Dahi rəhbərə sonsuz ehtiramla

Mərdəkan mədəniyyət sarayında Bakı Şəhər Mədəniyyət və Turizm İdarəsinin təşkilatçılığı ilə Xəzər rayonunun mədəniyyət müəssisələri tərəfindən ulu öndər Heydər Əliyevin 90 illik yubileyinə həsr olunmuş tədbir keçirilib.

İdarədən bildiriblər ki, tədbir iştirakçıları əvvəlcə ulu öndərin Mərdəkan qəsəbəsindəki abidəsini ziyarət edib, önünə əklil qoyublar.

Sonra qonaqlar sarayın foyesində Heydər Əliyevin həyat və fəaliyyətini əks etdirən kitab sərgisi və fotostendlə tanış olublar. Tədbirdə dahi şəxsiyyətin həyat və fəaliyyətindən bəhs edən film nümayiş olunub.

Ədəbi-bədii gecədə Xəzər rayonundakı 4, 14, 17 nömrəli uşaq və 24 nömrəli 11 illik musiqi məktəblərinin şagirdləri və tanınmış müğənnilər çıxış ediblər.

Mədəniyyət.- 2013.- 1 may.- S. 4.