San-Remo müsabiqəsindən Qran-pri mükafatı ilə

 

Azərbaycanın gənc vokalçısı, Prezident təqaüdçüsü Yasin Həsənov İtaliyada keçirilmiş San-Remo müsabiqəsində uğurla çıxış edib. İfaçı bu barədə aprelin 30-da keçirdiyi mətbuat konfransında məlumat verib.

İtaliya, Fransa, Rusiya, Malta, Ukrayna başqa ölkələrdən 300 uşağın iştirak etdiyi bu festivalda Azərbaycanı ilk dəfə olaraq Tofiq Quliyev adına 11 illik musiqi məktəbinin şagirdi, 13 yaşlı Yasin Həsənov təmsil edib. Müsabiqədə Qranada adlı ispan mahnısını ifa edən müğənni Qran-pri mükafatına layiq görülüb.

Müğənninin anası Rəna Həsənova vokal müəllimi Solmaz Yolçuqızı gənc vokalçının festivalda iştirakına göstərdiyi dəstəyə görə Gənclər İdman Nazirliyinə təşəkkürlərini bildiriblər.

Əfsanəvi musiqiçi Müslüm Maqomayevin davamçısı olmağı qarşısına məqsəd qoyan Yasin Həsənov beynəlxalq müsabiqələrdə ölkəmizi bundan sonra da şərəflə təmsil edəcəyini bildirib.

 

 

Mədəniyyət.- 2013.- 1 may.- S. 3.