“Qarabağ və sülh naminə səs verin”

Azərbaycanlı gənclər Moskvada kampaniya həyata keçiriblər

Xaricdə Təhsil Alan və Məzun Olmuş Azərbaycanlı Gənclərin Beynəlxalq Forumu (ASAIF) bu ilin may ayından başladığı “Qarabağ və sülh naminə səs verin” kampaniyası çərçivəsində indiyədək 17 ölkədə insanları sülhə və birliyə çağıran tədbirlər təşkil edib. Kampaniyanın əsas məqsədi beynəlxalq təşkilatların diqqətini Ermənistan-Azərbaycan, Dağlıq Qarabağ münaqişəsinin günahsız qurbanlarına yönəltmək və bu qurumları məcburi şəkildə evlərindən didərgin salınmış minlərlə insanın taleyi barədə düşünməyə vadar etməkdir.

Növbəti tədbir Rusiyanın paytaxtı Moskvanın mərkəzi küçələrindən birində keçirilib. Azərbaycanın Ağdam rayonunun erməni silahlı birləşmələri tərəfindən işğal olunmasının (23 iyul 1993-cü il) 20-ci ildönümü ilə əlaqədar keçirilən tədbirdə tələbələrimiz Qarabağ, sülh və ədalət üçün öz haqq səslərini dünyaya çatdırıblar.

“Qarabağ və sülh naminə səs verin” kampaniyasında hər kəs iştirak edə bilər. Daha ətraflı məlumatı www.voicesforkarabakh.com internet səhifəsindən almaq olar.

Mədəniyyət.- 2013.- 26 iyul.- S. 15.