“Qazi Mustafa Kamalın dostu İbrahim Əbilov”

Azərbaycan Milli Elmlər Akademiyası Naxçıvan Bölməsinin İncəsənət, Dil və Ədəbiyyat İnstitutunun direktoru Əbülfəz Quliyev və yazıçı-jurnalist Akif Axundovun “Qazi Mustafa Kamalın dostu İbrahim Əbilov” kitabı doktor Yusif Gedikli tərəfindən türk dilinə tərcümə edilib. Qardaş ölkənin Mədəniyyət və Turizm Nazirliyinin nəşriyyatında çapdan çıxan kitabda Türkiyə Cümhuriyyətinin banisi Mustafa Kamal Atatürkün yaxın dostu və 1921-1922-ci illərdə Azərbaycan SSR-in Ankarada səfiri işləmiş İbrahim Əbilovun (1881-1923) həyatından, Türkiyədəki fəaliyyətindən bəhs edir.

Nəşrdə İbrahim Əbilov və ona yaxından dəstək olan Nəriman Nərimanov, Kazım Qarabəkir Paşa, Abasqulu bəy Şadlınski, Behbud ağa Şahtaxtinski, Məhəmmədağa Şahtaxtinski, habelə Hüseyn Cavid, Mirzə Ələkbər Sabir, Cəlil Məmmədquluzadə və digərləri haqqında məlumatlar toplanıb.

Mədəniyyət.- 2013.- 14 iyun.- S. 15.