“Dünyanı dəyişən alimlər”

Milli Məclisin deputatı Qənirə Paşayevanın “Dünyanı dəyişən alimlər” silsiləsindən birinci kitabı işıq üzü görüb. “Avrasiya Beynəlxalq Araşdırmalar İnstitutu” İctimai Birliyi və “Nar Mobile”nin dəstəyi ilə “Elm və təhsil” nəşriyyatında nəfis tərtibatla çapdan çıxan kitab uşaqlara, yeniyetmə və gənclərə, ümumən elmlə, təhsillə maraqlanan bütün Azərbaycan oxucularına bir töhfədir.

Kitabın məsləhətçiləri professorlar Hamlet İsaxanlı və Qəzənfər Paşayev, redaktorları Əkbər Qoşalı və Sərvaz Hüseynovdur.

Nəşrdə öz yenilikləri və ixtiraları ilə dünyanı dəyişən, bəşər tarixində silinməz iz qoymuş alimlərin həyat hekayələri yer alıb. Kitab müəllif tərəfindən respublikanın aparıcı kitabxanalarına, böyük elm, təhsil və mədəniyyət müəssisələrinə, habelə Gənclər evlərinə, böyük məktəblərin kitabxanalarına hədiyyə olunacaq.

Mədəniyyət.- 2013.- 7 iyun.- S. 12.