Milli Kitabxanada sərgi

Dekabrın 12-də M.F.Axundzadə adına Azərbaycan Milli Kitabxanasında ümummilli lider Heydər Əliyevin xatirəsini anma günü münasibətilə sərgi açılıb.

Mərasimdə kitabxananın direktoru Kərim Tahirov ümummilli liderin həyat və fəaliyyətindən, uzaqgörənliyindən, müdrik siyasətçi və dahi şəxsiyyət olmasından, cəmiyyət həyatının bütün sahələrinə, o cümlədən mədəniyyətə, kitabxanaya göstərdiyi böyük diqqət və qayğıdan danışıb.

Tədbir iştirakçıları dahi liderin həyat və fəaliyyətini geniş əks etdirən kitab sərgisi ilə tanış olublar. Sərgidə Azərbaycan, rus, türk, Ukrayna və ingilis dillərində nəşrlər yer alıb.

Mədəniyyət.- 2013.- 13 dekabr.- S. 3.