“Sülh kuboku” bilik yarışması

İyunun 5-6-da Azərbaycanlı Tələbələrin İnkişaf Koalisiyası (CASE) və “Biz İnkişaf Zamanındayıq” (BİZ) İctimai Birliyinin təşkilatçılığı, Azərbaycan Gənclər Fondu, Prezident yanında QHT-lərə Dövlət Dəstəyi Şurası, ABŞ-ın ölkəmizdəki səfirliyinin, “Altro” agentliyi və “Nar Mobile” şirkətinin dəstəyi ilə “Sülh kuboku” adlı bilik yarışması keçirilib. Respublikanın 9 bölgəsindən olan məktəblilər və amerikalı sülhməramlı korpus könüllüləri arasında Azərbaycan və ingilis dillərində gerçəkləşən bilik yarışmasının sualları Azərbaycan və ABŞ mədəniyyəti, tarixi, coğrafiyası və ölkələrarası münasibətləri əhatə edirdi. Müsabiqənin nəticələrinə görə, I yeri Şəki, II və III yerləri Tovuz və Siyəzən komandaları tutub. Mükafatlandırma mərasimində çıxış edən ABŞ-ın Azərbaycandakı səfirinin xanımı Faith Morninqstar bu cür layihələrin ölkələrarası münasibətlərə töhfə verdiyini bildirib.

Mədəniyyət.- 2013.- 12 iyun.- S. 12.