Yaddaşları
oyadıb, Haqqa tapındırdı muğam...
“Muğam aləmi”
beynəlxalq festivalı çərçivəsində
bölgələrimizdə keçirilən konsert
proqramları mədəni irsimizin ən layiqli təqdimatıdır
Heydər Əliyev Fondu, Mədəniyyət və Turizm Nazirliyi və Azərbaycan
Bəstəkarlar İttifaqının birgə təşkilatçılığı
ilə keçirilən “Muğam aləmi”
III Beynəlxalq Muğam Festivalı
çərçivəsində paytaxt
Bakı ilə yanaşı, regionlarda da tədbirlər, konsert
proqramları davam edir.
Gəncə, Lənkəran, Şamaxı, Ağstafa,
Şirvan, Qəbələ, Ağcabədidə
təşkil olunan festival
konsertləri yerli sənətsevərlər
tərəfindən rəğbətlə
qarşılanır.
Azərbaycanın
musiqiçiləri və müxtəlif ölkələrdən
gəlmiş iştirakçıların
qatıldığı bu tədbirlər
mədəni irsimizin, zəngin muğam sənətimizin təbliği ilə
yanaşı, mədəniyyətlərarası dialoqa xidmət edir. Şəhər
və rayonlarda gerçəkləşən
konsert proqramları eyni
zamanda bölgələrimizdəki
inkişafı, yerlərdə ən müxtəlif mədəniyyət
tədbirlərinin təşkili üçün
lazımi şəraitin, infrastrukturun
yaradılmasını göstərir, regionlarımızı əcnəbi
qonaqlara tanıdır.
* * *
Beynəlxalq festival çərçivəsində konsert proqramlarının bir qismi qədim Gəncədə keçirilir. Martın 12-də Gəncə Dövlət Dram Teatrında tamaşaçılara Üzeyir Hacıbəylinin “Leyli və Məcnun” operasının konsert ifası və Çin Xalq Respublikasının “Gözəl qızlar” ansamblının ifasında “Özhal mukami” təqdim olunub.
Konsertdən əvvəl Azərbaycan Dövlət Akademik Opera və Balet Teatrının baş rejissoru, Əməkdar incəsənət xadimi Hafiz Quliyev çıxış edərək beynəlxalq festivalın milli-mənəvi dəyərlərimizin dünyada tanınmasında əhəmiyyətindən və bu sahədə Azərbaycanın birinci xanımı, Heydər Əliyev Fondunun prezidenti Mehriban Əliyevanın əvəzolunmaz xidmətlərindən danışıb.
Sonra Teymur Göyçayevin dirijorluğu və Qara Qarayev adına Azərbaycan Dövlət Kamera Orkestrinin müşayiəti ilə “Leyli və Məcnun” operasından parçalar səsləndirilib. Məcnun rolunun ifaçısı İlkin Əhmədovun və Leyli rolunun ifaçısı Vüsalə Musayevanın çıxışları, eləcə də Çin Xalq Respublikasının “Özhal mukami” ansamblının ifasında səslənən mahnılar alqışlarla qarşılanıb.
Martın 13-də
Gəncədə musiqisevərlərə daha
bir konsert təqdim olunub. Z.Qayıbov adına 5
saylı şəhər musiqi məktəbinin
zalında “Ustaddan şagirdə” muğam məclisi gerçəkləşib.
4 və 5 saylı uşaq musiqi
məktəblərinin, Q.Hüseynli
adına Gəncə musiqi kollecinin
muğam şöbələrinin müəllim
və şagirdlərinin konserti maraqla qarşılanıb.
* * *
Martın 12-də
Qəbələdə də
festival konsertlərinə start verilib. “Qafqaz sport” hotelində mədəniyyət
işçilərinin, muğamsevərlərin
və ictimaiyyət nümayəndələrinin iştirakı
ilə keçirilən
mərasimdə Mədəniyyətşünaslıq
üzrə Elmi-Metodik
Mərkəzin təhsil
şöbəsinin müdiri
Natiq Mustafayev, Qəbələ Rayon İcra
Hakimiyyəti başçısının
müavini Ətayə
Osmanova çıxış
edərək ölkəmizin
üçüncü dəfə
ev sahibliyi etdiyi beynəlxalq festivalın əhəmiyyətini
qeyd ediblər.
Konsertdə rayonun xanəndələri
Natiq Cəfərov “Simayi-şəms”, Asim Əliyev “Segah zabul”, Hacıbaba Abdurrahmanov “Arazbarı”, Ceyhun Mehdiyev “Heyratı” muğamlarını
ifa ediblər. Xanəndələri tarda Elman Əfəndiyev,
kamançada Xəqani
Abdulsalamov, nağarada
Ceyhun Hümbətov müşayiət edib.
Musiqiçilərin çıxışı alqışlarla qarşılanıb.
Martın 15-də Qəbələ şəhər 2 saylı
orta məktəbin akt zalında “Ustaddan şagirdə” muğam məclisi təqdim olunacaq. Konsertdə şəhər uşaq musiqi məktəblərinin
muğam şöbələrinin
müəllim və şagirdləri çıxış
edəcək.
* * *
Martın 12-də Lənkəran şəhərindəki Heydər
Əliyev Mərkəzində
də beynəlxalq
festival çərçivəsində “Ustaddan şagirdə” muğam məclisi keçirilib. Konsertdə
Lənkəran şəhərindəki
Cəfər Cabbarlı
və Həqiqət Rzayeva adına
uşaq musiqi məktəblərinin muğam
şöbələrinin müəllim
və şagirdlərinin
ifasında Azərbaycan
muğamları səslənib.
Müslüm Ağayev,
İmanverdi Ağayev,
Mirisa Qəhrəmanov,
Yeganə Şabanova, Məleykə Mirzəyeva və Güldəstə Niftullazadənin birgə ifasında “Şahnaz” dəsgahı, İmanverdi
Ağayevin ifasında
“Heyratı”, Yeganə
Şabanova, Məleykə
Mirzəyeva, İmanverdi
Ağayev, Güldəstə
Niftullazadə, Müslüm
Ağayev və Mirisa Qəhrəmanovun birgə ifasında “Simayi-şəms” zərb muğamları təqdim olunub. Respublika muğam müsabiqəsinin
diplomantı Elçin
Hətəmlinin tarda
“Orta mahur” muğamı, İbrahim Nəsirlinin tarda “Çahargah” muğamı,
Müslüm Ağayevin
ifasında Xalq artisti Əlibaba Məmmədovun “Mənim Azərbaycanım” mahnısı
məclisə əlavə
rəng qatıb.
Martın 17-də Lənkəranda yerli musiqiçilərin iştirakı ilə beynəlxalq festivalın bağlanış konserti olacaq.
* * *
Martın 13-də Ağstafa şəhərindəki Heydər
Əliyev Muzey-Mərkəzində
beynəlxalq festival çərçivəsində
növbəti tədbir
keçirilib. Tədbirdə
Ağstafa Rayon İcra
Hakimiyyəti başçısının
müavini Ramiz Tatarov çıxış
edərək ölkəmizdə
milli-mənəvi dəyərlərimizin
qorunmasında və muğam sənətinin inkişafında Azərbaycanın
birinci xanımı, Heydər Əliyev Fondunun prezidenti Mehriban Əliyevanın müstəsna xidmətlərindən
danışıb, rayonda
bu cür möhtəşəm tədbirin
keçirilməsi münasibətilə
bütün sakinləri
təbrik edib.
Konsert proqramında əvvəlcə
Çinin qadınlardan
ibarət “Beautiful girls\" (“Gözəl qızlar”) qrupu çıxış
edib. Çinli qonaqların təqdim
etdikləri milli muğam nümunələri
tamaşaçıların böyük maraq və alqışlarına
səbəb olub.
Sonra Azərbaycanın tanınmış incəsənət
nümayəndələri - Əməkdar artist Almaz Orucova və istedadlı xanəndə Ehtiram Hüseynovun ifalarında təqdim edilən milli muğamlarımız zalda
əyləşən hər
bir tamaşaçının
zövqünü oxşayıb.
Tədbir sona çatdıqdan
sonra tamaşaçılar
festival iştirakçıları ilə xatirə şəkilləri çəkdiriblər.
Martın 17-də
Ağstafada festivalın
bağlanışı münasibətilə
H.Arif adına
uşaq musiqi məktəbinin muğam şöbəsinin müəllim
və şagirdlərinin
“Ustaddan şagirdə”
muğam konserti olacaq.
* * *
Martın 14-də Şamaxı Mədəniyyət Mərkəzində
beynəlxalq festival çərçivəsində
konsert təqdim olunub. Dinləyicilər Əməkdar artist Gülyaz Məmmədovanın
və Respublika muğam müsabiqəsinin
laureatı Kəmalə
Nəbiyevanın ifalarında
“Mahur Hindi” muğamının
ecazkar sehrinə düşüblər. Muğam
ifaçılarını tarda
Mehman Mikayılov, kamançada Cahandar Mikayılov, balabanda Adil Mansurov, udda Seyran Əmrahov,
nağarada Cavidan Nəbiyev müşayiət
ediblər.
* * *
Beynəlxalq festival çərçivəsində
daha bir konsert proqramı Füzuli rayonunun Horadiz şəhərindəki
Muğam Mərkəzində
təqdim olunub. Konsertdə Füzuli Rayon Mədəniyyət və
Turizm Şöbəsinin
“Zabul” instrumental ansamblının
ifasında “Rast”, “Heyratı” muğamları,
“Mirzəhüseyn”, “Zabul”
segahları və təsniflər səsləndirilib.
Nizami Abdullayev, Mətləb Mirzəyev, Rauf Qələndərov, Cavid Əliyev və başqalarının ifa etdikləri muğam və təsniflər alqışlarla qarşılanıb.
* * *
Martın 15-də festivalın proqramına uyğun olaraq Qəbələ və Şirvanda, ayın 16-da Naxçıvanda
konsertlər nəzərdə
tutulub. Bölgələrdə festival konsertlərinə martın 17-də yekun vurulacaq.
Mədəniyyət.-
2013.- 15 mart.- S. 8.