Regionlarda turizm məhsulunun hazırlanması perspektivləri

 

Turizm İnstitutunda bu mövzuda keçirilən treninqlər başa çatdı

Aprelin 26-da Azərbaycan Turizm İnstitutunda rayon (şəhər) mədəniyyət turizm şöbələrinin (idarələrinin) müdirləri turizm informasiya mərkəzlərinin rəhbərləri üçün təşkil olunan seminar-treninqlərin yekun tədbiri keçirildi. Regionlarda turizm məhsulunun hazırlanması perspektivləri adlı seminar-treninqlər Mədəniyyət Turizm Nazirliyinin təşkilatçılığı ilə gerçəkləşib.

Nazirliyin Turizm şöbəsinin müdiri Aydın İsmiyev bildirdi ki, treninqlərin birinci mərhələsi bu il fevralın 4-dən 8-dək reallaşıb. Turizm siyasəti, planlaşdırılması idarəçiliyi adlı seminarda 25 rayonun mədəniyyət turizm şöbəsinin müdiri 6 regional turizm informasiya mərkəzinin direktoru iştirak edib: Azərbaycan dövləti regionlarda turizmin inkişafına çox böyük önəm verir. Bu, Mədəniyyət Turizm Nazirliyinin fəaliyyətinin prioritet istiqamətlərindən biridir. Bakıda regionlarda yeni infrastruktur layihələri həyata keçirilir, beynəlxalq şəbəkəyə daxil olan hotellər turizm obyektləri açılır. Bu istiqamətdə inkişafa nail olmaq üçün rayon mədəniyyət turizm şöbələrinin üzərinə böyük düşür. Təəssüflər olsun ki, şöbələr bir çox hallarda öz işlərini təkcə mədəniyyət sahəsində fəaliyyət göstərməklə bitmiş hesab edir. Amma onlar eyni zamanda turizm sahəsində baş verən yenilikləri tətbiq etməyi bacarmalıdır. Mədəniyyət turizm şöbələri regionlarda mədəniyyət müəssisələrinin turizm firmaları ilə yaxın əməkdaşlıq etməsinə nail olmalıdır.

ATİ-nin rektoru Cəfər Cəfərov deyilənlərə əlavə olaraq bildirdi ki, Mədəniyyət Turizm Nazirliyi Azərbaycanda hər iki sahənin inkişafına cavabdeh bir qurum olduğu üçün rayon şöbələri bu sahələrin bir-biri ilə əlaqəli fəaliyyətini təmin etməlidir: İnkişaf etmiş ölkələrin təhsil mütəxəssislərinin araşdırmaları da göstərir ki, ilk tədris ilində tələbələrə verilən təhsil sonrakı illərdə artıq köhnəlir. Demək istədiyim odur ki, hansı sahədə fəaliyyət göstərməyimizdən asılı olmayaraq biliklərimizi vaxtaşırı olaraq yeniləməliyik. Çünki elm, texnika inkişaf edir. Yeni informasiya-kommunikasiya vasitələri insanların istifadəsinə verilir. Biz bunlardan istifadə etməyi bacarmalıyıq.

Rektor bildirdi ki, indiyədək keçirilən seminarlar dövlətin turizm siyasəti, Dünya Turizm Təşkilatının Azərbaycanla əməkdaşlığı, ölkəmizin iqtisadiyyatında turizmin yeri rolu, regionların inkişafına turizmin təsiri, turizm-rekreasiya zonalarının yaradılması, bununla bağlı qarşıda duran vəzifələr, ölkəmizdəki ayrı-ayrı turizm məkanlarının marketinqi, dünyada reklam olunması, kənd-yaşıl turizminin inkişaf yolları s. mövzuları əhatə edib: Növbəti mərhələdə təlimlər təkmilləşmə kursları ilə əvəz olunacaq. Turizm sahəsində baş verən yenilikləri bu kurslar vasitəsilə mədəniyyət turizm şöbələrinə çatdırmağa çalışacağıq.

Sonra iştirakçılara kurslarda iştirak etmələri ilə bağlı Mədəniyyət Turizm Nazirliyinin Azərbaycan Turizm İnstitutunun birgə sertifikatları təqdim olundu. Sertifikat alan 27 nəfərdən 21-i mədəniyyət turizm şöbəsinin, 6 nəfər isə turizm-informasiya mərkəzinin müdiridir.

* * *

Seminarla bağlı mütəxəssis iştirakçı rəyini öyrəndik. Azərbaycan Turizm İnstitutunun Təlim Mərkəzinin metodisti Fikriyyə Quliyeva əvvəlki treninqdən fərqli olaraq bu dəfə bir qədər fərqli format seçdiklərini bildirdi. Onun sözlərinə görə, iştirakçıların istəyini nəzərə alaraq treninqləri həm auditoriyada, həm əyani şəkildə davam etdiriblər: Məsələn, tarixi-mədəni turizm mövzusunda keçirilən təlimlərdə iştirakçıların Qala etnoqrafik muzey-kompleksinə, "Atəşgah məbədi" Tarix-Memarlıq Qoruğuna səfərləri təşkil olundu. Hotellərdə standartlaşma sertifikatlaşma mövzusu ilə bağlı iştirakçılar Abşeron Mariott Hilton Bakı mehmanxanalarında oldular.

Göygöl Rayon Mədəniyyət Turizm Şöbəsinin müdiri Şərqiyyə Hümbətova treninqlərin əhəmiyyətindən danışaraq bildirdi ki, mövzular çox maraqlı məqamları əhatə edib: Seminarlarda elə mövzulara toxunulurdu ki, bunlar mənim üçün yenilik idi. Turizmin təşkili, xidmət, dünya turizmi, turistlərə tarixi-mədəni abidələrin təqdim edilməsi, onları bölgələrə necə cəlb etmək istiqamətində verilən məlumatları maraqla dinlədik. Bir neçə gün ərzində həm bölgələrimizin turizm imkanlarının tanıdılması ilə bağlı, eyni zamanda da bu sahədə olan biliklərin sistemləşdirilməsi istiqamətində aldığımız məlumatlar, hesab edirəm ki, gələcək fəaliyyətimizdə bizə çox kömək edəcək.

Şöbə müdiri Mədəniyyət Turizm Nazirliyinin Xalq yaradıcılığı paytaxtları proqramı çərçivəsində Göygölün 2013-cü ildə Sənətkarlıq paytaxtı elan olunduğunu, bu münasibətlə rayonda tədbirlərə start verildiyini qeyd etdi: Tədbirlərimiz ilboyu davam edəcək. Əsasən sənətkarların əl işlərindən ibarət sərgilərin təşkilinə böyük üstünlük verəcəyik.

 

 

Fəxriyyə Abdullayeva

 

Mədəniyyət.- 2013.- 1 may.- S. 7.