Qusarda kitabxanalar elektronlaşdırılır

Azərbaycanda 2013-cü ilin “İnformasiya-kommunikasiya texnologiyaları ili” elan olunması ilə əlaqədar Qusar rayonunun kitabxanalarında elektronlaşdırma işləri sürətlənib. Artıq Qusar Rayon Mərkəzləşdirilmiş Kitabxana Sisteminin (MKS) 10 kənd filialında kompyuter və internet şəbəkəsi quraşdırılıb. MKS-nin direktoru Zahir Mustafayev bildirib ki, kitabxana filiallarında multimedia mütəxəssisinin fəaliyyəti də təmin edilib. Artıq iki ildir ki, rayon MKS-nin veb-saytı fəaliyyət göstərir. İndiyədək həmin ünvanda 2700 virtual oxucu qeydiyyatdan keçib. Ümumilikdə 46 filialı olan rayon MKS-nin 306 minə yaxın kitab fondu, 30 mindən çox oxucusu var.

Mədəniyyət.- 2013.- 13 fevral.- S. 13.