Amerika qəzetində Füzuli, Cəbrayıl və Qubadlının işğalı haqqında məqalə dərc edilib

ABŞ-ın Alyaska ştatının əsas qəzeti sayılan “Anchorage Daily News” nəşrinin 25 avqust tarixli nömrəsində ştatın azərbaycanlı icmasının üzvü Cəmilə Skivin (Adışovanın) “Bu həftə Ermənistan tərəfindən etnik azərbaycanlıların öz doğma torpaqlarından qovulmasının ildönümü qeyd edilir” sərlövhəli məqalə-müraciəti dərc olunub.

ABŞ Azərbaycanlılar Şəbəkəsi kampaniyasına göndərilmiş müraciətdə 1993-cü il avqustun 23-dən 31-dək Azərbaycanın Füzuli, Cəbrayıl və Qubadlı rayonlarının işğal edilməsindən, BMT Təhlükəsizlik Şurası tərəfindən Ermənistanın işğalçı hərəkətlərini pisləyən və işğalçı qoşunların Azərbaycan ərazisindən çıxarılmasını tələb edən 874 nömrəli qətnaməsinin qəbul olunmasından bəhs edilir. Məqalədə həmin rayonlardan qovulmuş azərbaycanlıların sayı barədə ətraflı məlumat verilir. Göstərilir ki, işğal nəticəsində bu üç rayondan 157 min sakin məcburi köçkün vəziyyətinə düşüb.

Mədəniyyət.- 2013.- 30 avqust.- S. 14.