Çövkən filmi mükafata layiq görülüb

 

İyunun 29-dan iyulun 2-dək Serbiyanın Zlatibor şəhərində beynəlxalq idman filmləri festivalı keçirilib. Azərbaycanın Serbiyadakı səfirliyindən bildiriblər ki, bu il ikinci dəfə keçirilən festivalda 18 ölkədən ekran əsərləri nümayiş etdirilib.

Münsiflər heyətinin qərarına əsasən Azərbaycan rejissoru Rafiq Quliyevin Çövkən filmi festivalın birinci mükafatına layiq görülüb. Filmin nümayişindən sonra mükafat və diplom Azərbaycanın Serbiyadakı səfirliyinin əməkdaşına təqdim edilib.

 

Mədəniyyət.- 2013.- 10 iyul.- S. 5.