“Kukla” art qalereyasında Yeni il kolleksiyası

Dekabrın 20-də Bakıdakı “Kukla” art qalereyasında Yeni il kolleksiyasının təqdimatı olacaq. “Mələklərin zamanı” adlı sərgi yanvarın 13-dək davam edəcək. Qeyd edək ki, 2013-cü ilin aprelində Cənubi Qafqazda ilk dəfə Bakıda fəaliyyətə başlayan “Kukla” art qalereyasının əsas vəzifəsi Azərbaycan və xarici ölkə tamaşaçılarını kukla sənəti sahəsində çağdaş bədii proseslərlə tanış etməkdir. Bu sahədə kompleks tədbirlərə beynəlxalq və fərdi sərgilərin təşkili, ən yaxşı Avropa və yerli sənət ustalarının ekspozisiya mübadiləsi, profilli müəllif layihələrinin işlənilməsi, müsabiqə və ustad dərslərinin keçirilməsi daxildir. Qalereya Yusuf Məmmədəliyev küçəsi 22a ünvanında yerləşir.

Mədəniyyət.- 2013.- 20 dekabr.- S. 3.