatik Akademiyasında (ADA) Koreya Respublikasının və Niderland Krallığının müxtəlif universitet və məktəblərinin tələbə və şagirdləri ilə görüş keçirilib. Akademiyanın icraçı prorektoru Fariz İsmayılzadə ali təhsil ocağının Koreya və Niderland universitetləri ilə əlaqələrindən danışıb. Qonaqlara ölkəmizin geosiyasi vəziyyəti, keçdiyi inkişaf yolu barədə məlumat verilib.

Qeyd edək ki, ADA-nın qonaqları 2010-cu ildə başlanan “Mən Azərbaycan haqqında nə bilirəm?” inşa müsabiqəsinin qalibləridir. Bu layihənin məqsədi gəncləri Azərbaycan haqqında məlumatlandırmaq, tələbələri və gənc elm xadimlərini ölkəmizi daha yaxından tanıtmaq və respublikamız barədə elmi-tədqiqat fəaliyyətinə həvəsləndirməkdir.

Mədəniyyət.- 2013.- 30 avqust.- S. 13.