“Bakıdan Şəkiyədək Qafqaz sərvətləri”

İtaliyanın Florensiya şəhərində Azərbaycana həsr olunmuş “Bakıdan Şəkiyədək Qafqaz sərvətləri” (“Fasti caucasici da Baku a Sheki”) kitabının təqdimatı keçirilib. Tədbir “Club İnternational des Grandes Voyageurs” klubu və “Resorts Magazine” jurnalı tərəfindən təşkil olunub.

Klubun İtaliya üzrə vitse-prezidenti Ovidio Guaiatanın və jurnalist Elza Bozzaotranın həmmüəllifləri olduqları kitabda Şərq və Qərb arasında körpü rolunu oynayan, qədim və zəngin mədəni irsə malik Azərbaycandan bəhs edilir. Nəşrdə Bakının və Şəkinin tarixi abidələri, görməli yerləri, paytaxtımızda yeni inşa olunan müasir memarlıq nümunələri ilə bağlı məlumat verilir.

Tədbirdə çıxış edən Azərbaycanın İtaliyadakı səfirliyinin əməkdaşı Aytən Abuşova ölkələrimiz arasında mədəni əlaqələrdən danışaraq bildirib ki, “Bakıdan Şəkiyədək Qafqaz sərvətləri” kitabı bu münasibətlərin inkişafına töhfə verəcək. İtaliyalı oxucular nəşr vasitəsilə ölkəmizi daha yaxından tanımaq imkanı əldə edəcəklər.

Mədəniyyət.- 2013.- 18 dekabr.- S. 10.